Jueces 9:4 - Bible in Tzotzil de Chamula

⁴ Ma'uc no'ox ti jech laj spasic taje, yu'un laj stamic loq'uel lajuneb xchanvinc (70) ta sep plata taq'uin ti oy ta xch'ulna ti Baal-berite, laj yac'beic yich' ti Abimeleque. Ta sventa ti taq'uin taje, laj stoj o jun chib jmilvanejetic yo' jech ta sts'acliic ti Abimeleque. Jmoj xvoletic xchi'uc ti viniquetic taje,

Bible in Tzotzil de Chenalhó with Deuterocanon

⁴ Jech la sloq'uesic tal lajuneb xchanvinic (70) ta sep saquil taq'uin te ta ch'ulna yu'un li Baal-berite; ja' laj yac'beic li Abimeleque. Li Abimeleque ja' la stoj o jayibuc ch'ajil jmilvanejetic yu'un ac'o chi'inatuc batel.

Jueces 9:4 Iomraidhean Croise

2 Samuel 6:20

Ja' jech ec ti Davide sut ech'el ta sna yo' jech ta sts'uiltas ti c'u yepal oy yu'une. Ja'uc ti Mical yantsil nich'on ti Saule, xi laj yal ti c'alal bat snup ta bee: —¡Sc'otebal xa o yilel ma' yuni c'oplal ti ajvalil yu'un ti Israel avi tanae, ti laj yac' ta ilel ta sba ta sat ti sme' mosovtac ti yajtuneltaque, ti ja' xa xchi'il c'ot ti buch'u mu sna xq'uexavique!

2 Crónicas 13:7

Lic voliatuc yu'un jchopol jol jti'oval viniquetic, ti cajal ye sti'ic ta stojol ti Roboam xnich'on ti Salomone. Jch'iel vinic to, ma'uc to cajal ye sti' xa'i sba. Mu to sna' spaquel sc'oplal.

Job 30:8

Jnaclejetic ti naca smacojic ti banomile, ti mu'yuc na'bil buch'u xnich'nabe, ti mu xtal yutsil ta xnaquiic ta jteclume.

Proverbios 12:11

Ti buch'u ta xabtelan ti yosil sbanomile, sta no'ox ti sve'el yuch'ome, ja'uc ti buch'u mu sventauc sbae, mu ch'ayob c'ac'al xal ti bu stamoj batele.

Sofonías 3:4

Ti j'alc'opetic yu'unique mu xa'i sbaic ta j'ech'el, j'ac'vanejetic ta vocol. Jech ti paleetic yu'unique laj xa soquesbeic sc'oplal ti ch'ulnae; laj sju'ic ta teq'uel ti oy c'usi jbel tsots albil yu'un ti Diose.

Hechos 17:5

Ti jech taj une, oy jlom israeletic ti mu xc'ot ta yo'ntonic ta xch'unele, lic yit'ixal yo'ntonic. Laj stsobic jayibuc ch'ajil viniquetic ti mu'yuc xch'ulel xa'i sbaic ti buyuc no'ox ta x'ech' yu'unic ti c'ac'ale, ti laj soquesbeic yo'nton ti muc' ta lum ti xvochvun no'ox liquel yu'unique. Ma'uc no'ox taje, bat svoliic sna ti Jasón ta sa'el ti Pabloe xchi'uc ti Silase, ta xjochic loq'uel yo' jech ta xba yaq'uic ta yoc ta sc'ob ti jnaclejetique.

Jueces 11:3

Va'i un, ti Jeftee jatav loq'uel ta stojol ti xchi'iltac ta voq'uele. Bat nacluc ta yosilal Tob, ti bu lic stsob epal ch'ajil pucujil viniquetique, ti jmoj bu yalel muyelic ta xanobal xchi'uque.

Jueces 8:33

Ta ts'acal to un, ti c'alal chamem xa ox ti Gedeone, jech ti israeletique lic xch'ac sbaic ta stojol ti Diose yo' jech lic snijan xchiman sbaic ta yich'el ta muc' ti ep ta tos sloc'obbailtac ti Baale. C'ot ta t'ujel yu'unic ta xrioxinel ti Baal-berite.

Jueces 9:27

Va'i un, oy jun c'ac'al ti loq'uic batel ta stsobel uva ta osiltic ti lic smeltsanic vino xchi'uquique. Lic spasic jun muc' ta q'uin, ti ta xve'ic ta x'uch'obajic ta xch'ulna ti diosetic yu'unique, ti sbiseluc xa ta cotol chaval yu'unic ti Abimeleque.

1 Samuel 22:2

Ja' jech xtoc scotol ti buch'u ilbajinbilique, scotol ti buch'u oy yilique, xchi'uc scotol ti buch'u mu junuc yo'ntonique, bat svol sba scotolic ta stojol, ti c'ot ta banquilal jvolvanej yu'unic ti Davide. Ti c'u yepal xvoletic ta stojole, oy nan jutucuc mu chanibuc ciento (400) ta vo' ti viniquetique.