Jueces 8:5 - Bible in Tzotzil de Chamula

⁵ Ti ta Sucote, xi laj yal ti Gedeón ti laj sc'anbe ti jnaclejetic teye: —Avocolicuc, ac'beic jutebuc sve'elic ti buch'utic li' jchi'uc talele, ja' ti mu x'ech' ta xa'iic ti lubele. Yu'un loq'uemuncutic ta slubiel ta be ta snutsel ti ajvaliletic yu'un ti madianitaetique, ja' ti Zebae xchi'uc ti Zalmunae.

Bible in Tzotzil de Chenalhó with Deuterocanon

⁵ C'alal ic'otic ta Sucote, li Gedeone jech laj yalbe li boch'otic te nacajtique: —Avocolicuc ac'beic jutuc sve'elic li jchi'iltaque yu'un lubenic xa. Xchi'uc yu'un ta to jnutscutic batel li ajvaliletic yu'un madianetique, ja' li Zeba xchi'uc Zalmunae —xut.

Jueces 8:5 Iomraidhean Croise

Génesis 14:18

Ja' jech xtoc ti Melquisedeque, ajvalil yu'un ti jteclum Saleme xchi'uc yajpale Dios ti oy ta toyole, laj yich' talel pan xchi'uc vino.

Génesis 33:17

Yan ti Jacobe bat ta Sucot. Laj smeltsan sna, xchi'uc laj smeltsanbe lambil yanal te' yaxib ti chon bolometic yu'une. Jech o xal ti bu taje, laj yac'be sbiin Sucot.

Salmos 60:6

Ti Diose xi laj yalbotic ta xch'ulnae: “Mu'yuc xa c'usi xtaun o xca'i ximuyubaj ta jch'ac ti Siqueme, ta spuquel ti stenlejal Sucote.

Deuteronomio 23:4

Yu'un c'alal laloq'uic talel ta Egiptoe, ti la'ech'ic ta slumalique, mi ja'uc laj yac'boxuc jset'uc ave'elic, mi ja'uc jbochuc vo' laj avuch'ic yu'un. Ma'uc no'ox taje, yu'un laj stojic ta taq'uin ti Balaame, xnich'on ti Beor ti liquem talel ta Petor ti oy ta Mesopotamiae, yo' jech ta sc'an alajelic.

Jueces 5:23

Xi laj yal ti yaj'ánjel Diose: ‘C'otuc tsots bac vocol ta stojol ti Meroze xchi'uc ti jnaclejetic yu'une.’ Yu'un mu'yuc laj sbis sbaic ta tsatsal viniquetic ta scoltael ti Diose.

Jueces 8:10

Ja'uc ti Zebae xchi'uc ti Zalmunae oyic xa ta Carcor xchi'uc nan vo'lajunmiluc (15,000) ta vo' ti svinictaque, ti ja' xa jech yepal com ti svinictac ti liquemic talel ta sloq'ueb c'ac'ale. Yu'un chamic vacvinic ta mil (120.000) ta scotolic.

Jueces 8:12

Ja'uc ti Zebae xchi'uc ti Zalmunae, ta anil jatavic loq'uel, ti nutsbilic batel ti taeic ta tsaquel yu'un ti Gedeone. Bat xch'ulelic ta xi'el scotol ti soldadoetic yu'une.

Jueces 8:15

Va'i un, ti Gedeone bat ta Sucot, ti xi c'ot yalbe ti jnaclejetic ta lum taje: —¿Mi xana'ic to ti laj quich'cutic na'leel ta scoj ti mu'yuc to ox ochem ta coc ta jc'obcutic ti Zebae xchi'uc ti Zalmunae? ¿Mi xana'ic to ti laj ajalanbeic pan ti jvinictac ti c'alal mu x'ech' ta xa'iic ti lubel ti laj avalic ti mu'yuc quic'ojcutic talel ti cajchucbolalcutique? ¡Li' oy avie!

1 Samuel 25:18

Ta jech to yepal, ti Abigaile ta anil no'ox lic xchapan chib ciento ta jbej pan, cha'bej yavil vino ti meltsanbil ta nucul ti noj ta vinoe, vo'cot vobil chij, cha'vinic ta bis sbisol bacubtasbil trigo, vo'vinic ta jbej pan ti pasbil ta taquintasbil uvae, lajunvinic ta jbej pan ti meltsanbil ta taquintasbil sat icuxe. Scotol laj scajan batel ta burro.