Jueces 7:8 - Bible in Tzotzil de Chamula

⁸ C'alal mu to ta sutic batele, ti Gedeone laj yal mantal ti ac'o yich' tsobel comel ti sq'uibique, ti xulub xchijique. C'ajomal xa no'ox com xchi'uc ti vo'lajunvinic (300) ta vo' ti t'ujbilique. C'ot svol sbaic ta lamlej ta yac'ol ti bu vololic ta lamlej ti madianitaetic ta stenlejale.

Bible in Tzotzil de Chenalhó with Deuterocanon

⁸ Jech li Gedeone laj yalbe ti xu' xa ac'o suticuc batel ta snaic li yantic xchi'iltaque. Pero c'alal mu'yuc to chbatique, la stsobbe comel li sjarroique xchi'uc li xcachuique. Ja' xa no'ox te com xchi'in li oxib ciento (300) viniquetic t'ujbilique; te spasoj scarpanaic ta cajal yo' bu oyic ec li madianetic ta stenlejaltique.

Jueces 7:8 Iomraidhean Croise

Isaías 27:13

Ta yorail taje, ta xich' oq'uisanel ti muc' ta oq'uese. Ti buch'utic ch'aybil batic ta Asiriae, ti bec'bil batic ta lum Egiptoe, ta xtal yich'ic ta muc' Dios ta Jerusalén ti ta ch'ul vitse.

Levítico 23:24

“Xi xcholet xavalbe ya'i ti israeletic jech c'u cha'al li'e: Ti sba c'ac'al yu'un ti yucubal ue, ta xapasic jun q'uin sventa cuxob o'ntonal, xchi'uc ch'ul tsoblej sventa svulesel ta o'ntonal ti c'alal xtutet no'ox ta xich' oq'uisanel ti oq'uese.

Levítico 25:9

Va'i un, ti ta slajunebal sc'ac'alil yu'un ti yucubal ue, ti ja' o Sc'ac'alil ti Ch'aybil ta xc'ot ti Mulile, ta xich' oq'uisanel ti xulub chij ta sjunul ti jteclume.

Números 10:9

“C'alal ta xtal stsacoxuc ta c'op ti avajcontraic ta alumal atuquique, ti jech sc'an ta xapoj abaique, oq'uisanic ti oq'uesetique, ti tsots xa'avanique. Jech ti vu'une, ti ja' Ajvalil Dios avu'unique, ta jvulesoxuc ta co'nton. Ta jpojoxuc yu'un ti avajcontraique.

1 Corintios 15:52

ta jliquel no'ox co'ol s'elan jech c'u cha'al ta jviq'uel ta jmuts'el jsatic c'alal yorail slajeb ta xich' oq'uisanel ti oq'uese. C'alal ta x'oc' ti oq'uese, ta xich' cha'cuxesel ti animaetique yo' jech mu xa xchamic. Ti vo'otique ta xijoybijotic ta ach'.

Josué 6:20

Avanic ti jteclume. Xtutet no'ox liquel ti oq'uese. C'alal laj ya'iic yech'omal oq'ues ti israeletique, lic avanicuc ti bu xa c'alal xu' yu'unique. Jech ti smocal ti jteclume, jin yalel. Va'i un, tuc' xvoletic ochel ta anil ti ta jteclume, laj yu'ninic.

Josué 6:4

Vucub paleetic jelavemic ta jba'be ta xbatic yu'un xcaxail ti tratee, ti jujunic yich'oj jujun xulub xchijic ta yoq'uisanele. Ja'uc ti ta yucubal c'ac'al une, vucub xa velta ta sjoyibtaic ti jteclume, c'alal yacal ta xoq'uisanic ech'el xulub chij ti paleetique.

Jueces 3:27

C'alal c'ot ta yosilal ti israeletique, lic yoq'uisan xulub chij ta vits yu'un ti Efraine yo' jech ta stsob talel ti israeletique. Scotolic yalic talel ti ta vitse, ti ja' jba'be batel yu'unic ti Aode.

Jueces 6:33

Va'i un, scotol ti madianitaetique, ti amalecitaetique, xchi'uc ti jnaclejetic ti oyic ta stuq'uil sloq'ueb c'ac'ale, laj svol sbaic ta jmoj ti ech' xtuch'ic ti uc'um Jordane. C'ot slaman sbaic ta stenlej yu'un Jezreel.

Jueces 7:7

Va'i un, ti Diose xi laj yalbe ti Gedeone: “Xu' xa cu'un ta apojelic ta sventa ti vo'lajunvinic (300) ta vo' viniquetic le'e. Tsalbil ta xc'ot cu'un ti madianitaetique. Scotol ti yane, suticuc batel.”

Jueces 7:9

Ta yac'ubalil no'ox taje, xi pasat ta mantal yu'un Dios ti Gedeone: “Chapano aba yalel, lic tsaco ta leto ya'i ti madianitaetique. Yu'un ta xcac'bot ta avoc ta ac'ob.