Jueces 7:7 - Bible in Tzotzil de Chamula

⁷ Va'i un, ti Diose xi laj yalbe ti Gedeone: “Xu' xa cu'un ta apojelic ta sventa ti vo'lajunvinic (300) ta vo' viniquetic le'e. Tsalbil ta xc'ot cu'un ti madianitaetique. Scotol ti yane, suticuc batel.”

Bible in Tzotzil de Chenalhó with Deuterocanon

⁷ Ja' yu'un li Muc'ul Diose jech laj yalbe li Gedeone: “Li oxib ciento (300) viniquetic le'e, lec xu' chajcoltaoxuc o acotolic, xchi'uc xu' chatsalic o li madianetique. Li yantique xu' ac'o suticuc batel ta snaic”, xut.

Jueces 7:7 Iomraidhean Croise

Jueces 7:6

Ti buch'utic sjopoj laj yuch'ic ti vo' ti leq'uilanbil laj spas jech c'u cha'al ti ts'i'e, c'ajomal no'ox vo'lajunvinic (300) ta vo' loc' ta chapel. Scotol ti yane laj spatan sbaic ta yuch'el ti vo'e.

Jueces 7:8

C'alal mu to ta sutic batele, ti Gedeone laj yal mantal ti ac'o yich' tsobel comel ti sq'uibique, ti xulub xchijique. C'ajomal xa no'ox com xchi'uc ti vo'lajunvinic (300) ta vo' ti t'ujbilique. C'ot svol sbaic ta lamlej ta yac'ol ti bu vololic ta lamlej ti madianitaetic ta stenlejale.

1 Samuel 14:6

Ti Jonatane xi laj yalbe ti yajcoltaobbae: —Sujo aba, jelavcutic ech'el ta jot uc'um c'alal to bu vololic ti xnich'nab pucuje. Stac' nan oy c'usi lec ta spas ti Dios ta jtojoltique. Ti stuque mu ta vocoluc ta spas ta xijc'ot ta jtsalvanej yu'un mi ta yepal, mi ta jutuc no'ox ti jvinictique.

1 Samuel 23:4

Va'i un, ti Davide lic xcha'jac'be ti Diose, ti xi tac'bat yu'une: —Xan me ach'a, batan ta lum Keila. Ta xcac' ta avoc ta ac'ob ti filisteoetique.