Jueces 7:5 - Bible in Tzotzil de Chamula

⁵ Jech ti Gedeón une laj yic' batel ta yuch'el vo' ti svinictaque, ti xi albat yu'un Diose: “Ch'acal xavac' ti buch'utic sjopoj ta xuch'ic ti vo'e, ti co'ol s'elan ts'i' leq'uilanbil ta xuch'ique. Slecoj xavac' ti buch'u ta spatan sbaic ta yuch'el ti vo'e.”

Bible in Tzotzil de Chenalhó with Deuterocanon

⁵ Li Gedeone laj yic' batel ta yuch'el yoxo' li xchi'iltaque. Li Muc'ul Diose jech laj yal: “Li boch'otic ta xloch' ta sc'obic li vo'e, ti ta slec' no'ox ochel ta yoq'uic c'alal chuch'ic jech chac c'u cha'al ts'i'etique, slecoj xavac'. Li boch'o ta xquejiic ta snijan sbaic ta xuch'ique slecoj xavac' noxtoc”, xut.

Jueces 7:5 Iomraidhean Croise

1 Reyes 17:13

Xi tacbat yu'un ti Eliase: —Mu loq'ueluc xaxi'. Batan ta xchapanel ti va'i s'elan laj avale. Ja'uc le' une, ti ninal harina ti oy avu'une, ba'yel xameltsanbun jbejuc uni pan ti xavich'bun talele. Xameltsan yan ta ts'acal to un ti ta xatunes xchi'uc ti avole.

Salmos 110:7

C'alal stamoj ti sbee, ta xuch' vo' ta uc'um, ta stsatsub xchi'uc ti vo' taj une.

Jueces 7:4

Ja'uc le'e, xi lic yalilan ti Diose: “Toj ep ti avinictaque. Ic'o batel ta yuch'el vo'. Yu'un ti bu taje, ta jq'uelbe yo'ntonic, ta xcac'bot avil ti buch'u ta xbat xchi'inote, ti buch'utic ti mu'yuc ta xbate.”

Jueces 7:6

Ti buch'utic sjopoj laj yuch'ic ti vo' ti leq'uilanbil laj spas jech c'u cha'al ti ts'i'e, c'ajomal no'ox vo'lajunvinic (300) ta vo' loc' ta chapel. Scotol ti yane laj spatan sbaic ta yuch'el ti vo'e.