Jueces 7:2 - Bible in Tzotzil de Chamula

² Ti Gedeone, xi albat yu'un ti Diose: “Toj ep avic'ojan talel ti achi'iltaque. Yu'un mi ta xlic jpas ta stojol ti israeletic ti tsalbil ta xc'ot yu'un ti madianitaetique, xu' ti cajal xa'i sbaic ti ta xalbe sbaic ti laj spoj sba stuquique, ti mu'yuc c'usi balun o ta xic'ot yu'unique.

Bible in Tzotzil de Chenalhó with Deuterocanon

² Li Muc'ul Diose jech laj yalbe li Gedeone: “Li achi'iltac avic'oje toj ep; mu xu' chacac'bot ta ac'ob li madianetique. Yu'un naca me chlic atoy abaic, me jech chlic avalic: ‘Ivu' cu'un jtuctic’, naca me xachiic.

Jueces 7:2 Iomraidhean Croise

Génesis 46:2

Ja' o ta yac'ubalil, ti Israele jam sba sat laj yil c'oponat talel yu'un Dios ti biiltasat ta sbi Jacobe. Jech ti stuque xi laj staq'ue: —¿C'usi ta xaval?

2 Crónicas 14:11

Ti Asa une xi lic sta ta c'oponel ti Ajvalil Dios yu'une: “Ch'ul Dios, co'ol no'ox sba ta xavil xchi'uc ti buch'u tsots xa'i sbae, xchi'uc ti buch'u ch'abal ti yipal yu'une. Avi tana une, la' coltauncutic, Ch'ul Ajvalil Diosot cu'uncutic. Jpatoj co'ntoncutic ta atojol, litalcutic ta scontrainel ta aventa ti epal soldadoetic le'e. Ti vo'ote, Ajvalilot, Diosot cu'uncutic. ¡Ac'o ta q'uelel ti mu'yuc buch'u xjelav ta atojole!”

Isaías 10:13

Ti ajvalil yu'un ti Asiriae xi ta xalbe sbae: “Ta yipal ta jtsatsal, c'ot ta pasel cu'un, bijbijun xca'i jba, xitojob ta snopel. Laj jtenbe loq'uel sts'aquil yosil ti muc' ta lumetique. Laj cu'ninbe ti sc'ulejalique jech c'u cha'al junuc tsatsal vinicun xca'i jba ti laj jvalc'unan ti ajvaliletique.

Isaías 2:11

Ti jtoyobbaetique ta xc'ot ta stojolic ti mu xa toybaj ti sat yelovic ta xq'uelvanique. Ti buch'u cajal xa'i sbaique, peq'uel ta xc'ot sc'oplalic. C'ajomal no'ox stuc ti Dios ta xac' ta ilel ti smuc'ul stsatsal ti jech c'ac'al taje.

Isaías 2:17

Ti jtoyobbaetique xchi'uc ti buch'u cajal ye sti' xa'i sbaique, ta j'ech'el ta xpec'tsanbat ti sc'oplalique. C'ajomal no'ox stuc ti Diose ta xac' ta ilel smuc'ul stsatsal ti jech c'ac'al taje.

Jeremías 9:23

Ti Diose xi ta xale: “Mu snop ti cajal xa xa'i sba xchi'uc sbijil ti buch'u oy sbijile. Mu snop ti cuchem xa yu'un ti buch'u jelavem xu' yu'une. Ti jc'uleje mu snop ti ja' ta xpojvan ti sc'ulejale.

Ezequiel 28:17

Laj atoy aba xchi'uc ti avutsile. Ti xatixet no'ox xchi'uc ti alequile, laj soques ti abijile. Laj jipot yalel ta lum un. Laj cac'ot ta lo'il maxil ta sba ta sat ti ajvaliletique.

Ezequiel 28:2

“Yojtot, xi xavalbe ya'i ti ajvalil yu'un ti jteclum Tiroe: ‘Xi s'elan ta xal ti Diose: Mu'yuc xa ono'ox buch'u xtaun o laj ava'i xchi'uc ti atoyobbaile, lac'ot ta jun dios laj ava'i aba ti chotolot ta spasob mantal ti diosetic ti joyobtabilot ta nabe. Laj anop ti jech abijil jech c'u cha'al jun diose, naca vinicot no'ox, ma'uc jun dios.

Daniel 4:30

ti xi lic yalbe sbae: “C'u xa no'ox yutsil ta xilic ti q'ue smuc'ul bat ti jteclum Babiloniae. Yu'un ta jmuc'ul jtsatsal, meltsaj cu'un ti jech muq'uib ta j'ech'ele yo' jech c'ot ta jtsobvanej jteclum ti bu ta jpas-mantale, yo' jech ta xquicta comel jna'obil ti oy jmuc'ul jtsatsal li'ech'e.”

Habacuc 1:16

Jech o xal ti jtsac-choye ta snijan xchiman sba ta sc'oponel sti'inel ti stsacobil xchoye, xchi'uc ti yan stsacobil ti sbiinoj anzueloe. Ta xac'be milbil matanal, ta xchic'be pom sventa yich'obil ta muc' yu'un, ti col albat ti ja' ta sventaic ti busul no'ox ta sta ti jun yutsil ti c'usi ta stun slajese.

Zacarías 12:7

“Ti vu'un Diosune, ja' ba'yel ta jtic' jba ta spojel ti judaetique yo' jech mu teyuc no'ox caj tsacal ech'el sc'oplal snitilultac ti Davide xchi'uc ti jnaclejetic yu'un ti jteclum Jerusalene, yo' jech mu xc'ot ta pasel ti ja' peq'uel ta xcom sc'oplal snitilultac ti Judae.

Zacarías 4:6

Jech ti stuque xi laj sts'ac batel ta yalel ti lo'ile: “Ti le'e, ja' slo'il ya'yej ti Dios ti xi ta xalbe ya'i ti Zorobabele: ‘Ma'uc xa tsots sc'oplal ti epal soldadoetique. Ma'uc xa tsots sc'oplal ti yipal yu'un ta j'ech'ele. Ti le'e, ja' xa ta xc'ot ta pasel ta jcuxlej jtuc, xi ti Dios ti scotol xu' yu'une.

Números 31:4

Ti jujuchop nitiluletique, ac'o sloq'ues batel jmiluc (1,000) ta vo' viniquetic ta yaq'uel ti letoe.

Romanos 11:18

Ja'uc le'e, mu xatoy aba ta sbajel ta stenel ti bats'i sc'obtac ti laj yich' setele. Mi jech ta xapase, vuleso ta ajol ti ma'uc liquem talel xch'iel ti yibel ta aventae, naca avich'ojbe xcuxlej ta sventa ti yibele.

Romanos 3:27

¿Bu bat ti toyobbail ta stojol ti Dios un cha'e? ¡Tub ta j'ech'el un! ¿C'u cha'al un? yu'un ja' ta sventa ti c'ot ta o'ntonal ta xch'unel ti Jesuse, ma'uc ta sventa ti c'ot ta pasel ti oy c'usi tsots sc'oplal albile.

2 Corintios 4:7

Ja'uc ti c'ulejale, oy ta jbec'tal jtacopaltic ti ja' jech s'elan c'u cha'al bin ti pasbil ta lume yo' jech ta xvinaj ti mu albajuc smucul stsatsal Dios ti ma'uc cu'un jtuctique.

Efesios 2:9

Taj une, mu'yuc buch'u xu' ta stoy sba xchi'uc, yu'un ma'uc ta sventa ti oy c'usi laj spase.

Deuteronomio 32:27

Ja'uc le' une, mu ts'icbaj laj ca'i ti labanel yu'un ti cajcontrataque. mi ja'uc ts'icbaj laj ca'i ti j'ilbajinvanejetic ti cajal toyol xa ye ti xi ta xalic liquele: Ti vi s'elan le'e, ma'uc Dios laj spas, yu'un ta quiptic ta jmuc'ul jtsatsaltic jtuctic ti jech c'ot ta pasele.’

Deuteronomio 8:17

“Mu me xi'uc xtal ta ajolic ta snopele: ‘Scotol ti c'ulejal laj jtatic li'e, ta yipal no'ox cu'un jtuctic quere.’

Deuteronomio 8:18

Tsots sc'oplal ti vuleso ta avo'ntonic ti Ajvalil Dios avu'unique. Yu'un ja' laj yac'boxuc avipic ta stael. Yu'un laj c'otuc ta pasel yu'un ti strate ta atojolic jech cu cha'al laj ono'ox yalbe ya'i ti amolmuc'totic ti laj ech'icuc ta vo'nee.

Santiago 4:6

Ja'uc ti Diose, ta sventa slequil yutsil yo'nton, x'ech' to ta xiscoltaotic, yu'un xi ta xal ti ch'ul c'ope: “Ta scontrain ti buch'u jtoyobbaetique. Ja'uc ti buch'u biq'uit yac'oj sbae, ta xc'uxul yo'nton ta scolta.”

1 Samuel 14:6

Ti Jonatane xi laj yalbe ti yajcoltaobbae: —Sujo aba, jelavcutic ech'el ta jot uc'um c'alal to bu vololic ti xnich'nab pucuje. Stac' nan oy c'usi lec ta spas ti Dios ta jtojoltique. Ti stuque mu ta vocoluc ta spas ta xijc'ot ta jtsalvanej yu'un mi ta yepal, mi ta jutuc no'ox ti jvinictique.