Jueces 7:12 - Bible in Tzotzil de Chamula

¹² Ti madianitaetique, ti amalecitaetique, ti jnaclejetic ti liquemic talel ta sloq'ueb c'ac'ale, co'ol s'elan j'ilbajinvanej c'ulub ti lamal stanioj sbaic ta stenleje. Mu no'ox albajuc yepal ti scamelloic oy yu'unique, ti co'ol s'elan yi' oy ta sti'il ti nabe.

Bible in Tzotzil de Chenalhó with Deuterocanon

¹² Li madianetic, li amalequetic, xchi'uc li cristianoetic talemic ta stuq'uil sloq'ueb c'ac'ale te lamalic scotolic ta stenlejal, pero bats'i epic ta jyalel jech chac c'u cha'al c'ulub. Xchi'uc bats'i ep li scamelloique jech chac c'u cha'al epal yi'tic ta ti'nab.

Jueces 7:12 Iomraidhean Croise

1 Reyes 20:27

Ja' jech ec ti israeletique lic xchapic talel ti yajsoldadotac ti ja' yip yo'nton xchi'uquique, ti laj yac'beic ech'el ti c'usi ta xtun yu'unique. Bat snup sbaic ta be xchi'uc ti sirioetique, ti c'ajomal nene' cha'voc' ta tentsun volol c'otic ta q'uelele. Ja'uc ti sirioetique smacojic scotol ti banomile.

1 Reyes 4:30

Jelav ta j'ech'el sbijil ti Salomone, ja' mu sta sbijil c'otic ti egipcioetique, ti viniquetic ti oyic ta sloq'ueb c'ac'ale.

Salmos 3:1

Cajval, ep ta j'ech'el ti jcontrae, ep ta j'ech'el ti svoloj sbaic ta scontrainelune.

Salmos 33:16

Mi junuc ajvalil ta xcol ta sventa yepal no'ox ti yajsoldadotaque; ja' no'ox jech ec ti tsatsaquil viniquetique mu xcol ta yipal no'ox yu'un stuquic.

Jeremías 46:23

Ta sts'etbatic un ti yax c'utan no'ox ti te'tic yu'unique. Mu stselbuj jc'op ma' ti vu'un Ajvalilun une. Mu'yuc buch'u xchap yu'un, sbuset yepal ta j'ech'el, mu sta ti c'ulube.

Josué 11:4

Scotol ti ajvaliletic taje loq'uic batel xchi'uc yajsoldadoic ti mu no'ox albajuc yepal sca'ique, xchi'uc scarretaic sventa ac'ob-leto. Bats'i mu stac' atel ta j'ech'el ti soldadoetique, ti co'ol s'elan yepalic jech c'u cha'al ti yi' ti oy ta sti'il ti nabe.

Jueces 6:3

Ti c'usiuc no'ox ta sts'unic ti israeletique, ta xtal pojbaticuc yu'un ti madianitaetique, ti amalecitaetique, xchi'uc ti jnaclejetic ti oyic ta sloq'ueb c'ac'ale.

Jueces 6:33

Va'i un, scotol ti madianitaetique, ti amalecitaetique, xchi'uc ti jnaclejetic ti oyic ta stuq'uil sloq'ueb c'ac'ale, laj svol sbaic ta jmoj ti ech' xtuch'ic ti uc'um Jordane. C'ot slaman sbaic ta stenlej yu'un Jezreel.

Jueces 6:5

Yu'un lot'ajtic no'ox yu'unic ti yaxibal naique. Xc'ulet no'ox yu'un ti chon bolometic ta soquesel ti jteclume. Mu'yuc c'usi ta xictaic comel jutebuc. Mu no'ox albajuc yepal ti scamelloic ta xtale, co'ol s'elan junuc j'ilbajinvanej c'ulub ti xc'ulet ta j'ech'ele.

Jueces 7:13

C'alal nopaj batel ti Gedeón ti bu lamal ti yajcontrae, laj ya'i ti oy jun soldado ti yacal ta xchapbe ya'i xvaich ta stojol yan soldado ti c'usi laj yile, ti xi ta xale: —Laj quil ta jvaich ti oy jbej pan ti meltsanbil ta jchop o trigo ti stselel xa talel ti bu lamalotique, ti toj lomel c'ot yu'un ti jbej axibal na ti c'alal tselel c'ote.

Jueces 8:10

Ja'uc ti Zebae xchi'uc ti Zalmunae oyic xa ta Carcor xchi'uc nan vo'lajunmiluc (15,000) ta vo' ti svinictaque, ti ja' xa jech yepal com ti svinictac ti liquemic talel ta sloq'ueb c'ac'ale. Yu'un chamic vacvinic ta mil (120.000) ta scotolic.

1 Samuel 13:5

Ja'uc ti filisteoetic eque laj stsob sbaic yo' ta stsaquic ta leto ti israeletique. Oy yu'unic lajuneb xcha'vinic ta mil (30,000) carreta sventa ti ac'ob-letoe, vacmil (6,000) soldadoetic ti cajajtic ta ca'e, ti mu no'ox albajuc yepal oy yu'unic soldadoetic ti xvoletic batel co'ol s'elan jech c'u cha'al syi'al nab ta xanavic ta yoquique. Laj stam batel sbeic ta stuq'uil Micmas, ti c'ot slaman sbaic ta yeloval sloq'ueb c'ac'al yu'un ti Bet-avene.

1 Samuel 30:17

Va'i un, ti Davide sob lic stsac ta leto ti yich'oj sjunul c'ac'al yu'une, ja' to ti c'uxi tsuts yu'un ta j'ech'ele. Mu'yuc laj sta ta milel chanib ciento (400) ta vo' jva'lej viniquetic ti cuch to yu'unic scajlebinel ti scamelloic ti jatavic ech'ele.