Jueces 7:1 - Bible in Tzotzil de Chamula

¹ Ti Gedeone, ti ja' xa sbiinoj yu'unic ti Jerobaale, xchi'uc ti c'u yepal oy ta stojole, sob xa liquic batel ta yoc'omal, ti c'ot svol sbaic ta sat vo' yu'un ti Harode. Yan ti bu vololic ta yaxibal naic ti madianitaetique, comem ta yolon ti yolon xocon sloq'ueb c'ac'al yu'unic ta stenlej ti oy ta yoc vits yu'un ti Moree.

Bible in Tzotzil de Chenalhó with Deuterocanon

¹ Li Gedeón, ja' li Jerobaal yan sbie, sob iliquic xchi'uc scotol li boch'otic te xchi'inoje; te bat spas scarpanaic ta nopol nio' Arod. Yan li madianetique te spasoj scarpanaic ta stuq'uil norte ta stenlejaltic ta yoc vits More.

Jueces 7:1 Iomraidhean Croise

Génesis 12:6

Jech ti Abrame ech' xani jelavel c'u sjamlej ti banomile, ja' to ti c'uxi c'ot ta Siquem bu oy ti ch'ul tulan yu'un ti Moree. Yu'un ja' nacalic ti cananeoetic ta banomil taje.

Génesis 22:3

Ti Abrahame, sob xa ta yoc'omal, lic slapbe siya ti sburroe. Laj sboj batel si' sventa xchic'obil ti matanale. Bat xchi'uc ti Isaac ti ja' xnich'one xchi'uc chib smosov. Bat bu albil yu'un ti Diose.

Salmos 83:9

Jech xapas ta stojol un jech c'u cha'al laj apasbe ti Madiane, jech c'u cha'al laj apasbe ti Sisarae, jech c'u cha'al laj apasbe ti Jabin ta uc'um Cisone,

Eclesiastés 9:10

Ti c'usi oy ta avoc ta ac'ob ta spasele, o'ntolino ta sbainel scotol. Yu'un ta muquinal ti bu ta xac'ot ta tsutsele, mu'yuc c'usi ta xich' pasel. Mu'yuc xa c'usi ta xich' nopel. Mu xa x'abtej ti snopobile. Mu xa x'abtej ti bijilile.

Deuteronomio 11:30

Ti muc'tiquil vits taje, oy ta jot uc'um Jordán ta stuq'uil batel ti bu ta x'ech' ti be ti ta xbat ta smaleb c'ac'al ta yosilal ti cananeoetic ti nacalic ta stenlejal ti ta yeloval Gilgale, ta sts'el xtoc ti tulantic yu'un ti Moree.

Josué 3:1

Sob xa ta yoc'omal un, ti Josué xchi'uc scotol ti israeletique loq'uic batel ti ta Sitime. C'otic c'alal ta uc'um Jordán. Ti c'alal mu to ta x'ech' xtuch'ique, c'ot slaman sbaic ti bu taje.

Josué 6:12

Ta yoc'omal un, sob xa lic ti Josuee. Ti paleetique laj xchechic batel xcaxa ti Diose.

Jueces 6:32

Ja' o lic biinuc talel yu'unic Jerobaal ti Gedeone, ti xi lic yalilanique: “Ac'o spoj sba stuc ti Baale.” Yu'un ti Gedeone laj sjinesbe yaltar ti Baale.

Jueces 6:33

Va'i un, scotol ti madianitaetique, ti amalecitaetique, xchi'uc ti jnaclejetic ti oyic ta stuq'uil sloq'ueb c'ac'ale, laj svol sbaic ta jmoj ti ech' xtuch'ic ti uc'um Jordane. C'ot slaman sbaic ta stenlej yu'un Jezreel.

Jueces 6:40

Ti jech ac'ubal taje, jech laj spas ti Diose. Yu'un ti c'alal sacub ta yoc'omale, ti tsotse, taquin. Ja'uc ti banomile, ja' t'uxijem ta job ac'ubal.

Jueces 8:29

Ja'uc ti Jerobaale, ti Gedeón sbie, bat nacluc ta sna stuc.

1 Samuel 12:11

“Va'i un, ti Diose lic sva'anan ta jpojvanejetic ti Jerobaale, ti Baraque, ti Jeftee, xchi'uc ti Samuele, yo' jech ta xaspojoxuc ti tsalbiloxuc yu'un ti avajcontraique. Ja' to jech laj ataic ti jun avo'ntonic lanaquiique.

1 Samuel 29:1

Ti ta Afec jteclume, laj stsob sbaic scotol yajsoldadotac ti filisteoetique. Ja'uc ec ti israeletique laj slaman sbaic ta tsoblej ta sat vo' ti oy ta Jezreele.