Jueces 6:4 - Bible in Tzotzil de Chamula

⁴ Xc'uletic no'ox ta slaman sbaic ta yosilal ti Israele, ti mu'yuc c'usi ta xictaic comel ti c'usitic ts'unbile. Ta xc'ot c'alal to yosilal ti Gazae. Mu'yuc c'usi ta x'ictabatic comel ti c'usi ta stun ta slajesic ti israeletique. Mi ja'uc ta x'ictabatic comel ti chije, ti vacaxe, ti burroe.

Bible in Tzotzil de Chenalhó with Deuterocanon

⁴ Te la spas scarpanaic ta yosil li israeletique. La slajesic scotol li c'usitic sts'unojic c'alal to ta yosilal Gazae. Solel mu'yuc c'usi la scomtsanic sventa tsve'ic li israeletique, xchi'uc mu'yuc c'usi tsve' xchijic, xvacaxic, xchi'uc sburoic.

Jueces 6:4 Iomraidhean Croise

Génesis 10:19

Yosilic ti cananeoetique jam batel c'alal to yosilal Gerar. Yosilic ti cananeoetique lic ta jteclum Sidón, c'ot c'alal to jteclum Gaza, ta stuq'uil ti jteclum Sodomae, ti Gomorrae, ti Admae, xchi'uc ti Zeboime, c'ot c'alal to ta jteclum Lesa.

Génesis 13:10

Va'i un, ti Lote laj sq'uel batel scotol ti stenlej sti'il uc'um Jordane. Laj yil oy lec vo' ta sjunul ti stenleje, co'ol xa s'elan yav ts'unubaltic xc'ot c'alal to biq'uit jteclum Zoar. Yu'un co'ol s'elan yosilal Egipto. (Yu'un ta vo'ne, ja' to ox jech s'elan c'alal mu'yuc to ox lilinbil yu'un Dios ti jteclum Sodomae xchi'uc ti jteclum Gomorrae.)

Proverbios 28:3

Ti ta xilbe svocol me'un mu'nat ti buch'u mu'yuc xch'ulel xa'i sbae, co'ol s'elan tsatsal chaquilo' ta soques ti ts'unubale.

Jeremías 5:17

Ta stun ta slajesic ti c'usi xloc' x'ayan avu'une, ti ave'el avuch'ome. C'alal ta aquerem atsebtac, ta stsutses ta j'ech'el. Ta ye ta sti'ic, ta stsutsesic ti achijtaque, ti avacaxtaque, ti a'uvataque xchi'uc ti aicuxtaque. Ti nac'obbail jteclumetic ti apatoj avo'nton yu'une, mu ta sc'obicuc ta xa'i ta slilinic xchi'uc ti abtejebaletic yu'unique.”

Levítico 26:16

ja' jechun ec unbi, xi s'elan ta jpas ta atojolic jech c'u cha'al li'e: Ta xcac'boxuc ava'iic ti sibtasele, ti jmilvanej sic c'oq'ue, ti ta xva'i ac'ac'alique, ti satilale, ti lubul pich'il ti abec'talique. Mi ja'uc oy c'usi bal o ti ta xats'unubajique, yu'un ja' ta sve' avajcontraic ti ats'unubique.

Abdías 1:5

“Mi ta xtal ta ac'ubaltic ti oy c'usi ta xelc'anbot ti j'eleq'ue, mu xich'ic batel scotol; mi ta xtalic ti j'elec'-uvaetique, ta to xictaic comel jaybojuc. Ja'uc ti avajcontrataque ta smes ta tsutsesel ta j'ech'el.

Miqueas 6:15

Ac'o mi oy c'usitic ta xats'un, ja' no'ox un, mu'yuc ta xatsob. Ac'o mi ta xat'us ti aceitunae, ja' no'ox un, mu'yuc c'usi ta xabalinbe ti yaceiteale. Ac'o mi ta xat'us ta teq'uel ti uvae, ja' no'ox un, mu'yuc ta xavuch' ti vinoe.

Deuteronomio 28:33

Yu'un ti laj apich' avoc ac'ob yu'un ti avabtel ti oy c'usi laj ats'un ta abanomile, ja' ta stun ta slajesic ti jyanlumetic ti mu ja'uc jutebuc laj avojtiquin ta j'ech'ele. Xlic xcaj no'ox ti avilbajinele, ti avocol ti ta xc'ot ta atojole.

Deuteronomio 28:51

Va'i un, ta xlic sti'ic yoltac ti chon bolometic avu'une, xchi'uc ti c'usitic loc' ayan ti laj ats'un ta abanomile, ja' to ti c'uxi mu'yuc c'usi ta xayic'tabot comele. Yu'un xquechet ta xac'be ech'el ti trigoe, ti vinoe, ti aceitee, ti yoltac ti avacaxe, ti yoltac ti achije. Ta xlic chaman ta vi'nal yu'un un.

Jueces 6:3

Ti c'usiuc no'ox ta sts'unic ti israeletique, ta xtal pojbaticuc yu'un ti madianitaetique, ti amalecitaetique, xchi'uc ti jnaclejetic ti oyic ta sloq'ueb c'ac'ale.