Jueces 6:2 - Bible in Tzotzil de Chamula

² Ti jech tsatsajem yilbajinelic yu'un madianitaetic ti israeletique, ti ta x'ac'batic xi'el yu'une, jech o xal laj smeltsanic snac'obbailic ta vitsetic, ta nail ch'enetic, xchi'uc ti bu xa vocoltic ta xvinajique.

Bible in Tzotzil de Chenalhó with Deuterocanon

² Li madianetique tsots lic yac'beic svocol li israeletique. Jech li israeletique lic xi'icuc yu'un li madianetique, lic snac' sbaic ta vitsetic, ta nailch'enetic ti bu vocolic ta sa'ele.

Jueces 6:2 Iomraidhean Croise

Job 30:6

C'otem ta snaic ma' ti nail ch'ene, ti lican ch'entique, ti c'al ch'entique.

Jeremías 41:9

Ti joc' bu laj sjip yalel scotol animaetic laj smil ti Ismaele, ja' o no'ox ti joc' laj yac' ta meltsanel ti ajvalil Asa yo' spoj sba ta yoc ta sc'ob ti Baasa ajvalil yu'un ti Israele. Ac'o mi muc' ta j'ech'el ti joq'ue, noj com ta anima ti laj smil ti Ismaele.

Jeremías 48:28

Jnaclejetic ta jteclumetic yu'un Moab, ic'taic comel ti alumalique. Ba naclanic ta lican ch'enetic jech c'u cha'al junuc paloma ti ta xac' stasic ta toyol ti' nail ch'ene.

Levítico 26:17

Yu'un ta xijoybij ta avajcontraic. Tsalbil ta xac'otic yu'un ti avajcontraique. Yu'un tsalbil ta xac'otic yu'un ti buch'u xti'et sjol ta atojolique. Ta jech no'ox yepal xabitetic ta jatobal ac'o mi mu'yuc buch'u ta xasnutsoxuc.

Hebreos 11:38

Ti buch'utic c'ot ta stojolic ti yalel muyelic ta xocol banomile, ta vitsetic, ta nail ch'enetic, ta lom ch'enetic, mu'yuc stu ta x'ileic yu'un ti jnaclejetic ta banomile.

Apocalipsis 6:15

Ti banquilal ajvaliletic ta banomile, ti jc'ulejetique, ti banquilal soldadoetic tsots xu' yu'unique, ti mosoviletique, ti ma'uc mosoviletique, scotolic jmoj bat snac' sbaic ta nail ch'enetic, ta c'al tonetic ti oy ta vitsetique.

Jueces 10:8

Va'i un, scotol ti israeletic ti nacalic ta Galaade, ti oyic ta jot uc'um Jordán ti ja' yosilal ti amorreoetique, vaxaclajuneb (18) jabil sjalil lic yich'ic ilbajinel yu'un ti filisteoetique, xchi'uc ti amonitaetique.

Jueces 10:9

Ti amonitaetique ech' xtuch'ic ti uc'um Jordane yo' jech ta stsaquic ta leto snitilultac ti Judae, ti Benjamine, xchi'uc ti Efraine. Jech o xal ti israeletique mu x'ech' xjelav ti svocol laj staique.

Jueces 6:3

Ti c'usiuc no'ox ta sts'unic ti israeletique, ta xtal pojbaticuc yu'un ti madianitaetique, ti amalecitaetique, xchi'uc ti jnaclejetic ti oyic ta sloq'ueb c'ac'ale.

1 Samuel 13:6

Lajem xa laj ya'iic ti israeletic ti c'alal laj yilic ti ta xc'ot ta pasel ti ta stsacatic ta leto yu'un ti filisteoetique, ti bat snac'an sbaic ta nail ch'enetique, ta lom ch'enetic, ta lican ch'entic, ta beo'etic, xchi'uc ta joq'uetic.

1 Samuel 14:11

Ja' yu'un un cha'e, xchibalic laj yac' sbaic iluc ta stojol ti filisteoetic ti bu vololique. Ti c'alal jech ilvanic ti stuquique, xi laj yalique: “Q'uelo avilic, syac xa ta xloq'uic talel ti hebreoetic ti bu snac'oj sbaic ta nail ch'ene.”