Jueces 6:12 - Bible in Tzotzil de Chamula

¹² Ti yaj'ánjel Diose xi laj yal ti laj yac' sba iluc ta stojole: —¡Ti tsatsal vinicot xava'i abae, ti mu xana' xaxi'e, li' xchi'inojot ti Diose!

Bible in Tzotzil de Chenalhó with Deuterocanon

¹² Te laj yac' sba ta ilel ta stojol li j'almantal yu'un Muc'ul Diose, jech laj yalbe: —Li' xchi'inojot li Muc'ul Diose, vo'ot ti lec xu' avu'une, ti oy lec stsatsal avo'ntone —xut.

Jueces 6:12 Iomraidhean Croise

Éxodo 3:12

Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

San Mateo 1:23

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

San Lucas 1:11

Ti Zacariase ja' o laj yil va'al jun yaj'ánjel Dios ta xocon altar ta xchic'obil pom ti oy ta stuq'uil bats'i c'obe.

San Lucas 1:28

Ti anjele och batel ti bu oye, xi c'ot yalbee: —¿Mi li'ote, ti c'uxubinbilot yu'un ti Diose, ti chi'inbilot yu'un ti Cajvaltique? Mu'yuc yan ants sva'anoj sba Dios ta stojol jech c'u cha'al ti vo'ote.

Deuteronomio 20:1

“C'alal ta xaloq'uic batel ta stsaquel ta c'op ti avajcontraique, ti ta xavilic ti mu albajuc yepal svinictac ti cajalic ta ca'e, xchi'uc ti ep scarretaic sventa ac'ob-letoe, ti yepal to x'ech' ti soldadoetic yu'unique, ti ja' mu sta ti vo'oxuque, mu xaxi'ic yu'un. Ja'uc ti vo'oxuque, oy ta atojolic ti Ajvalil Dios avu'unic ti laj sloq'uesoxuc talel ta Egiptoe.

Josué 1:5

Ti c'u sjalil ti ach'iel ac'opojele, mu'yuc buch'u ta xastsalot. Yu'un j'ech'el jva'anoj jba ta atojol jech c'u cha'al laj jva'an jba ta stojol ti Moisese. Mi ja'uc ta xaquictaot comel. Mi ja'uc ta xajtenot comel.

Josué 1:9

Vu'un ta xcal ti tsotsane, ti mu xatsiq'ues avo'ntone. Mu xasibtas aba. Mi ja'uc xavul avo'nton. Yu'un vu'un ti Ajvalil Diosun avu'une ta jva'an jba ta atojolal ti buyuc no'ox ta xabate.”

Jueces 11:1

Ti Jeftee, ja' jun banquilal j'ac'-leto ti mu sna' xi'e, ti nacal ta yosilal Galaade, ti ja' yol jun ants ti sna' sbolomalin sbae, ti laj sta ta jun vinic ti sbiinoj Galaade.

Jueces 13:3

Ja'uc ti yaj'ánjel Diose xi laj yalbe ti c'alal laj yac' sba iluc ta stojole: “Ti vo'ote mu'yuc aviloj o alajel ta j'ech'el. Avi tana li' une, ta xlic achi'in avol, ti ja' jun querem ta xavile.

Jueces 2:18

Ti ta jujun velta ti ta stac talel jtsobvanej ti Diose, ta xcoltaatic yu'un. Ti c'u sjalil ta xcuxi ti jtsobvaneje, ta stic' sba ta spojel ti israeletic yu'un ti yajcontraic ti jelavem xu' yu'unique, yu'un ta xc'uxubaj yo'nton. Ta xa'i ti x'ajlajetic yu'un yipal ti svocolique.

Jueces 6:11

Va'i un, vul ta loq'uel yaj'ánjel ti Diose. Vul chotluc ta yolon tulan ti oy ta Ofrae, yu'un ti Joás snitilul ti Abiezere. Ja'uc ti Gedeone, xnich'on ti Joase, ta nac'al ta sjic'a strigo ta yavil ti bu ta xich' pits'el ti uva sventa ti vinoe, yo' jech mu x'ile yu'un ti madianitaetique.

Jueces 6:13

Ti Gedeone xi laj staq'ue: —Ati jsoques la avo'nton tanae, yojtot, ati li'uc la xchi'inojuncutic ti Diose, ¿c'u la cha'al ti vi s'elan ta xc'ot ta jtojolcutic scotol le' un cha'e? ¿Bu bat scotol ti c'usitic ch'ayal ta xc'ot o'ntonal yu'un ti muc'tic ta spas ti Diose, ti c'alal laj yalic ti jmolmuc'totcutic ti ja' laj sloq'uesuncutic talel ti Dios ti oyuncutic ta Egipto ti xiique? Yu'un ta xquilcutic ti laj xa stenuncutic comel ti Diose. Laj xa yac'uncutic ta yoc ta sc'ob ti madianitaetique.

Rut 2:4

C'alal ja' o c'ot ti Booz ti lic batel ta Belene, xi c'ot sc'oponan ti jtsob-ts'unubale: —Coliyal ti Dios ti li' xchi'inojoxuque. —Jechot ec, ac'o sva'an sba ti Dios ta atojolale —xi laj stac' ti stuquique.

1 Samuel 10:7

C'alal jech ta xc'ot ta atojol une, ja' paso ti c'usi lec ta xavile, Dios ta xa scoltaot.