Jueces 6:10 - Bible in Tzotzil de Chamula

¹⁰ Yu'un laj ono'ox calboxuc ava'iic ti vu'un ti Ajvalilune, ti Diosun avu'unique, ti mu xaxi'ic yu'un sdiosic ti amorreoetic li' ta banomil ti bu nacaloxuc avi tanae. Ja' no'ox un, mi ja'uc laj avich'beicun ta muc'.’ ”

Bible in Tzotzil de Chenalhó with Deuterocanon

¹⁰ Laj calboxuc ti vu'un Muc'ul Diosun avu'unique, xchi'uc ti mu me xavich'ic ta muc' li diosetic yu'un amorretic, vo'oxuc ti te nacaloxuc ta yosilalique, pero muc xach'unbicun’, xayutoxuc li Diose”, xi li j'alc'ope.

Jueces 6:10 Iomraidhean Croise

2 Reyes 17:13

Yu'un ta xava'i une, ti Diose scaj-bijubtasoj xa ono'ox ti israeletic ta sventa ti c'usitic yaloj scotol ti j'alc'opetique, xchi'uc ti buch'utic xu' yu'un ta xjac'vanic ta stojol ti Diose, ti ac'o yicta ti c'usitic chopol stamojic ta spasele, ti c'otuc ta pasel yu'unic ti mantaletique, xchi'uc ti c'usitic jbel tsots albil ta scotol ti chanubtasel ti ac'batic comel ti smolmuc'totic ta sventa ti j'alc'opetic ti ja' yajtuneltaque.

2 Reyes 17:33

Ac'o mi ta snijan sbaic ta yich'el ta muc' ti Diose, staoj ono'ox yav sbic'tajesoj sbaic ta yich'el ta muc' ti diosetic yu'unique jech c'u cha'al liquem yu'unic ti jteclum ti bu liquemic talele.

2 Reyes 17:7

Jech c'ot ta pasel taje, yu'un ti Israeletique laj sta smulic ta stojol ti Ajvalil Dios yu'unic ti ja' loq'uesatic talel ta Egiptoe, xchi'uc ti pojatic ti ilbajinbilic yu'un ti faraón ajvalil yu'un ti Egiptoe, ti lic xcha'tsaquic yich'el ta muc' ti meltsanbil diosetique.

Nehemías 9:29

Laj abijubtas ti xcha'tamicuc ta spasel ti oy c'usitic jbel tsots albil avu'une. Xtoyet no'ox xa'i sbaic ti yalojic une ti mu tsotsuc sc'oplal ta xa'iic ti amantaltaque. Naca sju'el no'ox ta teq'uel ti c'usitic nopbil avu'une, ti ta x'ac'bat xcuxlejal ti buch'utic ta xc'ot ta pasel yu'unique. Toyobba batic ta j'ech'el. Mi ja'uc xa'ibeic xchiquinal ti laj yaq'uic ta ventae.

Éxodo 34:12

“Mu me xaco'oltas ajolic ta spasel mi junuc trate xchi'uc ti yajval lumetic ti nacalic ta banomil ti bu ta xcac' ochanic batele, yo' jech mu xa syac'oxuc ta spets'ique.

Éxodo 34:14

“Mu xavich'ic ta muc' yan diosetic, yu'un ti Diose mu lecuc ta xil ti oyoxuc ta sc'ob yane. Yu'un stalel o ti Diose ti mu sts'ic yu'une.

Proverbios 5:13

¿C'u no'ox cha'al mu'yuc laj cac' ta venta sc'op ti cajchanubtasvanejtaque? Mu'yuc laj jts'etan jchiquin ta ya'yiel sc'opic ti buch'u laj stojobtasicune.

Jeremías 10:2

Ti Diose xi ta xale: “Mu xachanbeic stalel ti c'u s'elan ta spas ti yan jteclumetique. Jipo ta spat ajolic xi'elal ti c'usitic ta xac' sba iluc ta vinajele, ti mu ech'baj xi'elal ta xa'i ti muc'tiquil jteclumetique.

Jeremías 17:23

Ti stuquic une, mi ja'uc laj xch'unbeicun. Mi ja'uc laj yaq'uic ta venta. Jelav ti stoyobbailique. Mi ja'uc c'ot ta yo'ntonic ti ta xch'unique. Mi ja'uc sc'anic albel.

Jeremías 3:13

Ja' no'ox un, ojtiquino ti achopolale, xchi'uc ti toyobbaot ta stojol ti Ajvalil Dios avu'une, ti yoquilal avu'un ta sa'el ti xch'ayobil ajol ti mu xavojtiquinan ti ta xata ta scotol ta yolon ti limlim te'tique, xchi'uc ti mu xa xavich' ta muc' ti c'usitic albil cu'une. Ti vu'un Diosune, mu lo'iluc ta xcal.’ ”

Jeremías 3:25

Nijanun chimanuncutic, yu'un q'uexlal sba vinaj ti bu xa c'alal ti jtoyobbailcutique. Ta jbic'talcutic ono'ox, jech o j'elancutic talel ti laj jsa'ilan ti jmulcutic ta atojol ti vo'ot Ajvalil Diosot cu'uncutic ti mu'yuc laj jch'unbecutic ti c'usi ta xacane, jech c'u cha'al laj ech'uc ti jmolmuc'totcutic ta vo'nee.”

Jeremías 42:21

Laj xa cac' ana'ic ti c'u s'elan laj sc'ubanbun ti Ajvalil Dios ta yalbeloxuque, mu xac'an xach'unic un.

Jeremías 43:4

Ja' yu'un taj une, ti Johanane, ti banquilal jtsobvanejetic yu'un ti soldadoetique, ti jnaclejetique, mi ja'uc xa sc'an xcomic ta naclej ta yosilal ti Judae. Jbel xalic ti laj sbajbeic smantal ti Diose.

Jeremías 43:7

Mi ja'uc oy stu laj ya'iic smantal ti Diose. Scotolic batic ta Egipto, c'alal to jteclum Tafnes c'otic.

Jeremías 9:13

Xi laj stac' ti Diose: “Ti jech c'ot ta pasel scotol taje, ti chanubtasel laj cac'beic ti israeletique, c'ajomal no'ox laj svalopatinbeicun comel. Mi jutebuc laj yac' yo'ntonic ta spasel ti c'usi ta xale.

Sofonías 3:2

Mu'yuc laj xchiquintabe sc'op ti Diose, mi ja'uc c'ot ta yo'nton ti tojobtasele, mi ja'uc laj spat yo'nton ta stojol, mi ja'uc laj yich'be ye sti' ti Dios yu'une.

Romanos 10:16

Ti le' une, mu scotolicuc ti tac'al ta xc'ot ta yo'ntonic ti lequil a'yej sc'oplal ti colele jech c'u cha'al xi laj yal ti Isaíase: “Cajval, ¿mi oy la buch'u ta xch'un ti lequil a'yej cu'untique?”

Hebreos 5:9

Ti c'alal laj spas scotol ti c'usi oy ta yo'nton ti Diose, c'ot ta banquilal Jcoltavanej yu'unic sbatel osil ti buch'utic ta xc'ot ta yo'ntonic ta xch'unele.

Josué 24:15

Ti mi mu xac'an xavac' abaic ta tunel yu'un ti Diose, xi nopic lec avie ti buch'u junucal ta xbat avac' abaic ta tunel ta stojole: ¿Mi ja' ta xac'an ta xavac' abaic ta tunel yu'un ti diosetic ti laj yich'ic ta muc' ti amolmuc'totic ti oyic to ox ta sti'il uc'um Eufratese? ¿Mi ja' ta xac'an ta xavich'ic ta muc' ti diosetic yu'un ti amorreoetic ti nacalic ta banomil li'e? Ja'uc ti vu'une xchi'uc ti calab jnich'nabe, ja' teq'uel ta xc'ot ta co'nton ti ta xcac' jbacutic ta tunel ta stojol ti Diose.

Jueces 2:2

Yavil ti mi mu xapas atrateic xchi'uc ti jnaclejetic li' ta banomile, ti mi c'ajomal no'ox ta xlic alilinbeic ti altaretic yu'unique.’ Ja'uc le' une, mu'yuc xach'unbeicun. ¡Mu cha'beluc unbi, q'uelo avilic ti c'u s'elan laj apasic une!

Jueces 6:9

Ma'uc no'ox ti laj jpojoxuc laj jcoltaoxuc loq'uel ta yoc ta sc'ob ti egipcioetique, yu'un laj jpojoxuc jcoltaoxuc ta yoc ta sc'ob ti buch'u ta xayilbajinoxuque. Ti ta aba ta asatic laj jten loq'uel ti stuquique. Laj cac'boxuc avu'ninic ti sbanomilique.