Jueces 6:1 - Bible in Tzotzil de Chamula

¹ Ja'uc ti israeletic une chopol lic spasic ta sba ta sat ti Diose. Yu'un vucub (7) jabil sjalil aq'ueic ta yoc ta sc'ob madianitaetic yu'un ti Diose.

Bible in Tzotzil de Chenalhó with Deuterocanon

¹ Pero li israeletique lic spasic yan velta c'usitic chopol ta stojol li Muc'ul Diose. Jech li Muc'ul Diose laj yac' ochicuc ta sc'ob madianetic vucub jabil.

Jueces 6:1 Iomraidhean Croise

Génesis 25:2

Ti sbitac ti xnich'nab laj yilic xchi'uque, ti Zimrame, ti Jocsane, ti Medane, ti Madiane, ti Isbaque, ti Súae.

Génesis 37:28

C'alal ech'ic ti jbolomajel madianitaetic bu oyique, loq'uesat talel ta joc' ti José yu'un ti xchi'iltac ta voq'uele. Jtob (20) ta sep plata taq'uin laj xchonic batel ta stojol ti ismaelitaetique. Ja' jech ic'bil bat ta Egipto ti Josee.

Habacuc 3:7

Ti jnaclejetic ta jteclum Cusane, laj xa quil ti u'ninbilic yu'un ti vocole; ti jnaclejetic yu'un jteclum Madiane, jeche' xa vutsajtic yu'un ti xi'ele.

Números 22:4

Va'i un, ti jnaclejetic ta Moabe xi laj yalbeic ti moletic yu'un ti Madiane: “Scotol ti jteclum le'e, ta jc'utel no'ox ta xu'ninic ti jbanomiltic jech c'u cha'al junuc vacax ti jc'utel no'ox ta xac'be ti yaxal ti oy ta osiltic ti c'alal ta slo'e.” Ti jech yorail ta vo'ne taje, ja' o ochem ta ajvalil yu'un Moab ti Balaque.

Hebreos 11:32

Ep to ti c'usi ta sc'an ta xcalboxuc ava'iique. Ja'uc le'e, mu xloc' o ti c'ac'ale yo' jech ta xcalboxuc ava'iic sc'oplal ti Gedeone, ti Baraque, ti Sansone, ti Jeftee, ti Davide, ti Samuele, xchi'uc sc'oplal ti j'alc'opetique.

Jueces 10:7

Jech o xal ti Diose lic sc'ac'al yo'nton ta stojolic. Laj yac' comel ta yoc ta sc'ob ti filisteoetique xchi'uc ti amonitaetique.

Jueces 2:11

Ti c'usitic lic yesilanic ta spasel ti israeletique, chopol laj yil ta sba ta sat ti Diose. Yu'un lic snijan xchiman sbaic ta yich'el ta muc' ti yalel toyol sloc'obbail ti Baale.

Jueces 6:13

Ti Gedeone xi laj staq'ue: —Ati jsoques la avo'nton tanae, yojtot, ati li'uc la xchi'inojuncutic ti Diose, ¿c'u la cha'al ti vi s'elan ta xc'ot ta jtojolcutic scotol le' un cha'e? ¿Bu bat scotol ti c'usitic ch'ayal ta xc'ot o'ntonal yu'un ti muc'tic ta spas ti Diose, ti c'alal laj yalic ti jmolmuc'totcutic ti ja' laj sloq'uesuncutic talel ti Dios ti oyuncutic ta Egipto ti xiique? Yu'un ta xquilcutic ti laj xa stenuncutic comel ti Diose. Laj xa yac'uncutic ta yoc ta sc'ob ti madianitaetique.