Jueces 5:12 - Bible in Tzotzil de Chamula

¹² “Mu teyuc no'ox xach'ayet un, Débora, mu teyuc no'ox xach'ayet, mu teyuc no'ox xach'ayet, lic q'uejinta o junuc q'uejimol. Jech ti vo'ote, Barac xnich'onot ti Abinóame, va'lan. lican, ic'o batel ti avajchucbolaltaque.

Bible in Tzotzil de Chenalhó with Deuterocanon

¹² “Débora, julovan, lican; lican, q'uejintao junuc q'ueoj. Vo'ot Barac, xnich'on Abinoam, lican; ic'o batel li jchuqueletic avu'une.

Jueces 5:12 Iomraidhean Croise

Salmos 108:2

Lometanic xa liquel un, arpaetic, jchop o ta vobetic, ti jmoj xa vololotic ta smalael ta sacub talel ti osile.

Salmos 57:8

Julavan xa un, jch'ulel canima. julavan ec un, arpa, jchop o ta vob; naca to ta sacub talel osil ta xijulav.

Salmos 57:9

Ta sba ta sat ti jteclumetic une, Dios, xchi'uc ti muc' ta lumetique, ta jlequil-c'optaot ta sventa ti q'uejimoletic une.

Salmos 68:18

Ta toyol lamuy ech'el un, Ch'ul Dios, avic'ojan ech'el ta chuquel ti jchuqueletique; laj avich' ac'bel matanal yu'un ti viniquetic une. Ti jtoyobbaetique laj sbic'tajes sbaic ta atojol un, Dios.

Isaías 14:2

Yepal no'ox jyanlumetic ta snabliic batel ti israeletic ti ta xbatic ta yosilalique, ti ta xlic mosovinaticuc yu'un ti israeletic c'alal oyic ta yosilal ti Diose. Chucbil ta xbatic yu'un israeletic ti buch'utic chucvanic to oxe. Tsalbil ta xc'otic yu'unic Israel ti buch'utic ilbat ti svocolic yu'une.

Isaías 33:1

Mu xa ono'ox cha'bel un, ti mu'yuc to avich'oj ilbajinel ti j'ilbajinvanejote, ti mu'yuc to paybil ac'oplal ti jpayc'opote. C'alal mi lajelav xa ta ilbajinvaneje, malao xa ono'ox ava'i ti ta stsuts ac'oplal ec une. Mi lajelav xa xchi'uc ti uni pay c'op une, pay xi no'ox avuni c'oplal ec.

Isaías 51:17

Vic'o asat, tijo xa ach'ulel, Jerusalén, lican xa. Laj xa ata tsitsel yu'un sc'ac'al yo'nton ti Diose jech c'u cha'al ti sjip xch'a ochel ta ye ti jbis poxe, ti sts'ubta xa ti stsutsebe, ti yacub xchi'uque.

Isaías 51:9

Ta smuc'ul stsatsal Dios, vic'o asat, julavan, tijo ach'ulel, tsatsajan, ac'bo yipal, vic'o asat jech c'u cha'al laj apas talel le' xa ta vo'nee. Laj asesinta ti muc' ta chanul-nab Rahab sbie.

Isaías 60:1

Tamo aba liquel, Jerusalén, tixetuc liquel ti alequilal ti oy ono'ox ta atojole, yu'un vul xa ta loq'uel ti saquilal osil avu'une, ti xtixet xa vulel ta atojol yutsilal ti Diose.

Jeremías 31:26

Lijulav yu'un, jviq'uel c'ot jsat xchi'uc. Ximuyubaj to yu'un ma' ti jvaiche.

1 Corintios 15:34

Cha'tamic lec ti cuxlejale. Mu xasa' amulic. Oy jlom avu'unic mu xojtiquinic ti Diose. Ti jech ta xcalboxuc taje, yo' jech xaq'uexavic.

Efesios 4:8

Jech o xal un, ti ch'ul c'ope xi ta xale: “C'alal muy batel ta vinajele, yic'ojan batel ti jchuqueletique xchi'uc laj yac'be sbijil ti jnaclejetique.”

Efesios 5:14

Ta sventa ti jech jamal ta xich' albele, xu' ta xlic stij yo'nton xchi'uc. Jech o xal xi ta xale: “Julavan ti jech vayalote. Tamo aba liquel ti jech achi'inojan ti animaetique, tey xojobin no'ox vulel ta atojol ti Cristoe.”

2 Timoteo 2:26

yo' jech ta xojtiquinic ti bu ja' melele, ti colicuc loq'uel talel ti bu chucbilic ta pets' yu'un ti pucuje ti ta spasbeic c'usi ta sc'an ti yo'ntone.

Jueces 5:13

“Va'i un, yalic talel ti israeletique, tal stsaquic ta leto ti tsatsaquil viniquetique. Jchi'inoj yalel talel ti yajsoldadotac ti Diose yo' ta spasic leto xchi'uc ti j'ac'-leto viniquetique.