Jueces 4:9 - Bible in Tzotzil de Chamula

⁹ —Ta xajchi'inot batel —xi laj stac' ti Déborae—. Ti c'usi lec ta xc'ot ta pasele, ma'uc me avich'el ta muc' un. Yu'un ta stojol jun ants ta x'aq'ue ta yoc ta sc'ob ti Sisara yu'un ti Diose. Jech ti Déborae bat ta Cedes xchi'uc ti Baraque.

Bible in Tzotzil de Chenalhó with Deuterocanon

⁹ Itac'ov li Deborae: —Lec oy, ta xbat jchi'inot. Ja' no'ox muc me vo'ocot ich'bil ta muc' chac'ot, yu'un li Muc'ul Diose ja' chac'be ta sc'ob jun ants li Sisarae —xut. Jech li Deborae ibatic ta Cedes xchi'uc li Baraque.

Jueces 4:9 Iomraidhean Croise

2 Crónicas 26:18

ti xi laj yalbeic ta sat ti laj svulique: “Ajvalil Uzías, ti ta xavac' chic'bil pom ta stojol ti Diose, ma'uc yabtel ti Jcuch abtele. Sbainojic ta xchiq'uel ti paleetic snitilultac ti Aarone, ti c'otemic ta yu'un Dios ta xchiq'uel ti pome. Loc'an batel, Jcuch abtel, li' ta ch'ulnae. Laj xa ayanijes aba ta stojol ti Diose. Ma'uc xa ich'bil ta xac'ot ta muc' yu'un ti jech le'e.”

Jueces 2:14

Jech o xal ti Diose lic ilinuc ta stojol ti israeletique. C'ot ta pasel yu'un ti pojbatic yu'un j'eleq'uetic ti c'usi oy yu'unique. Sq'ueloj xa no'ox sbaic ti xvolet talel ti scontraic ti oy ta spat ta xoconique. Mi ja'uc xa c'usi xut sba ta spoj sbaic ti tsacbilic ta letoe.

Jueces 4:8

—Ta xibat mi ta xachi'inun batele —xi laj stac' ti Baraque—. Yan ti mi mu xachi'inun batele, mu xibat.

Jueces 9:53

ja' o jun ants laj sjip yalel jun stanal mulino ti tuc' c'ot ta sjol ti c'alal baj yalele. Toj voq'uel c'ot sjol yu'un ti Abimeleque.

Jueces 9:54

Ti Abimeleque laj sta ta iq'uel ta anil ti yajcuch-abtejebale, ti xi laj yalbee: “Loq'ueso ta ora ti avespadae, milun, yu'un mu jc'an ti ta x'ale jc'oplal ti laj smilun jun antse.” Va'i un, ti yajcuch-abtejebale laj xenbe ti espadae, ja' jech c'ot chamuc.

1 Samuel 2:30

Ja'uc le' un cha'e, ti Ajvalil ti ja' Dios yu'un ti Israele, ti laj yal ti ta xatunic o xchi'uc ti avalab anich'nabe, avi tana un, xi ta xal ta jamale: ‘Mu xcac' que jti' ti jech le'e. Ta xcac' ta ich'el ta muc' ti buch'u ta xiyac'un ta ich'el ta muq'ue. Ta xcac' ta q'uexlal ti buch'u ta xisoquesbeicun ti jc'oplale. Ti vu'un Ajvalilune mu me lo'iluc no'ox ta xcal.