Jueces 4:7 - Bible in Tzotzil de Chamula

⁷ Vu'un ta jliquesbe sjol ti Sisarae, ja' ti jtsob-soldado yu'un ti Jabine yo' jech ta xtalic ta uc'um Cisón ta stsacoxuc ta leto xchi'uc scarretaique, xchi'uc ti epal soldadoetic yu'une. Ja' no'ox un, chapal sc'oplal ta xcac' ta avoc ta ac'obic.

Bible in Tzotzil de Chenalhó with Deuterocanon

⁷ Vu'un ta xquic' tal te ta bevo' Cisón li Sisarae, ja' li banquilal soldado yu'un Jabine. Te ta xtal xchi'uc scareta xchi'uc yajsoldadotac. Pero vu'un ta xcac'bot ta ac'ob’, xayutot li Diose —xut.

Jueces 4:7 Iomraidhean Croise

1 Reyes 18:40

Va'i un, xi albatic yu'un ti Eliase: —Tsaquic ya'i yaj'alc'optac ti Baale, ti mu junuc xcol avu'unique. Tsacbil c'otic yu'un ti jnaclejtique, ti ic'bil batic yu'un ti Elías ta uc'um Cisone. Laj yich'ic milel yu'un ti bu taje.

Éxodo 14:17

Ta xcac' pucujibuc yo'nton ti egipcioetique yo' jech ta xasnutsoxuc. Va'i un, ta xcac'be yil ti jmuc'ul jtsatsal ta stojol ti faraone, ta stojol scotol ti yajsoldadotaque, ti carretaetic yu'une, ti jcajlejetic ta ca' yu'une.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 14:8

Jech ti Diose laj yac' pucujibuc yo'nton ti faraone yo' jech ta snuts batel ti israeletique. Ja' no'ox un, ti israeletique, ta smuc'ul stsatsal xa Dios ti jech loq'uic batele.

Éxodo 21:13

Yan ti buch'u mu yolobajuc laj spase, yu'un xa jech c'ot o yorail ti buch'u chame, ts'acal to un, vu'un ta xcac'be sna' ti bu xu' chba snac' sbae.

Josué 10:8

Xi albat yu'un ti Diose: “Mu xaxi' yu'unic. Ta xcac'bot ta avoc ta ac'ob. Yu'un mi ja'uc junuc ti xyolet no'ox ta stsacot ta letoe.”

Josué 11:20

Yu'un pucujibtasbat yo'ntonic yu'un Dios ti yajcontraique, ti xu' xa yu'unic ta stsaquic ta c'op ti israeletique yo' jech mu'yuc syail xc'uxul o'ntonal ta stsutsesatic yu'un ti israeletique, co'ol jech c'u cha'al albil mantal yu'un Dios ti Moisese.

Josué 11:6

Ja'uc ti Dios une xi laj yalbe ti Josuee: “Mu xaxi' yu'un. Ti oc'om jech c'u cha'al avi ora li'e, ta xc'ot ta pasel cu'un ti aviloj ta aba ta asatic ti scotolic ta xchamique. Ti vo'ot une ta xavabtelin ta sc'asbel yacantac ti sca'ique, xchi'uc ta stic'bel sc'ac'al ti scarretaic ti sventa ac'ob-letoe.”

Josué 8:7

Va'i un, loc'anic talel ti bu nac'aloxuque. U'ninic ya'i ti jteclume. Yu'un la'ac'bat xa ta avoc ta ac'obic yu'un ti Ajvalil Dios avu'unique.

Jueces 4:14

Ja' yu'un un, ti Déborae xi laj yalbe ti Baraque: —¡Ac'bo yipal un, yu'un ja' xa yorail ta xac'bot ta avoc ta ac'ob Dios ti Sisarae! ¡Yu'un ti Diose ja' xa jba'be batel ta stojol ti avajsoldadotaque! Jech ti Baraque yalic batel xchi'uc ti lajunmil (10,000) ta vo' yajsoldadotac ta vits Tabore.

Jueces 4:8

—Ta xibat mi ta xachi'inun batele —xi laj stac' ti Baraque—. Yan ti mi mu xachi'inun batele, mu xibat.

Jueces 5:21

Scotolic ti j'ac'-letoetique, beq'ueic ech'el yu'un ti uc'ume, ti vo'neal uc'ume, yuc'umal ti Cisone. Ti vo'ote ta xapech'be ta teq'uel snuc' ti tsatsaquil viniquetique.

1 Samuel 24:10

Laj xavil ta aba ta asat, Jcuch Abtel, ti Diose laj xa yac'ot ta coc ta jc'ob ta nail ch'en yo' ta jmil ti Jcuch Abtele. Mu ja'uc laj jmil ti Jcuch Abtele. C'ajomal no'ox laj jch'aybe smul scolo' ti Jcuch abtele, ti xi laj calbe jbae: “Mi ja' ajvalil ti Jcuch abtele, yu'un jech laj snop stuc ti Diose, ja' laj st'uj.”

1 Samuel 24:18

Avi tana li' une, laj avac' ta ilel ti ja' no'ox oy ta avo'nton ti lecuc oyucune. C'alal li'aq'ue xa ta avoc ta ac'ob yu'un ti Diose, mu'yuc xamilun.