Jueces 4:5 - Bible in Tzotzil de Chamula

⁵ Ti Déborae, stalel ono'ox ti xchotet ta yolon yaxinal ti xane (“Xan yu'un ti Déborae”, xi ti ojtiquinbil yu'unique). Ti xan taje, oy ta vits ta yosil ti Efraín ti oy ta o'lol yu'unic ti Ramá xchi'uc ti Betele. Jech ti israeletique ja' xbat sjac'beic c'u s'elan ta xchapaj ti oy c'op yu'unique.

Bible in Tzotzil de Chenalhó with Deuterocanon

⁵ Li Deborae nopen xa'ay te chbat chotluc ta yolon jtec' xan (li xane, ja' “xan yu'un Débora”, xi sbi) ta vitsetic yu'un Efraín; ja' cacal ta o'lol yu'unic li Ramá xchi'uc Betele. Li israeletique te chbatic ta stojol ti c'alal tsc'anic chapanele.

Jueces 4:5 Iomraidhean Croise

Génesis 35:8

Ti bu taje, cham xtoc ti Débora jun ants sbainoj ta sq'uelel ti Rebecae. Laj smuquic ta yoc jpets tulan ti nopol xa Betele. Ti bu taje, “Oq'uel ta yolon jpets tulan”, laj yac'be sbi ti Jacobe.

Éxodo 18:13

Ta yan c'ac'al un, ti Moisese choti ta xchapanel c'opetic yu'un ti israeletique. Jech ti israeletique sjunul c'ac'al tey va'ajtic ta sts'el ti Moisese.

Éxodo 18:16

C'alal oy c'op yu'unique, ta xtalic ta jtojol yo' jech ta xcac'be sna'ic buch'utic oy lec smelol ti sc'opique. Va'i unbi, ta xcac'be sna'ic ti c'usi ta xal ti oy c'usitic tsots sc'oplal albile, xchi'uc ti chanubtaseletic yu'un ti Diose.

Éxodo 18:19

A'yibun ava'i ti xi ta xajbijubtasote. Dios ta xa scoltaot. Ti vo'ote, coman no'ox ta j'et'esej-c'op yu'un ti Dios ta stojol ti israeletique. Ac'bo sbain scotol ti c'opetic yu'unique.

Éxodo 18:26

Va'i un, ti stuquique ja' lic xchapanic ti c'uc no'ox ora ta sc'anic chapanel ti israeletique. Yan ti c'op ti bu tsots ta chapanele, ja' ta xac'beic xchapan ti Moisese. Ti bu mu tsotsuc ta chapanele, ja' ta xchapan stuquic.

Jeremías 31:15

Ti Diose xi ta xale: “Yu'un ti ta jteclum Ramae, ta xvinaj ti oy buch'u ta smil sba ta oq'uel ta j'ech'ele. Ja' ti Raquel ta x'oc' ta scoj ti yalabtaque, mi ja'uc jutebuc sc'an patbel yo'nton ti laj xa chamuc ti yalabe.”

Josué 16:2

Ta xlic ech'el ta Betel ti ja' Luz ti yan sbi xtoque. Ta x'ech' batel ta sts'ac yosilic ti arquitaetique, ti c'ot c'alal to Atarote.

Josué 18:25

Laj yu'ninic xtoc ti Gabaone, ti Ramae, ti Beerote, ti Mizpae, ti Cafirae, ti Mozahe, ti Requeme, ti Irpeele, ti Taralae, ti Zelae, ti Élefe, ti Jebuse (ti Jerusalén xcaltique), ti Gabaae, xchi'uc ti Quiriate. Ja' chanlajuneb (14) jteclumetic xchi'uc ti bic'tal lumetic ti joyol ta spat ta xocontaque. Taje, ja' me ti sbanomilic laj yich'ic ta jujuchop yu'un ti jvoc' snitilultac ti Benjamine.

Jueces 4:4

Ti jech yorail taje, ti israeletique ja' jventainvanej yu'unic ti me' alc'op Débora sbie, yajnil ti Lapidote.

1 Samuel 1:1

Ta vitstic ta yosilal ti Efraín ti sbiinoj Ramae, nacal jun vinic ti ja' yuts' yalal ti Sufe, ti sbiinoj Elcanae. Taje, ja' xnich'on ti Jerohame, smom xtoc ti Elihue. Ti smuc'-ta-muc'tote, ja' ti Tohue, xnich'on ti Sufe, ti liquemic talel ta stojol snitilultac ti Efraine.

1 Samuel 1:19

C'alal sacub ti osil ta yoc'omale, ti c'alal c'opoj ti'in xa comel ta stojol ti Diose, sut batel ta snaic ti oy ta Ramae. Va'i un, ti Elcanae lic xchi'in ta vayel ti Ana ti ja' yajnile. Ti Diose laj svules ta yo'nton ti xvocolet ti ants ta stojole.

1 Samuel 22:6

C'alal syaquil taje, joyol ta spat ta xocon scotol yaj'opisialtac ti Saule, ti stsacoj slanza chotol ta yolon tamarisco te' yu'un ti ch'ulna ta Guibeae. C'alal laj ya'i lec ti vinaj xa bu c'otemic xchi'uc svinictac ti Davide,

1 Samuel 25:1

Cham ti Samuele. Scotol ti israeletique laj stsob sbaic ta yoq'uitael ti jech chame. Laj smuquic ta Rama ti bu oy ti snae. Laj taj une, ti Davide bat ta sbajtical banomil yu'un Parán.

1 Samuel 7:17

Mi laj yo'nton une, ta sut talel ta Ramá ti bu chotole. Ti bu taje, ja' to tey ta xlic talel ti spaselic ta mantal ti Israele. Ti bu taj xtoque, laj smeltsan jun altar ta sventa ti Diose.