Jueces 4:4 - Bible in Tzotzil de Chamula

⁴ Ti jech yorail taje, ti israeletique ja' jventainvanej yu'unic ti me' alc'op Débora sbie, yajnil ti Lapidote.

Bible in Tzotzil de Chenalhó with Deuterocanon

⁴ Ja'o ochem ta pasmantal yu'un israeletic jun ants Débora sbi; ja' j'alc'op yu'un Dios. Ja' yajnil jun vinic Lapidot sbi.

Jueces 4:4 Iomraidhean Croise

2 Reyes 22:14

Ti Hilciase, ti Ahicame, ti Acbore, ti Safane, xchi'uc ti Asaiase, batic ta stojol ti me' j'alc'op Hulda sbie, yajnil ti Salum xnich'on ti Ticvae, smom ti Harhase ti sbainoj ta sq'uelel ti q'uejob c'u'il ti ta ch'ulnae. Ti Hulda taje nacal ta Xchibal Barrio yu'un ti Jerusalene. C'alal bat sc'oponique,

Nehemías 6:14

¡Xichie, Ch'ul Dios, mu teyuc no'ox aq'ueloj c'usi ta spas ti Sanbalate xchi'uc ti Tobiase! ¡Mu teyuc no'ox aq'ueloj xtoc ti Noadias ti me' j'alc'ope, xchi'uc ti yan j'alc'opetic ti oy ta yo'nton ta xisibtasicune!

Éxodo 15:20

Ti me' j'alc'op María ti ja' xchi'il ta voq'uel ti Aarone, tey lic ta xchijolanel chij-chij taq'uin. Va'i un, lic xchanic scotol ti antsetique, jmoj x'ac'otajic xa liquel ti c'alal xchijchun no'ox yu'unic ti chij-chij taq'uine,

Ezequiel 13:17

“Avi tana une, yojtot, va'ano aba ta scontrainel ti antsetic yu'un ti alumale, ja' ti buch'utic ti co'ol xa s'elan ti ja' va'anbilic cu'un ti ta xc'opojic ti c'alal ja' no'ox yesomal sjol stuquic ti c'usi ta xalique.

Miqueas 6:4

Laj jloq'uesot talel ta jteclum Egipto; laj jpojot ti jech ochemot ta mosovile. Laj jtac talel ta atojolal ti Moisese, ti Aarone, ti Mariae yo' jech ta xastojobtasoxuc batel.

San Lucas 2:36

Ti bu taje, oy jun ants, Ana sbi, ti yayil xae, ti oy ta stojol ta yalel ti c'usi ta x'ac'bat sna' yu'un ti Diose, ti ja' yantsil nich'on ti Penuele, snitilul ti Aser sbie. Tseb to ox ti malije, ja' no'ox vucub (7) jabil laj yic' sbaic xchi'uc ti smalale.

Hechos 21:9

Ti Felipee, oy chanvo' yantsil nich'on ti mu'yuc malijemique, ti xu' yu'unic ta scaj'alel ti c'usi xu' ta xc'ot ta pasele.

1 Corintios 11:5

Yan mi mu'yuc smacoj sjol jun ants c'alal ta xc'opoj xti'ine, mi ja' o c'alal ta xac' ta na'el ti oy c'usi ta x'ac'bat sna' yu'un ti Diose, co'ol s'elan setoj loq'uel ti stsotsil sjole, ta xac' ta q'uexlal ti smalale.

Gálatas 3:28

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Jueces 4:3

Ti Jabin taje, oy yu'un baluneb ciento (900) ta cot carreta ti meltsanbil ta taq'uine. Jtob (20) jabil sjalil tsots laj yilbajin ti israeletique, ja' to ti c'alal xvocoletic liquel ta stojol ti Dios ti ac'o coltaaticuque.

Jueces 4:5

Ti Déborae, stalel ono'ox ti xchotet ta yolon yaxinal ti xane (“Xan yu'un ti Déborae”, xi ti ojtiquinbil yu'unique). Ti xan taje, oy ta vits ta yosil ti Efraín ti oy ta o'lol yu'unic ti Ramá xchi'uc ti Betele. Jech ti israeletique ja' xbat sjac'beic c'u s'elan ta xchapaj ti oy c'op yu'unique.

Jueces 5:1

Ti jech c'ac'al taje, xi s'elan q'uejinic liquel ti Déborae xchi'uc ti Barac xnich'on ti Abinóame: