Jueces 4:3 - Bible in Tzotzil de Chamula

³ Ti Jabin taje, oy yu'un baluneb ciento (900) ta cot carreta ti meltsanbil ta taq'uine. Jtob (20) jabil sjalil tsots laj yilbajin ti israeletique, ja' to ti c'alal xvocoletic liquel ta stojol ti Dios ti ac'o coltaaticuque.

Bible in Tzotzil de Chenalhó with Deuterocanon

³ Li ajvalil Jabine oy baluneb ciento (900) ta cot scareta pasbil ta tsatsal taq'uin. Li israeletique jtob (20) xa'ox jabil i'ochic ta sc'ob li ajvalile; tsots uts'intael laj yich'ic. Ts'acal to lic sc'anbeic vocol li Muc'ul Diose yu'un ac'o coltaaticuc.

Jueces 4:3 Iomraidhean Croise

Salmos 106:42

Net'bil c'otic yu'un ti scontraique, c'otic ta j'ac'-lo'il-maxil ti tec'bil c'otic yu'un ti scontraique.

Salmos 50:15

Taun ta c'oponel ta ti'inel ti c'alal oy c'usi chopol ta xc'ot ta atojole, ta jtic' jba ta apojel, ja' to jech ta xlic alequil c'optaun.”

Salmos 78:34

Ti jech ta xilic ta xchamesatic yu'un ti Diose, va'i un, ta xlic sa'ic, ta sutic talel ta stojol, sjunul xa yo'ntonic ta sa'ic.

Éxodo 2:23

Ech' batel ti c'ac'ale, cham ti ajvalil yu'un jteclum Egiptoe. Ac'o mi jech un, ja' no'ox un, ti israeletique staoj yav x'ijetic to ta jic' o'nton yu'un ti oyic ta mosovile. Ja' yu'un un, ti Diose laj yil ti x'ijetic yu'un ti vocole.

Deuteronomio 28:29

Max-max picbil ta xaxanav ech'el xtoc jech c'u cha'al ta xanav ti ma'sat ti oy ta ic'al osil ta xa'ie. Mi ja'uc jutebuc lec ta xc'ot ta loq'uel avu'un ta scotol ti c'usi ta xapase. Yu'un c'ajomal ono'ox lamal ta aba ti ilbajinele, ti elc'anbilote ti mu'yuc buch'u stic' sba ta apojele.

Deuteronomio 28:33

Yu'un ti laj apich' avoc ac'ob yu'un ti avabtel ti oy c'usi laj ats'un ta abanomile, ja' ta stun ta slajesic ti jyanlumetic ti mu ja'uc jutebuc laj avojtiquin ta j'ech'ele. Xlic xcaj no'ox ti avilbajinele, ti avocol ti ta xc'ot ta atojole.

Josué 17:16

Xi laj yalic une: —Ti ta vitstique, melel mi ja'uc xi'ochcutic oe. Ti cananeoetic ti nacalic ta stenlejaltique, naca taq'uin ti scarretaique, xchi'uc oy yu'unic ec ti nacalic ta Bet-seane, xchi'uc ti c'u yepal joyolic ta spat ta xocontaque, xchi'uc ti c'u yepal nacalic ta stenlejal Jezreele.

Jueces 1:19

Ti snitilultac ti Judae, ac'o mi sva'anoj sba ti Dios ta stojolic une, ti cuch yu'unic ta yu'ninel ti muc'tiquil vitstique, ja' xa mu'yuc xu' yu'unic ta stenel loq'uel ti buch'utic nacalic ta stenleje, yu'un naca taq'uin meltsanbil ti scarretaique.

Jueces 10:10

Va'i un, ja' o lic sc'anbeic coltael ti Diose, ti xi laj yalbeique: “Ch'ul Dios cu'uncutic, laj jsa' jmulcutic ta atojol. Laj xa jtenotcutic comel ta snijanel xchimanel jbacutic ta yich'el ta muc' ti jeche' diosetique.”

Jueces 10:16

Jech ti israeletique lic stubbeic sc'oplal ti jeche' diosetique yo' jech ta xlic yich'ic ta muc' ti Dios yan veltae. Jech ti Diose mi ja'uc xa ts'icbaj ta xa'i ti ilbajinbilic ti israeletique.

Jueces 3:15

C'alal xvocoletic liquel ta stojol ti Diose, laj stac talel ti oy buch'u tal sva'an sba ta spojelique. Ti jpovanej tal taje, ta ts'et c'ob sna' xc'abalij, ti sbiinoj Aode, xnich'on ti Gerae, snitilul ti Benjamine. Oy jun c'ac'al, ti israeletique laj staquic batel ta yaq'uel patanil ti Aod ta stojol ti Eglone.

Jueces 3:9

ja' to ti c'uxi xvocoletic liquel ta stojol Dios ti oyuc buch'u ta sva'an talel ta spojelique. C'ot ta pasel ti vul ta loq'uel ti jpojvanej yu'une. Ti jpojvanej ti vul ta loq'uel yu'une, ja' ti Otoniele, xnich'on ti Quenaze, xc'ox its'in ti Caleb ti xi c'ot ta pasele:

Jueces 4:13

Jech o xal laj stsob baluneb ciento (900) ta cot ti scarreta ti meltsanbil ta taq'uine xchi'uc scotol ti yajsoldadotaque. Xvoletic no'ox batel ta Haróset-goim xchi'uc scotol ti yajsoldadotaque, ti c'ot ta uc'um Cisone.

Jueces 4:4

Ti jech yorail taje, ti israeletique ja' jventainvanej yu'unic ti me' alc'op Débora sbie, yajnil ti Lapidote.

Jueces 5:8

“C'alal xyaquet ti leto ta sti'tac ti jteclume, mu ta vocoluc ti oy buch'u laj sa' yan sdiosique. Ja'uc le' une, mu xvinaj mi junuc macobbail, mi junuc lanza ta stojol ti cha'vinic ta mil (40,000) ti israeletique.

Jueces 6:6

Ta scoj ti madianitaetique, ep svocolic ta me'unal mu'natil ti israeletic une. C'ot ta pasel ti lic sc'anic scoltaelic ta stojol ti Diose.

1 Samuel 7:8

Xi laj yalbeic ti Samuele: “Mu xavicta aba ta sc'anbel vocol ti Ajvalil ti ja' Dios cu'untique yo' jech ta xispojotic ta yoc ta sc'obic ti filisteoetique.”