Jueces 4:2 - Bible in Tzotzil de Chamula

² Va'i un, aq'ueic ta yoc ta sc'ob Jabin yu'un ti Diose, ti ja' jun ajvalil cananeo ti sventainoj ti jteclum Hazore. Ti banquilal jpas-mantal yu'un ti yajsoldadotac ti Sisara sbie, nacal ta Haróset-goim.

Bible in Tzotzil de Chenalhó with Deuterocanon

² Ja' yu'un li Muc'ul Diose lic yac' ochicuc ta sc'ob ajvalil Jabín, ja' li canaán vinic ochem ta ajvalilal ta lum Hazore. Li banquilal soldado yu'une Sísara sbi; te nacal ta Haroset-goim.

Jueces 4:2 Iomraidhean Croise

Salmos 83:9

Jech xapas ta stojol un jech c'u cha'al laj apasbe ti Madiane, jech c'u cha'al laj apasbe ti Sisarae, jech c'u cha'al laj apasbe ti Jabin ta uc'um Cisone,

Isaías 50:1

Yu'un ti Diose xi ta xale: “¡Mu tac'aluc xc'ot avu'un ti laj jti'olta ti Israel ti ja' ame'ique jech c'u cha'al ta spas jun vinic ti ta sti'olta ti yajnile, ti laj jchonoxuc ta mosovil ti oy xa quil xchi'uc ti yane! Laj avich'ic chonel ta scoj ti amulique. Ti'oltabil c'ot ti Israel ti ame'ique, yu'un jelav ti atoyobbailique.

San Mateo 18:25

Ti j'abtel taj une mu xa xtoj yu'un ti yile. Ti ajvalile laj yal mantal ti yich'uc chonel jech c'u cha'al junuc mosovil xchi'uc yajnil xchi'uc xnich'nab, xchi'uc scotol ti c'usitic oy yu'une yo' jech ta xtoj ti yile.

Josué 11:1

Taje, laj ya'i scotol ti Jabín ti ja' ajvalil yu'un ti jteclum Hazore. Jech o xal un, laj stac batel mantal ta stojol ti ajvalil Jobab ta jteclum Madone, xchi'uc ta stojol ti ajvaliletic yu'un ti jteclum Simrone, xchi'uc ti jteclum Acsafe.

Jueces 10:7

Jech o xal ti Diose lic sc'ac'al yo'nton ta stojolic. Laj yac' comel ta yoc ta sc'ob ti filisteoetique xchi'uc ti amonitaetique.

Jueces 4:13

Jech o xal laj stsob baluneb ciento (900) ta cot ti scarreta ti meltsanbil ta taq'uine xchi'uc scotol ti yajsoldadotaque. Xvoletic no'ox batel ta Haróset-goim xchi'uc scotol ti yajsoldadotaque, ti c'ot ta uc'um Cisone.

Jueces 4:16

Ja'uc le' une, ti Baraque snutsoj batel c'alal to Haróset-goim ti soldadoetic xchi'uc ti scarretaique. Ti jech c'ac'al taje, mu junuc cuxul com ti epal soldadoetic yu'un ti Sisarae, ti xi s'elan cham scotolique:

1 Samuel 12:9

Ja'uc le' une, ti stuquique laj xch'ay ta yo'ntonic ti Ajvalil Dios yu'unique. Ac'atic ech'el ta yoc ta sc'ob ti Sisarae, banquilal jtsobvanej yu'un yajsoldado ti Jabine, ajvalil yu'un ti Azore, xchi'uc ta yoc ta sc'ob ti filisteoetique, xchi'uc ta yoc ta sc'ob ti ajvalil yu'un ti Moabe, ti lic stsac sbaic ta leto xchi'uque.