Jueces 3:9 - Bible in Tzotzil de Chamula

⁹ ja' to ti c'uxi xvocoletic liquel ta stojol Dios ti oyuc buch'u ta sva'an talel ta spojelique. C'ot ta pasel ti vul ta loq'uel ti jpojvanej yu'une. Ti jpojvanej ti vul ta loq'uel yu'une, ja' ti Otoniele, xnich'on ti Quenaze, xc'ox its'in ti Caleb ti xi c'ot ta pasele:

Bible in Tzotzil de Chenalhó with Deuterocanon

⁹ Li israeletique lic sc'anbeic vocol li Muc'ul Diose. Li Muc'ul Diose lic st'uj jun vinic te ta stojolic yu'un ac'o coltaaticuc loq'uel ta sc'ob li ajvalile. Li boch'o la st'uje ja' Otoniel, xnich'on Cenaz. Li Cenaze ja' xc'ox its'in li Calebe.

Jueces 3:9 Iomraidhean Croise

Nehemías 9:27

Jech o xal laj avac' ta c'abal yu'un ti scontrae yo' jech ta x'ilbat svocolic yu'un. Ts'acal to un, c'alal oyic xa ta vocole, laj sc'anic ti coltael ta atojole. Ti jech mu albajuc syail xc'uxul avo'ntone, ta vinajel to, laj ava'ibe ti sc'opique. Laj atacbe talel viniquetic yo' jech ta xpojatic ta yoc ta sc'ob ti scontraique.

Salmos 22:5

Laj sc'anic coltael ta atojol, laj staic ti spojelic avu'une; ti jech laj spat yo'ntonic ta atojole, mu'yuc stselbuj avu'un un.

Salmos 78:34

Ti jech ta xilic ta xchamesatic yu'un ti Diose, va'i un, ta xlic sa'ic, ta sutic talel ta stojol, sjunul xa yo'ntonic ta sa'ic.

Josué 15:17

Ti buch'u cuch yu'un ta yu'ninel ti jteclume, ja' ti sjun-nich'on ono'oxe, ti ja' Otoniel sbie, xnich'on ti Quenaze. Ti Caleb une laj yac'be yic' Otoniel ti Acsa ti ja' stseb ti Calebe.

Jueces 1:13

Ti buch'u cuch yu'un ta yu'ninel ti jteclume, ja' ti Otoniel xnich'on ti Quenaze, yu'un ti Cenaze xc'ox its'in ti Calebe. Va'i un, ti Acsae, stseb ti Calebe, laj yic' ti Otoniele.

Jueces 10:10

Va'i un, ja' o lic sc'anbeic coltael ti Diose, ti xi laj yalbeique: “Ch'ul Dios cu'uncutic, laj jsa' jmulcutic ta atojol. Laj xa jtenotcutic comel ta snijanel xchimanel jbacutic ta yich'el ta muc' ti jeche' diosetique.”

Jueces 2:16

ti Diose laj taluc yu'un jtsobvanejetic yo' ta xpojatic ti ilbaj x'utatic yu'un ti j'ilbajinvanejetique.

Jueces 2:18

Ti ta jujun velta ti ta stac talel jtsobvanej ti Diose, ta xcoltaatic yu'un. Ti c'u sjalil ta xcuxi ti jtsobvaneje, ta stic' sba ta spojel ti israeletic yu'un ti yajcontraic ti jelavem xu' yu'unique, yu'un ta xc'uxubaj yo'nton. Ta xa'i ti x'ajlajetic yu'un yipal ti svocolique.

Jueces 3:15

C'alal xvocoletic liquel ta stojol ti Diose, laj stac talel ti oy buch'u tal sva'an sba ta spojelique. Ti jpovanej tal taje, ta ts'et c'ob sna' xc'abalij, ti sbiinoj Aode, xnich'on ti Gerae, snitilul ti Benjamine. Oy jun c'ac'al, ti israeletique laj staquic batel ta yaq'uel patanil ti Aod ta stojol ti Eglone.

Jueces 3:8

Jech o xal ilin ti Dios ta stojolique. Lic tic'aticuc ochel ta yoc ta sc'ob ti Cusan-risataime, ajvalil yu'un ti Mesapotamia lume. Yu'un vaxaquib jabil sjalil, tunesatic ti pasbilic ta mantal ti israeletic yu'un ti Cusan-risataime,

Jueces 4:3

Ti Jabin taje, oy yu'un baluneb ciento (900) ta cot carreta ti meltsanbil ta taq'uine. Jtob (20) jabil sjalil tsots laj yilbajin ti israeletique, ja' to ti c'alal xvocoletic liquel ta stojol ti Dios ti ac'o coltaaticuque.

Jueces 6:7

C'alal laj sc'anic spojel scoltaelic yu'un Dios ti israeletic ta scoj ti madianitaetique,

1 Samuel 12:10

Ja'uc le' une, lic ya'i sbaic ti staoj smulic ta stojol ti Dios ti jech laj xa svalopatinic comel ta scoj ti bat snijan xchiman sbaic ta yich'el ta muc' ti ep ta tos sloc'obbail ti Baale, xchi'uc ti Astartee. Jech xvocoletic liquel ti ac'o pojaticuc ti tsalbilic yu'un ti yajcontraique, xchi'uc ti laj yac' ye sti'ic ti c'ajomal no'ox ta snijan xchiman sbaic ta yich'el ta muc' stuc ti Diose.