Jueces 3:8 - Bible in Tzotzil de Chamula

⁸ Jech o xal ilin ti Dios ta stojolique. Lic tic'aticuc ochel ta yoc ta sc'ob ti Cusan-risataime, ajvalil yu'un ti Mesapotamia lume. Yu'un vaxaquib jabil sjalil, tunesatic ti pasbilic ta mantal ti israeletic yu'un ti Cusan-risataime,

Bible in Tzotzil de Chenalhó with Deuterocanon

⁸ Jech li Muc'ul Diose tsots lic ilinuc ta stojol li israeletique. Jech laj yac' ochicuc ta sc'ob li Cusan-risataime, ja' li ajvalil ta Mesopotamiae. Jech li israeletique vaxquib jabil lic tunicuc yu'un li ajvalile.

Jueces 3:8 Iomraidhean Croise

Génesis 24:10

Ts'acal to un, lic st'uj matanal ti bu lequic oy yu'un ti yajvale. Lic xchapan lajuncot camello. Va'i un, bat ta jteclum Nacor ti oy ta Mesopotamia banomile.

Salmos 106:41

Xq'uelatic no'ox ti ilbajinbilic yu'un ti scontraic ti yan yajvalique, tsalbil c'otic yu'un ti scontraique.

Salmos 129:1

Ep laj quich' talel jvocol ta ilbajinel ti ta jqueremale. —Ac'o yalic ti Israel tana li'e—.

Salmos 44:12

Mu'yuc stu laj avil ti ateclumale, tsulul laj achon ta j'ech'el; mu'yuc xloc' venta avu'un ti laj achon batel une.

Salmos 6:1

Cajval, mu xajajantaun ta soquemal ajol, mu xatsitsun ta sc'ac'al avo'nton.

Salmos 85:3

J'ech'el lamaj ti sc'ac'al avo'ntone, ti acapemale.

Éxodo 22:24

Va'i un, ta sc'ac'al co'nton ta xcac'oxuc ta milel ta espada. Jech ta xachamic. Ja' yu'un un, ta xcomic ta me'unal ants ti avajnilique. Ta xcomic ta me'un ti anich'nabique.

Isaías 50:1

Yu'un ti Diose xi ta xale: “¡Mu tac'aluc xc'ot avu'un ti laj jti'olta ti Israel ti ja' ame'ique jech c'u cha'al ta spas jun vinic ti ta sti'olta ti yajnile, ti laj jchonoxuc ta mosovil ti oy xa quil xchi'uc ti yane! Laj avich'ic chonel ta scoj ti amulique. Ti'oltabil c'ot ti Israel ti ame'ique, yu'un jelav ti atoyobbailique.

Levítico 26:17

Yu'un ta xijoybij ta avajcontraic. Tsalbil ta xac'otic yu'un ti avajcontraique. Yu'un tsalbil ta xac'otic yu'un ti buch'u xti'et sjol ta atojolique. Ta jech no'ox yepal xabitetic ta jatobal ac'o mi mu'yuc buch'u ta xasnutsoxuc.

Habacuc 3:7

Ti jnaclejetic ta jteclum Cusane, laj xa quil ti u'ninbilic yu'un ti vocole; ti jnaclejetic yu'un jteclum Madiane, jeche' xa vutsajtic yu'un ti xi'ele.

Romanos 7:14

Ti oy c'usi tsots albil sc'oplale, jna'tic ti lec ch'ul mantal ono'oxe, yu'un liquem talel ta stojol ti Diose. ¡C'u stu un! lum ach'elun, oy jtalel, laj xa jchon jba ta mosovinel yu'un ti mulile.

Deuteronomio 29:20

Ta j'ech'el mi ja'uc ta xch'aybat smul scolo' yu'un ti Diose. Yu'un c'ajomal no'ox ta xcajanbat ta sba ti sc'ac'al soquemal yo'ntone. Jech mu xnel mu x'ech' xa'i yu'un ti mu'yuc stuq'uil ta spas ti vinic taje. Yu'un cajal ta xc'ot ta sba scotol ti bac vocol ti albil xa talel sc'oplal yu'un ti jpoc vun li'e. Lamal ta xc'ot ta sba scotol. Ta xtubbat sc'oplal yu'un Dios ti snitilultac ta banomile.

Deuteronomio 32:30

¿C'uxi laj yutic ti ta jun no'ox vinic laj sjatviltas ech'el jmil ta vo'e? ¿C'uxi laj yutic ti ta cha'vo' no'ox vinic laj sjatbiltas ech'el lajunmil ta vo'e? Taje, ja' no'ox ta sventa ti Dios ti ja' jpojvanej yu'unique, ti c'ot ta nopel yu'un ti ta x'aq'ueic ta yoc ta sc'obic ti yajcontraique.

Jueces 2:14

Jech o xal ti Diose lic ilinuc ta stojol ti israeletique. C'ot ta pasel yu'un ti pojbatic yu'un j'eleq'uetic ti c'usi oy yu'unique. Sq'ueloj xa no'ox sbaic ti xvolet talel ti scontraic ti oy ta spat ta xoconique. Mi ja'uc xa c'usi xut sba ta spoj sbaic ti tsacbilic ta letoe.

Jueces 2:20

Jech o xal un, ti Diose ta j'ech'el lic sc'ac'al yo'nton ta stojol ti israeletique, ti xi laj yalbe ya'iique: “Ti jteclum li'e, mu xaq'uic ta venta ti jtrate ti laj jpas ta stojol ti smolmuc'totique. Mi ja'uc sc'an xiyich'icun ta muc'.

Jueces 3:10

Ti Otoniele, vul ta stojol xcuxlejal ti Diose. Laj xchapan sbaic lec yu'un ti israeletique. Loc' batel ta ac'-leto ti tsalbil c'ot ta sventa Dios ti Cusan-risataim yu'une.

Jueces 3:7

Ti c'usitic laj spasic ti israeletique, chopol laj yil ta sba ta sat ti Diose. Yu'un tenbil c'ot ta o'ntonal yu'unic. Lic yac'beic yipal ta yich'el ta muc' ti yalel toyol sloc'obbail ti Baale xchi'uc ti Astartee.

Jueces 3:9

ja' to ti c'uxi xvocoletic liquel ta stojol Dios ti oyuc buch'u ta sva'an talel ta spojelique. C'ot ta pasel ti vul ta loq'uel ti jpojvanej yu'une. Ti jpojvanej ti vul ta loq'uel yu'une, ja' ti Otoniele, xnich'on ti Quenaze, xc'ox its'in ti Caleb ti xi c'ot ta pasele:

Jueces 4:9

—Ta xajchi'inot batel —xi laj stac' ti Déborae—. Ti c'usi lec ta xc'ot ta pasele, ma'uc me avich'el ta muc' un. Yu'un ta stojol jun ants ta x'aq'ue ta yoc ta sc'ob ti Sisara yu'un ti Diose. Jech ti Déborae bat ta Cedes xchi'uc ti Baraque.

1 Samuel 12:9

Ja'uc le' une, ti stuquique laj xch'ay ta yo'ntonic ti Ajvalil Dios yu'unique. Ac'atic ech'el ta yoc ta sc'ob ti Sisarae, banquilal jtsobvanej yu'un yajsoldado ti Jabine, ajvalil yu'un ti Azore, xchi'uc ta yoc ta sc'ob ti filisteoetique, xchi'uc ta yoc ta sc'ob ti ajvalil yu'un ti Moabe, ti lic stsac sbaic ta leto xchi'uque.