Jueces 3:7 - Bible in Tzotzil de Chamula

⁷ Ti c'usitic laj spasic ti israeletique, chopol laj yil ta sba ta sat ti Diose. Yu'un tenbil c'ot ta o'ntonal yu'unic. Lic yac'beic yipal ta yich'el ta muc' ti yalel toyol sloc'obbail ti Baale xchi'uc ti Astartee.

Bible in Tzotzil de Chenalhó with Deuterocanon

⁷ Li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac dios Baale xchi'uc li sloc'obaltac dios Aserae. Ja' la scomtsanic o li Muc'ul Diose.

Jueces 3:7 Iomraidhean Croise

1 Reyes 16:33

Laj smeltsanbe sloc'obbail ti Asera xtoque, ti laj sliquesbe sc'ac'al yo'nton ti Ajvalile, Dios yu'un ti Israele, ja' mu sta liquesbat sc'ac'al yo'nton Dios yu'un ti yan ajvaliletic laj ech'icuque.

1 Reyes 18:19

Taco batel avinictac ta stsobel scotol ti israeletique, ti baticuc ta vits Carmelo xchi'uc ti o'lol yo'obal ciento (450) ta vo' ti yaj'alc'optac ti Baale, xchi'uc ti chanib ciento (400) ta vo' yaj'alc'optac ti Aserae, ti ja' sbainoj ta smalq'uinel ti Jezabele.

2 Reyes 23:14

Ja' jech xtoc laj xch'uch'ulta ta voq'uel ti ts'uiltasbil tonetique, ti ts'uiltasbil anbil te'etique. Ti yavilic ti bu oy to ox taje, laj yich' nojesel ta sbaquil animaetic.

2 Reyes 23:6

Ti sloc'obbail ti Asera ti oy ta xch'ulna ti Diose, bat yac' ta loq'ueltic yu'un ti Jerusalene. Laj xchic' ta ti' uc'um Cedrón, ja' to c'uxi stuc stanil com yu'une. Ti stanile, laj svij ta ba muquinal yu'un ti jteclume.

2 Crónicas 15:16

Ma'uc no'ox taje, ti ajvalil Asae laj stubbe yip ti c'u s'elan liquem yu'un ti Maaca ti ja' syayae, yu'un laj yac' ta meltsanel sloc'obbail ti Aserae. Ti loc'obbail taje, laj stots loq'uel ti Asae. J'ech'el laj slilin. Laj xchic' ta sts'el uc'um Cedrón.

2 Crónicas 24:18

Lic yicta sbaic un ti ta xc'otic ta xch'ulna ti Ajvalil Dios yu'un ti smolmuc'totic ta vo'nee. Lic snijan xchiman sbaic ta yich'el ta muc' sloc'obbailtac ti Aserae, xchi'uc ti yan loc'obbailetique. Lic ilinuc ti Dios ta stojol ti Judae, xchi'uc ta stojol ti Jerusalene ta scoj ti mulil taj une.

2 Crónicas 33:19

Ti c'u s'elan tac'bat talel yu'un Dios ti c'alal laj sta ta c'oponele, scotol ya'yejal ti smul ti c'alal yanijem ti yo'ntone, ti laj smeltsanan ti ch'ulnaetic ti ma'uc ta sventa ti Diose, ti bu laj sva'anan sloc'obbail ti Aserae, xchi'uc ti yan meltsanbil diosetic ti c'alal mu'yuc to ta sbic'tajes sba ta stojol ti Diose, ts'ibabil com ta slo'il ya'yej ti j'alc'opetic yu'une.

2 Crónicas 33:3

Lic xcha'va'anan c'opojebaletic ti laj sjinesan ti Ezequías ti ja' stote. Lic xcha'va'anan altar sventa sloc'obbail ti Baale, ta xcha'loc'tael xq'uexol ti Aserae. Lic snijan xchiman sba ta yich'el ta muc' c'usitic ti ep ta tos xojoban ta vinajele.

2 Crónicas 34:3

Ti ta xvaxaquibal (8) jabil yochel ta yabtel ti Josiase, ti uni jch'iel querem to ta j'ech'ele, lic xa ono'ox sa'ilan talel Dios yu'un David ti smolmuc'tot ta vo'nee. Ta xlajchebal (12) jabil yochel ta yabtele, lic ta stenel loq'uel ti c'opojebaletique, sloc'obbail ti Aserae, ti loc'tabil diosetique, xchi'uc ti c'usitic va'ajtic loc'obbail ti unijesbil ta taq'uin ti oy ta jteclum Judae, xchi'uc ti oy ta Jerusalene.

2 Crónicas 34:7

Laj slilin loq'uel yaltartac sloc'obbail ti Aserae, xchi'uc yaltar ti loc'tabil diosetique, ti stuc xch'uch'ulil laj scomese. Laj slilin scotol ti altaretic sventa chic'ob pom c'u yepal oy ta yosilal ti Israele. Ts'acal to un, sut ech'el ta Jerusalén.

Salmos 106:35

Le'e, lec laj ya'iic lic scap sbaic ta naclej, xchi'uc lic xchanbeic c'u s'elan liquem yu'unic ti buch'u yan yajvalic ti xi s'elan lic spasique:

Salmos 106:36

Laj squejan sbaic ta yich'el ta muc' ti c'usi meltsanbil ta c'abale, lic sta svocol xchi'uquic ta scoj taj une.

Salmos 106:7

Ti le' ta Egiptoe, ti jtot jme'cutique mu'yuc laj yaq'uic ta venta ti c'usitic muc'tic laj avac' ta ilele; ta sti'il ti Tsajal Nabe, lic stoy sbaic ta atojol, ch'ay xa'iic ti syail xc'uxul avo'ntone.

Éxodo 34:13

C'ajomaluc no'ox me, jinesbeic ti altaretic yu'unique. Lilinic ta j'ech'el ti loc'tabil tonetique, xchi'uc ti loc'tabil te'etic cajal ti sc'oplal yu'unique.

Jeremías 23:27

Ti slo'il ya'yejic ti c'usi ta slo'iltabe sbaic ta jujun tale, c'ajomal oy ta yo'ntonic ti c'otuc ta pasel ti ac'o xch'ayicun ta yo'ntonic ti jteclumale, jech c'u cha'al laj spasic ti stot sme'ic ta vo'nee, ti laj xch'ayicun ta yo'ntonic yo' jech ta sts'acliic batel ti Baale.

Deuteronomio 16:21

“Mi jtosuc ts'unubal ti xats'unic ta stunesel sventa yich'el ta muc' ti loc'obbail diose. Mi ja'uc xba avac' ta sts'el yaltar ti Ajvalil Dios avu'unique.

Deuteronomio 4:9

Ja' yu'un un, bijanic ti mu xch'ay ta avo'ntonic ti c'usitic laj avilic ti c'ot ta pasele, ti mi ja'uc ta j'ech'el ta xaten ta apat ta axoconique. Ja'uc le'e, albeic ya'iic smelol ti anich'nabique xchi'uc ti amamubtaquique.

Deuteronomio 8:11

“Bij bijanic me un ti mu xch'ay ta avo'ntonic ti Ajvalil Dios avu'unique. Mu me xavicta abaic ta yabtelanel ti smantaltaque, ti c'usitic nopbil yu'une, xchi'uc ti oy jbel ti c'usitic albil ti laj calbot ava'i avie.

Deuteronomio 8:14

mu me ja'uc ti cajal tojol xa xava'i abaic ti ta xach'ay ta avo'ntonic ti Ajvalil Dios avu'unic ti laj sloq'uesoxuc talel ta Egipto ti bu to ox tiq'uiloxuc ta mosovile.

Deuteronomio 8:18

Tsots sc'oplal ti vuleso ta avo'ntonic ti Ajvalil Dios avu'unique. Yu'un ja' laj yac'boxuc avipic ta stael. Yu'un laj c'otuc ta pasel yu'un ti strate ta atojolic jech cu cha'al laj ono'ox yalbe ya'i ti amolmuc'totic ti laj ech'icuc ta vo'nee.

Jueces 3:12

ti israeletique lic no'ox spasic chopol yan velta ta sba ta sat ti Diose. Jech o xal ti Eglone, ajvalil yu'un ti moabitaetique, ac'bat yip yu'un Dios ti jelavem xu' yu'une, ti peq'uel c'ot ti israeletique.

Jueces 3:8

Jech o xal ilin ti Dios ta stojolique. Lic tic'aticuc ochel ta yoc ta sc'ob ti Cusan-risataime, ajvalil yu'un ti Mesapotamia lume. Yu'un vaxaquib jabil sjalil, tunesatic ti pasbilic ta mantal ti israeletic yu'un ti Cusan-risataime,

Jueces 6:25

Ta yac'ubalil no'ox taje, xi albat yu'un Dios ti Gedeone: —Nito talel jcotuc tot vacax yu'un ti atote. Nito talel xtoc jcot tot vacax ti yich'oj vucub jabile. Jinesbo yaltar ti Baal ti ja' yu'un ti atote. Ja' jech xtoc, jipo yalel ta lum ti bisbil ta cuxul te' ti teq'uel ta sts'el yaltar ti Baale.

Jueces 8:33

Ta ts'acal to un, ti c'alal chamem xa ox ti Gedeone, jech ti israeletique lic xch'ac sbaic ta stojol ti Diose yo' jech lic snijan xchiman sbaic ta yich'el ta muc' ti ep ta tos sloc'obbailtac ti Baale. C'ot ta t'ujel yu'unic ta xrioxinel ti Baal-berite.

Jueces 8:34

Laj sten loq'uel ta yo'ntonic ti Ajvalil Dios yu'unique, ti pojatic yu'un ti c'alal joyobtabilic yu'un ti yajcontraique.

1 Samuel 12:10

Ja'uc le' une, lic ya'i sbaic ti staoj smulic ta stojol ti Dios ti jech laj xa svalopatinic comel ta scoj ti bat snijan xchiman sbaic ta yich'el ta muc' ti ep ta tos sloc'obbail ti Baale, xchi'uc ti Astartee. Jech xvocoletic liquel ti ac'o pojaticuc ti tsalbilic yu'un ti yajcontraique, xchi'uc ti laj yac' ye sti'ic ti c'ajomal no'ox ta snijan xchiman sbaic ta yich'el ta muc' stuc ti Diose.

1 Samuel 12:9

Ja'uc le' une, ti stuquique laj xch'ay ta yo'ntonic ti Ajvalil Dios yu'unique. Ac'atic ech'el ta yoc ta sc'ob ti Sisarae, banquilal jtsobvanej yu'un yajsoldado ti Jabine, ajvalil yu'un ti Azore, xchi'uc ta yoc ta sc'ob ti filisteoetique, xchi'uc ta yoc ta sc'ob ti ajvalil yu'un ti Moabe, ti lic stsac sbaic ta leto xchi'uque.