Jueces 3:12 - Bible in Tzotzil de Chamula

¹² ti israeletique lic no'ox spasic chopol yan velta ta sba ta sat ti Diose. Jech o xal ti Eglone, ajvalil yu'un ti moabitaetique, ac'bat yip yu'un Dios ti jelavem xu' yu'une, ti peq'uel c'ot ti israeletique.

Bible in Tzotzil de Chenalhó with Deuterocanon

¹² Li israeletique lic spasic yan velta c'usitic chopol ta stojol li Muc'ul Diose. Ja' yu'un li Muc'ul Diose laj yac'be stsatsalic li Eglón, ja' li ajvalil ta Moabe, yu'un ac'o scontrain li israeletic ta scoj ti chopol c'usi la spasique.

Jueces 3:12 Iomraidhean Croise

2 Reyes 5:1

Oy jun vinic sbiinoj Naaman, banquilal jpas-mantal yu'un yajsoldado ti ajvalil ta Siriae, ti lec x'ilee, ti lec c'uxubinbil yu'un ti ajvalile, ti cuch yu'un ta spojel ti Siria ta sventa ti Diose. Ja'uc ti vinic taj une, ip ta xa'i ta c'a'emal.

Éxodo 9:16

Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Isaías 10:15

Ja'uc le' une, ti eq'uele, ¿mi xtoyet xa xa'i sba ta stojol ti buch'u ta stunesat yu'une? ¿Mi xtoyet xa xa'i sba ti tuch'ob te' ta stojol ti buch'u ta xquililanat yu'une? Ja' jech ti vaxtonile, tojol te' no'ox, mi ja'uc pasbil ta mantal yu'un ti buch'u yich'oj batele.

Isaías 37:26

“Ja'uc le' une ¿mi yu'un mu xana' ya'yel ti vu'un Diosun ti jchapanoj xa ti jech ta xc'ot ta pasele? Yu'un vo'ne xa ti jech jnopbil cu'une. avi tanae, xyaquet xa cu'un. Jech o xal xu' avu'un ti ta xalilin ti nac'obbail jteclumetique, ti busul no'ox ta xcom avu'un ti slilijemale.

Ezequiel 38:16

vol xa xavut ti jteclumal Israele. X'ic'ubin no'ox liquel ti banomil avu'une, Gog, jech c'u cha'al lumal toc. Slajebal xa ech'el c'ac'al ta xavul ta loq'uel cu'un ta scontrainel ti cosilal jbanomilale. Ta aventa vo'ot, ta xlic sna'ic ti yan muc'tiquil lum ta xcac' iluc ti jlequilal cutsilal ta stojolique.

Daniel 4:22

ti jtec' te' taje, ja' ac'oplal, Jcuch abtel. Yu'un cajal c'otemot, tsots xu' avu'un. Yu'un ti c'u s'elan xu' avu'une, Jcuch abtel, jelavem ta j'ech'el, ti c'otem xa jech c'u cha'al staylej ti vinajele. Yu'un oy ta avoc ta ac'ob sbejel ti banomile.

Daniel 5:18

“Yu'un ti Dios ti oy ta toyole, laj yac' ochuc ta ajvalil, laj yac'be ti jelavem xu' yu'une, ti yutsilal slequilale, ti cajal ich'bil c'ot ta muc' ti Nabucodonosor ti ja' atote, Jcuch abtel.

Oseas 6:4

Ti Diose xi ta xale: “¿C'usi stac' ta jpas ta atojol, Efraín? ¿C'usi stac' ta jpas ta atojol, Judá? Yu'un ti syail xc'uxul avo'ntonic ti ta xavalic ti oy ta jtojole, co'ol s'elan jech c'u cha'al ti ic'lumanil toque, co'ol s'elan jech c'u cha'al sts'ujulal job ac'ubal ti sob no'ox ta sac ch'ay batele.

San Juan 19:11

Xi laj stac' ti Jesuse: —Mu'yuc c'usi xu' avu'un ta jtojol ti manchuc laj yac'bot avabtel ti Diose. Ja'uc ti buch'u tal yac'un ta avoc ac'obe, ech'em smulic, ja' mu sta ti vo'ote.

Jueces 2:11

Ti c'usitic lic yesilanic ta spasel ti israeletique, chopol laj yil ta sba ta sat ti Diose. Yu'un lic snijan xchiman sbaic ta yich'el ta muc' ti yalel toyol sloc'obbail ti Baale.

Jueces 2:14

Jech o xal ti Diose lic ilinuc ta stojol ti israeletique. C'ot ta pasel yu'un ti pojbatic yu'un j'eleq'uetic ti c'usi oy yu'unique. Sq'ueloj xa no'ox sbaic ti xvolet talel ti scontraic ti oy ta spat ta xoconique. Mi ja'uc xa c'usi xut sba ta spoj sbaic ti tsacbilic ta letoe.

Jueces 2:19

Ja'uc le' une, c'alal ta xcham ti jtsobvaneje, ta xlic soques sbaic, ti x'ech' to xjelav ti c'usi chopol ta spasique, ja' mu to sta ti stot sme'ique, ti xnijiletic xchimiletic ta xich'ic ta muc' ta xac' sbaic ta tunel yu'un ti yan diosetique. Mi ja'uc ictabaj ta xa'iic ta spasel ti c'usi chopole. C'ajomal no'ox yac'ojbeic yipal ti mu xa'ibeic xchiquinale.

Jueces 3:11

Ti jech c'ot ta pasel taje, cha'vinic (40) jabil sjalil ti lamajem ti c'op ta banomil taje. C'alal chamem xa ox ti Otoniele,

1 Samuel 12:9

Ja'uc le' une, ti stuquique laj xch'ay ta yo'ntonic ti Ajvalil Dios yu'unique. Ac'atic ech'el ta yoc ta sc'ob ti Sisarae, banquilal jtsobvanej yu'un yajsoldado ti Jabine, ajvalil yu'un ti Azore, xchi'uc ta yoc ta sc'ob ti filisteoetique, xchi'uc ta yoc ta sc'ob ti ajvalil yu'un ti Moabe, ti lic stsac sbaic ta leto xchi'uque.