Jueces 21:6 - Bible in Tzotzil de Chamula

⁶ Yu'un ti israeletique mu x'ech' ta xa'iic me'unal ta scoj ti mu no'ox albajuc chopol c'ot ta stojol snitilultac ti Benjamín ti c'alal svinquilel sbaique, ti xi ta xalique: “Avi ti c'ac'al li'e, tub jvoc' snitilultac ti Israele.

Bible in Tzotzil de Chenalhó with Deuterocanon

⁶ Li israeletique ep laj yat yo'ntonic ta sventa li jchop xchi'ilic liquemic ta Benjamine. Jech laj yalic: “Li' ta orae i'ul xa jchop jchi'iltic.

Jueces 21:6 Iomraidhean Croise

2 Samuel 2:26

—¿Mi yu'un avaloj laj sc'oplal ma' ti letovajel li' une? ¿Mi mu xavil ti ja' no'ox c'ux ta xcac'be jbatic ti jvocoltique? ¿Bu to ma' ora ta xavalbe mantal ti avinictaque ti ac'o yicta sbaic ta snutsel ti svinquilel sbaique? —xi laj yavta Joab ti Abnere.

Oseas 11:8

“¿C'usi ta xcut ta jipot comel ta co'nton, Efraín? ¿C'usi ta xcut ta jtenot comel, Israel? ¿Mi yu'un xu' ta jlilinot jech c'u cha'al laj jtsutses ti jteclum Admae? ¿Mi yu'un xu' jech ta jpas ta atojol ec jech c'u cha'al laj jpasbe ti jteclum Zeboime? Xtal xbat ti co'nton avu'un ta xca'ie. Yu'un mu'yuc spajeb ti syail xc'uxul co'nton ta atojole.

Jueces 11:35

Ti c'alal laj yile, laj xch'i' ta jatel ti sc'u'e, svinajeb ti mu xa c'usi x'ech' o ta xa'i ti svocole, ti xi laj yalbee: —¡Mu xa ono'ox cha'bel un, cantsil nich'on! ¡Mu x'ech' ti jvocol ta xca'i avu'une, ti c'alal vo'ot lamal c'ot ta jtojol ti jvocol avu'une! Yu'un laj xa jtic' jba ta yalel jtrate ta stojol ti Diose, ti tsots sc'oplal ta xc'ot ta pasel cu'un avi tana une.

Jueces 21:15

Yu'un c'uxubaj yo'nton ti israeletic ta stojol snitilultac ti Benjamine, ti xocol com yu'un Dios yavil ti bu oyic jvoc' snitilultac ti Israele.

Jueces 21:5

Xi lic sjac'be sbaique: “¿Buch'u junucal cu'untic ti mu'yuc xc'ot ta tsobajel ta Mizpae?” Ja' ti yalojic ono'ox ta jamal ti jbel sc'oplal ta xich' milel ti buch'u mu'yuc xc'ot ta tsobajele.

Jueces 21:7

¿C'usi ta jpastic yo' ta jtabetic yajnilic snitilultac ti Benjamín ti cuxulic to comique? Yu'un laj caltic ta jamal ta sba sat ti Diose, ti mu xcac'betic yic' jtsebtic ti stuquique.