Jueces 21:5 - Bible in Tzotzil de Chamula

⁵ Xi lic sjac'be sbaique: “¿Buch'u junucal cu'untic ti mu'yuc xc'ot ta tsobajel ta Mizpae?” Ja' ti yalojic ono'ox ta jamal ti jbel sc'oplal ta xich' milel ti buch'u mu'yuc xc'ot ta tsobajele.

Bible in Tzotzil de Chenalhó with Deuterocanon

⁵ Jech te lic sjac'be sbaic: “¿Boch'o muc x'ay cu'untic ti c'alal la jtsob jbatic ta stojol Muc'ul Dios te ta Mizpae?”, xiic. Yu'un laj caltic ta stojol Muc'ul Dios ti chich' milel li boch'otic mu'yuc te oye.

Jueces 21:5 Iomraidhean Croise

Jeremías 48:10

(Bisbil ta cotol chaval ta xc'ot ti buch'u mu xmuyubaj ta spasel ti c'usi ac'bat sbain yu'un ti Diose. Bisbil ta cotol chaval ta xc'ot ti buch'u mu stsac ta stunesel ti yabtejebe.)

Jueces 21:1

Ti israeletique ta j'ech'el laj sva'an sbaic ta yalel ta Mizpa ti mu xu' xac'beic yic' stsebic mi junuc snitilultac ti Benjamine.

Jueces 21:18

Ja'uc ti vo'otic le' une, mu xu' ta xcac'betic yic' ti jtsebtique, ti c'alal jcotoltic laj caltic ta jamal ti israelotic ti ta xich' bisel ta cotol chaval ti buch'u ta xac'be yic' stseb snitilultac ti Benjamine.

Jueces 21:6

Yu'un ti israeletique mu x'ech' ta xa'iic me'unal ta scoj ti mu no'ox albajuc chopol c'ot ta stojol snitilultac ti Benjamín ti c'alal svinquilel sbaique, ti xi ta xalique: “Avi ti c'ac'al li'e, tub jvoc' snitilultac ti Israele.

Jueces 5:23

Xi laj yal ti yaj'ánjel Diose: ‘C'otuc tsots bac vocol ta stojol ti Meroze xchi'uc ti jnaclejetic yu'une.’ Yu'un mu'yuc laj sbis sbaic ta tsatsal viniquetic ta scoltael ti Diose.

1 Samuel 11:7

Va'i un, laj stsac talel cha'cot tot vacax. Lic sbic'tal xet'olan ta bojel. Laj stac ech'el jujut'on ta yosilal ti Israele ta sventa jun chib j'al-mantal j'ich'-c'opetic ti xi ta xalique: “Ja' jech ta xich' pasbel xvacaxic ti buch'utic mu sts'acliic ta xchi'inel ta svolel sbaic xchi'uc ti Saule, xchi'uc ti Samuele.” Och jun muc' ta xi'el yu'unic ti jnaclejetique, ti co'ol s'elan jun no'ox vinic bat stsob sbaic xchi'uquique.

1 Samuel 14:24

Manchuc mi jech un, ti jech c'ac'al taje, lubtsajemic ta j'ech'el ti israeletique. Mi junuc oy buch'u stic'oj ta ye ti ve'lil ta j'ech'ele, yu'un xi laj yal ti Saúl ta stojol ti jteclume: “Bisbil ta cotol chaval ta xc'ot ti buch'u ta xve' ti c'alal mu to ta xmal ti c'ac'ale, ti mi mu'yuc to tsalbil ta xc'ot cu'un ti cajcontrae.”