Jueces 21:21 - Bible in Tzotzil de Chamula

²¹ ti teyuc xa asatic chaplanic leque. C'alal xvoletic loq'uel ta ac'otajel ti tsebetic ta Siloe, loc'anic batel ta anil ti bu nac'aloxuque. Elc'anic batel jujun tseb ti jujunoxuque. Iq'uic batel ta alumalic.

Bible in Tzotzil de Chenalhó with Deuterocanon

²¹ Pero ch'anchianic. C'alal chavilic ch-ac'otajic loq'uel tal ta jujutsob tsebetic te ta Siloe, loc'anic batel ta mucul; iq'uic batel jujunuc ta avosilalic sventa avajnilic.

Jueces 21:21 Iomraidhean Croise

2 Samuel 6:14

Ja'uc ti Davide slapoj ech'el ti luchbil jayal saquil c'u'ile, ti x'ac'otaj no'ox ti bu xa c'alal xu' yu'une.

2 Samuel 6:21

Xi laj stac' ti Davide: —Jech xaval ava'uc ti li'ac'otaje. Le'e, ja' sventa ti Dios ti laj st'ujun stuque yo' jech laj jcuchbe yabtel ti atote, xchi'uc ti ta xic'ot ta jtsobvanej yu'unic slumal ti Israele. Jech o xal li'ac'otaj ta stojol.

Salmos 149:3

Ta sventauc, bitanic ta ac'ot ta slequil c'optael, ti jmojuc xa lometuc ti arpae, xchi'uc ti chij chij taq'uin ta sq'uejintael ti q'uejimoletique.

Salmos 150:4

Ac'otajanic no'ox ti xchijchun no'ox ti chij-chij taq'uine. Toybeic sc'oplal ta amaetic xchi'uc ta c'usitic oy yaq'uil ti stac' tijele.

Éxodo 15:20

Ti me' j'alc'op María ti ja' xchi'il ta voq'uel ti Aarone, tey lic ta xchijolanel chij-chij taq'uin. Va'i un, lic xchanic scotol ti antsetique, jmoj x'ac'otajic xa liquel ti c'alal xchijchun no'ox yu'unic ti chij-chij taq'uine,

Eclesiastés 3:4

Oy yorail ti oq'uel avanele; oy yorail ti tse'inele. Oy yorail ti ic'al me'inale; oy yorail ti muyubajel ta q'uine.

Cantares 6:13

Sutan talel, Sulamita, sutan talel. Sutan talel, yu'un ta jc'an ta jq'uelcutic ti asat avelove. ¿C'usi oy ta avo'ntonic ti ta xac'an xaq'uel ava'iic ti Sulamitae? Ac'otajel jech c'u cha'al ta xich' pasel ti bu lamal ti axibal naetique.

Jeremías 31:13

Xmuyubaj no'ox ta x'ac'otaj ti tsebetique. Ta x'ac'otajic ec ti jch'iel viniquetique xchi'uc ti moletique. Yu'un xi s'elan ti spatobil yo'ntonic ta xcac'bee: ta joybinbe ta smuyubajel yo'ntonic ti oyic ta oq'uele, xch'ay to xc'uxul vocol ta xa'iic cu'un ti c'alal mu no'ox albajuc yepal ta xcac'beic ti smuyubajel yo'ntonique.

San Mateo 10:17

Bijanic, yu'un ti jnaclejetique chba yac'oxuc ta yoc ta sc'ob ti jchapanvanejetique. Ta xavich'ic majel ta jujun ch'ul na.

San Lucas 17:25

Ja'uc le' une, ba'yel ep ta xquich' vocol, ti bajbil tenbilun yu'un ti jnaclejetic avi li'e.

Jueces 11:34

C'alal sut batel ta sna ti Jefté ta Mizpae, x'ac'otaj xa loq'uel talel xchi'uc xchij-chij taq'uin, tal nupatuc ta be yu'un ti c'ajomal yo jun stseb ti Jeftee. Mu'yuc xa yan ti yantsil nich'one. C'ajomal xa no'ox stuc oy, yu'un mu'yuc xa yan ti xnich'one.

Jueces 21:20

Va'i un, ti banquilaletic yu'un ti Israele xi laj yalic ti laj staquic batel mantal ta stojol snitilultac ti Benjamine: “Batanic, ba nac'o abaic ta yut uvatic ti nopol ta Siloe,

1 Samuel 18:6

C'u stu un, oy bu c'ot ta pasel ti c'alal sutic talel ti j'ac'-letoetic ti c'alal laj xa ox smil comel filisteoetic ti Davide, scotol ti jteclum yu'un ti Israele xchi'uc ti antsetique, xmuyubajic xa, xq'uejinic xa, x'ac'otajic xa ta stijic batel ti chij-chij taq'uine, ti set-set taq'uine, ti loq'uic batele, ba snupic ta be ti ajvalil Saule.