Jueces 20:6 - Bible in Tzotzil de Chamula

⁶ Va'i un, laj jcuch batel ti animae. Lic jbic'tal bojilan. Ti jujuxete, laj jtac batel ta scotol ti jteclume yo' jech ta xc'ot ta sni' ta xchiquinic scotol Israel ti spajebal o ti c'usi chopol laj spasique.

Bible in Tzotzil de Chenalhó with Deuterocanon

⁶ Ja' yu'un laj quich'be tal li sbec'tale; biq'uitic la jboj. La jtac batel ta scotol cosilaltic yu'un ac'o yilic scotolic c'u x'elan li mulil oy ta jtojoltique.

Jueces 20:6 Iomraidhean Croise

Génesis 34:7

Va'i un, c'alal sutic talel ta q'uel chij squeremtac ti Jacobe, ja' to laj ya'iic c'usi c'otem ta pasel. Cap sjolic ta j'ech'el, yu'un muc'ul mulil ta xa'i ta sventa Israel ti ilbajinat yu'un Siquem stseb ti Jacobe, c'alal mu smeloluc jech ta xich' pasel.

Levítico 18:24

“Mu xasoques abaic yu'un jtosuc taje. Yu'un ja' jech laj soques sbaic ti jteclumetic ti laj avilic ta aba ta asatic ti vu'un ta jip loq'uele.

Levítico 18:30

Ja' yu'un un, chanic ta spasel ti c'usitic caloje. Mi ja'uc xachanic ta spasel ti c'usi toj chopol jech c'u cha'al laj spasic ti buch'utic ba'yel vulic ti c'alal mu'yuc to ox ta xavulic ta loq'uele. Mi ja'uc xasoques abaic xchi'uc jtosuc taje. Yu'un vu'unun ti Ajvalil Dios avu'unique.”

Josué 7:15

Ti buch'u vinaj ti ja' yich'oj ti c'usi albil sc'oplal ta xich' lilinele, ta xich' chiq'uel ta c'oc' xchi'uc ti yalab xnich'nabe, xchi'uc scotol ti c'usi x'ayan yu'une, ta scoj ti mu'yuc lec ti c'usi laj spas ta stojol ti israeletique, ti mu'yuc laj yac' ta venta ti strate Diose.

Jueces 19:22

C'alal jun yo'ntonic ti mu'yuc c'usi sna'ique, oy jun chib chopol viniquetic ta jteclum ti tal sjoy sbaic ta spat xocon ti nae, ti xi laj yalbeic ti mol ti yajval na ti c'alal spujilanic xa ta majel ti ti' nae: —¡Loq'ueso talel ti vinic ti tal svu'lanote! ¡Yu'un ta jc'an ta jchi'in ca'icutic ta vayel!

Jueces 19:23

Ti yajval nae xi xvocolet xa laj yale: —¡Avocolicuc, jchi'iltac, mu jechuc xapasic! ¡Mu xa'ilbajinvanic! Yu'un ti vinic li'e naca no'ox cajch'om na.

Jueces 19:29

C'alal c'ote, laj stsac jun cuchilu. Lic spas ta lajcha'xet' sbec'tal ti sts'acal-ajnile, ti laj spuc batel ta sjunul steclumal ti Israele.

Jueces 20:10

Ti jujun ta lajlajunvo' viniquetic ti ta scotol ti jujuvoc' nitiluletique, ta sbainic ta sa'bel sve'el ti j'ac'-letoetique. Ja'uc ti yane xbat yac'beic stoj ti Gabaa ti oy c'usi mu lecuc laj spas ta stojol ti Israele.