Jueces 20:5 - Bible in Tzotzil de Chamula

⁵ Ti jech ac'ubal taje, tal sjoyibtaic pat xocon na ti jnaclejetic teye, ti oy ta yo'ntonic ta xismilicun ox ya'iic ti bu jch'amunoj ti nae. C'ot ta pasel yu'unic ti laj yilbajinbeicun ti cajnile, ti cham yu'unic ta yilbajinele.

Bible in Tzotzil de Chenalhó with Deuterocanon

⁵ Pero te italic jayibuc viniquetic ta lum yu'un tsc'an chismilicun, vul setuic li na bu oyune. Ja' laj yuts'intaic li yan ants cu'une, jech te icham o.

Jueces 20:5 Iomraidhean Croise

Levítico 18:24

“Mu xasoques abaic yu'un jtosuc taje. Yu'un ja' jech laj soques sbaic ti jteclumetic ti laj avilic ta aba ta asatic ti vu'un ta jip loq'uele.

Deuteronomio 22:21

va'i un, ta sloq'uesat ech'el ta sti' sna ti stote yo' jech ti viniquetic yu'un ti jteclume, ta spujbeic ton ta milel ta scoj ti spajebal xa no'ox ti c'usi chopol laj spas ta stojol ti Israele, ti laj scus ta yic'obal ti stote. Ja' to jech ta stsuts sc'oplal ti jsoquesvanej ta atojolique.

Deuteronomio 22:24

xi s'elan ta xc'ot ta stojolic ti c'alal ic'bil ta xbat xcha'vo'alic ta chapanobbail yu'un ti jteclume: Ta xich'ic milel ta pujel ta ton ti tsebe ta scoj ti mu'yuc x'avan sc'an pojel ti c'alal oy ta yutil jteclume. Ti vinic xtoque ta xich' milel ta scoj ti laj soquesbe sc'oplal jun ants ti jac'bil xa yu'un ti svinquilele. Ja' to jech ta xtub sc'oplal ti c'usitic chopol ta xc'ot ta pasel ta atojolique.

Josué 7:15

Ti buch'u vinaj ti ja' yich'oj ti c'usi albil sc'oplal ta xich' lilinele, ta xich' chiq'uel ta c'oc' xchi'uc ti yalab xnich'nabe, xchi'uc scotol ti c'usi x'ayan yu'une, ta scoj ti mu'yuc lec ti c'usi laj spas ta stojol ti israeletique, ti mu'yuc laj yac' ta venta ti strate Diose.

Jueces 19:22

C'alal jun yo'ntonic ti mu'yuc c'usi sna'ique, oy jun chib chopol viniquetic ta jteclum ti tal sjoy sbaic ta spat xocon ti nae, ti xi laj yalbeic ti mol ti yajval na ti c'alal spujilanic xa ta majel ti ti' nae: —¡Loq'ueso talel ti vinic ti tal svu'lanote! ¡Yu'un ta jc'an ta jchi'in ca'icutic ta vayel!

Jueces 19:28

Va'i un, xi laj yalbee: —Lican, batic. Mi ja'uc xa tac'av ti antse. Ti stuque laj scajan batel ta sba sburro ti animae. Laj stam batel sbe c'alal to sna.

Jueces 20:4

Ti levita, smalal ti animae, xi lic yale: —Lic'ot xchi'uc cajnil ta Gabaa ti ja' snitilul ti Benjamine yo' jech ta x'ech' cu'uncutic ti ac'ubale.