Jueces 20:2 - Bible in Tzotzil de Chamula

² Scotolic ti banquilaletic yu'un ta jujuvoc' snitilultac ti Israele, xvoletic no'ox liquel. Laj stsob sba chanib ciento ta mil (400,000) soldadoetic ti ta yoc ta xanavic batel steclumal ti Diose.

Bible in Tzotzil de Chenalhó with Deuterocanon

² Li banquilaletic ta jujuchop israeletique te oyic scotolic. Oy chanib ciento ta mil (400,000) ta scotolic yich'ojic lec yespadaic.

Jueces 20:2 Iomraidhean Croise

2 Samuel 14:13

Va'i un, xi laj sjac' ti antse: —¿C'u cha'al ya'yel un cha'e, Jcuch abtel, ti anopoj xa jech ta xapasbe ava'i yalab xnich'nab ti Diose? Yu'un jech ta xalilanbe sba stuc ti Jcuch abtele. Ta smul stuc ti mu xac' sutuc talel ti xnich'on ti loq'uem xa batel ta yosilale.

2 Samuel 24:9

Ti Joabe laj yac'be jelavel ajvalil ti c'u yepal laj sta ta tsacbel sbi ti jnaclejetic ti oyic ta jteclume, ti loc' ta chapel vaxaquib ciento ta mil (800,000) viniquetic ti chapalic ta ac'-leto ta Israele, xchi'uc vo'ob ciento ta mil (500,000) ta Judae.

2 Reyes 3:26

C'alal laj yil ti ajvalil yu'un Moab ti xjelav to x'ech' xu' yu'unic ti scontrae, ti ja' mu sta ti stuque, laj stac ta iq'uel vucub ciento (700) ta vo' viniquetic ti xc'abajic ta yaq'uel ti espadae, yo' jech ta sjamic ech'el ti be ti bu oy ti ajvalil yu'un ti Edome. Mi ja'uc jutebuc cuch yu'unic.

Josué 22:12

C'alal jech laj ya'iic lec ti israeletic taje, laj stsob sbaic ta ora no'ox ta Siloe yo' xbat stsaquic ta c'op ti jayvoq'uique.

Jueces 20:15

Ti soldadoetic ti laj xchapan sbaic ta steclumaltac ti Benjamine, loc' ta chapel vaquib xcha'vinic ta mil (26,000) ti mu'yuc laj stsaquic ta chapel ti vucub ciento (700) ta vo' viniquetic ti laj st'ujic ta Gabaae.

Jueces 20:17

Ja'uc ti yan israeletique laj stsobic chanib ciento mil (400,000) ta vo' j'ac'-letoetic ti mu sna' xi'ique.

Jueces 20:3

Ja'uc snitilultac ti Benjamine, laj ya'iic ti laj stsob sbaic ta Mizpa ti jayvoc' snitilultac ti Israele. Jech ti israeletique laj sjac'beic ti levita ti c'u s'elan c'ot ta pasel ti oy buch'u chame.

Jueces 8:10

Ja'uc ti Zebae xchi'uc ti Zalmunae oyic xa ta Carcor xchi'uc nan vo'lajunmiluc (15,000) ta vo' ti svinictaque, ti ja' xa jech yepal com ti svinictac ti liquemic talel ta sloq'ueb c'ac'ale. Yu'un chamic vacvinic ta mil (120.000) ta scotolic.

1 Samuel 11:8

C'alal lic xchap svinictac ti Saúl ta Bézeque, stsoboj xa sba oxib ciento mil (300,000) ta vo' israel viniquetic, xchi'uc lajuneb xcha'vinic mil (30,000) ta vo' viniquetic ti liquemic talel ta Judae.