Jueces 20:10 - Bible in Tzotzil de Chamula

¹⁰ Ti jujun ta lajlajunvo' viniquetic ti ta scotol ti jujuvoc' nitiluletique, ta sbainic ta sa'bel sve'el ti j'ac'-letoetique. Ja'uc ti yane xbat yac'beic stoj ti Gabaa ti oy c'usi mu lecuc laj spas ta stojol ti Israele.

Bible in Tzotzil de Chenalhó with Deuterocanon

¹⁰ Scotol li yantique, jujun ta lajlajuneb ac'o loc'uc ta jujuchop; ja' tsventainic sa'el tal ve'lil. Li yantique ja' chbatic ta Gabaa, chbat spaquic c'usi toj chopol la spasic ta jtojoltic vu'utic li israelutique —xiic.

Jueces 20:10 Iomraidhean Croise

Levítico 18:24

“Mu xasoques abaic yu'un jtosuc taje. Yu'un ja' jech laj soques sbaic ti jteclumetic ti laj avilic ta aba ta asatic ti vu'un ta jip loq'uele.

Deuteronomio 22:21

va'i un, ta sloq'uesat ech'el ta sti' sna ti stote yo' jech ti viniquetic yu'un ti jteclume, ta spujbeic ton ta milel ta scoj ti spajebal xa no'ox ti c'usi chopol laj spas ta stojol ti Israele, ti laj scus ta yic'obal ti stote. Ja' to jech ta stsuts sc'oplal ti jsoquesvanej ta atojolique.

Josué 7:15

Ti buch'u vinaj ti ja' yich'oj ti c'usi albil sc'oplal ta xich' lilinele, ta xich' chiq'uel ta c'oc' xchi'uc ti yalab xnich'nabe, xchi'uc scotol ti c'usi x'ayan yu'une, ta scoj ti mu'yuc lec ti c'usi laj spas ta stojol ti israeletique, ti mu'yuc laj yac' ta venta ti strate Diose.

Jueces 20:11

Co'ol s'elan jun no'ox vinic, laj stsob sba scotolic ti israeletique yo' jech xbat stsaquic ta leto ti yajval jteclume.

Jueces 20:6

Va'i un, laj jcuch batel ti animae. Lic jbic'tal bojilan. Ti jujuxete, laj jtac batel ta scotol ti jteclume yo' jech ta xc'ot ta sni' ta xchiquinic scotol Israel ti spajebal o ti c'usi chopol laj spasique.

Jueces 20:9

Ti c'usi sc'an ta jpastique, la' jq'ueltic buch'u ta xc'ot yorail ti xbat stsac ta leto ti Gabaae.

Jueces 21:1

Ti israeletique ta j'ech'el laj sva'an sbaic ta yalel ta Mizpa ti mu xu' xac'beic yic' stsebic mi junuc snitilultac ti Benjamine.