Jueces 20:1 - Bible in Tzotzil de Chamula

¹ Va'i un, scotol ti israeletique, co'ol s'elan jun no'ox vinic, lic stsob sbaic ta sba ta sat Dios ti ta Mizpae, ti liquic talel ta Dane, ti ta Beersebae, ti ta Galaade.

Bible in Tzotzil de Chenalhó with Deuterocanon

¹ Scotol li israeletic xlic ta Dan c'alal ta Beerseba xchi'uc c'alal ta Galaade la stsob sba scotolic te ta Mizpa ta stojol li Muc'ul Diose. Jech chac c'u cha'al jun no'ox vinic laj ya'ay sba ta scotolic.

Jueces 20:1 Iomraidhean Croise

2 Samuel 19:14

Ja' jech laj svulubtasbe xch'ulel scotol viniquetic yu'un ti Judae. Scotolic ti co'ol s'elan sc'op no'ox jun vinic laj yalic scotolic ti laj staquic ech'el mantal ta stojol ti ajvalile, ti ac'o sutuc batel xchi'uc scotol ti yaj'opisialtaque.

2 Samuel 2:9

Ti bu taje, lic sva'an ta ajvalilal yu'un scotol ti c'u yepal smacoj ti Israele, xchi'uc ti Galaade, ti Guesurie, ti Jezreele, ti Efraine, ti Benjamine.

2 Samuel 24:2

Va'i un, ti ajvalile xi laj yalbe ya'i mantal ti Joab banquilal jpas-mantal yu'un ti soldadoetic ti xchi'inoje: —Bat xaniic scotol steclumal ti Israele, ti licuc talel avu'unic ti tsacob-biil ta Dane, ti c'otuc c'alal to Beersebae, yo' jech ta jna' c'u yepal oy ti jnaclejetique.

2 Samuel 3:10

Yu'un yaloj ti Diose ti ta stubbe sc'oplal ta ajvalilal snitilultac ti Saule, ti xc'ot xa ta ajvalilal ti Davide yo' jech ta xlic spas ta mantal sjunlej ti Israele, xchi'uc sjunlej ti Judae, ti ta xlic ta Dane, ti ta xc'ot c'alal to ta Beersebae!

1 Reyes 5:5

Ja'uc le' une, laj xa jnop ta jva'anbe xch'ulna ti Ajvalil Dios cu'une jech c'u cha'al laj yal sc'op ta stojol ti David ti ja' jtote, ti c'alal albat ono'ox ti ja' jun xnich'on ta x'och ta ajvalil yo' ta xcom ta xq'uexole, ti albat sc'oplal ti ja' ta smeltsan ti ch'ulna sventa staobil ta na'ele.

2 Reyes 25:23

C'alal laj ya'iic ti banquilaletic yu'un ti jujuvoc' soldado ta Judae, xchi'uc ti svinictaque, batic ta Mispa ta sc'oponel ti Gedaliase. Bat ti Ismael xnich'on ti Netaniase, ti Johanán xnich'on ti Careae, ti Seraías xnich'on ti Tanhumet ti liquel talel ta Netofae, xchi'uc ti Jaazanías xnich'on jun vinic ti liquel talel ta Maacae. Xvoletic batel xchi'uc ti svinique.

1 Crónicas 21:2

Va'i un, ti Davide xi lic yalbe ya'i ti Joabe, xchi'uc ti banquilaletic yu'un ti jteclume: —Batanic, liquesic tsacob-biil ta stojol ti israeletic ti licuc talel ta Beerseba, c'otuc to c'alal Dan. Ich'beicun talel ti c'u yepal laj ataique yo' jech ta jna' ti c'u yepal oyique.

2 Crónicas 30:5

Nop yu'unic un ti spucbeicuc batel sc'oplal ta sjunul Israele, ti c'otuc to c'alal Beersebae, xchi'uc c'alal to Dan, ti ic'bilic ta Jerusalén ta spasel q'uin Colebal yu'un ti Ajvalil Dios yu'un ti Israele. Vo'ne xa mu sta jech muc'ul tsobolej ta spasic jech c'u cha'al albil sc'oplal avie.

Esdras 3:1

C'alal sta sc'ac'alil ti yucubal ue, ti jun xa yo'ntonic ti israeletic nacalic ta jujun slumalique, scotol jteclum bat stsob sbaic ta Jerusalén.

Nehemías 8:1

Va'i un, xvoletic no'ox batel ba stsob sbaic scotol ti jteclum ta jamal amac' ti oy ta yeloval ti'na yu'un ti Vo'e, ti laj yalbeic ya'i ti jchanubtasvanej Esdras ti yich'uc talel ti jpoc svunal ti oy c'usi jbel tsots albil ti ac'bilic comel Israel yu'un Dios ta sventa ti Moisese.

Jeremías 40:6

Ti Jeremiase bat xchi'in ta naclej ti Gedalías ti nacal ta Mizpae. Naqui xchi'uc ti jnaclejetic ti oyic ta muc' ta lume.

Números 32:1

Snitilultac ti Rubene xchi'uc ti Gade ep ta jmec ti chon bolometic yu'unique. C'alal laj staic ta q'uelel ech'el ti slumal Jazere xchi'uc ti Galaade ti sc'oteb o ta yavil ts'unob vacaxe,

Números 32:40

Va'i un ti Moisese ja' laj yac'be yich' Maquir yosilal ti Galaade, ti tey com naquiicuque.

Josué 17:1

Ti li'e, ja' jech sjamlej yosil laj yich' snitilultac ti Manasese, sbanquilal nich'on ti Josee. Yan ti Maquire, ti ja' sba xnich'on ti Manasese, ti ja' jun vinic ti xtojob lec ta ac'-letoe, ti ja' totil yu'un ti Galaade, laj yich' ti yosilal jteclum Galaade, xchi'uc ti yosilal Basán ti oy ta yeloval sloq'ueb c'ac'al yu'un ti Jordane.

Josué 22:12

C'alal jech laj ya'iic lec ti israeletic taje, laj stsob sbaic ta ora no'ox ta Siloe yo' xbat stsaquic ta c'op ti jayvoq'uique.

Josué 22:9

Ja' jech c'ot ta pasel yu'unic snitilultac ti Rubene, ti Gade, xchi'uc ti o'lol jvoc' snitilultac ti Manasese, laj xch'acbe sbaic xchi'uc ti yan israeletic ta Silo ti oy ta yosilal ti Canaane, yo' jech ta sutic ech'el ta sbanomil stuquic ti oy ta yosilal Galaad ti ac'batic yu'un ti Moisés ta sventa ti albil yu'un ti Diose.

Josué 4:13

Nopol cha'vinicuc ta mil (40,000) viniquetic ti chapalic ta ac'-leto xchi'uc yabtejebic ti xcholetic batel ta sba ta sat ti Diose, ti tuc' stamojic batel ta stenlejtic yu'un ti Jericoe.

Jueces 10:17

Ti amonitaetique lic svol sbaic ti bat slaman sbaic ta Galaade. Ja'uc ti israeletique laj stsob sbaic ti bat svol sbaic ta Mizpae.

Jueces 11:11

Va'i un, ti Jeftee, jmoj batic xchi'uquic. Jech ti jteclum une lic sva'anic ta banquilal jpojvanej yu'unic. Ti Jefté ti c'alal oy ta Mizpae, lic xcha'alilan ta sba ta sat Dios ti c'usi laj yal ta ba'yele.

Jueces 11:34

C'alal sut batel ta sna ti Jefté ta Mizpae, x'ac'otaj xa loq'uel talel xchi'uc xchij-chij taq'uin, tal nupatuc ta be yu'un ti c'ajomal yo jun stseb ti Jeftee. Mu'yuc xa yan ti yantsil nich'one. C'ajomal xa no'ox stuc oy, yu'un mu'yuc xa yan ti xnich'one.

Jueces 18:29

Ac'o mi Lais sbi ta ba'yele, ti stuquique laj yac'beic sbiin Dan, sna'obil sbi ti smolmuc'tot ti jun vinic xnich'on ti Israele.

Jueces 20:11

Co'ol s'elan jun no'ox vinic, laj stsob sba scotolic ti israeletique yo' jech xbat stsaquic ta leto ti yajval jteclume.

Jueces 20:18

Ti israeletique batic ta Betel. Ti bu taje, lic sjac'beic Dios buch'u jvoc'ucal nitilulil ti ba'yel ta sliques stsaquel ta leto snitilultac ti Benjamine. Ti Diose laj yal ti ja' ba'yel ta xbat tsacvanicuc ta leto snitilultac ti Judae.

Jueces 20:2

Scotolic ti banquilaletic yu'un ta jujuvoc' snitilultac ti Israele, xvoletic no'ox liquel. Laj stsob sba chanib ciento ta mil (400,000) soldadoetic ti ta yoc ta xanavic batel steclumal ti Diose.

Jueces 20:26

Va'i un, scotol ti soldado israeletique xchi'uc scotol ti jteclume, yan to velta, sutic batel ta yoq'uitael sbaic ta stojol ti Diose. Sjunul c'ac'al mu'yuc ve'el yu'unic. Laj yac'beic chic'bil matanal xchi'uc milbil matanal sventa lajesobil o'ntonal yu'un ti Diose.

Jueces 20:8

Co'ol s'elan jun no'ox vinic, va'i scotolic, ti xi laj yalique: —Mi junuc cu'uncutic ti oy buch'u ta sut batel ta yaxibal na, mi ta sna.

Jueces 21:5

Xi lic sjac'be sbaique: “¿Buch'u junucal cu'untic ti mu'yuc xc'ot ta tsobajel ta Mizpae?” Ja' ti yalojic ono'ox ta jamal ti jbel sc'oplal ta xich' milel ti buch'u mu'yuc xc'ot ta tsobajele.

1 Samuel 10:17

Ts'acal to un, ti Samuele laj staan ta iquel ti israeletique, ti chba snijan xchiman sbaic ta yich'el ta muc' ti Dios ta Mizpae.

1 Samuel 3:20

C'alal to ta Dan xchi'uc c'alal to ta Beerseba ti vinaj ta scotol Israel ti ja' jun bats'i j'alc'op yu'un Dios ti Samuele.