Jueces 2:4 - Bible in Tzotzil de Chamula

⁴ C'alal laj yo'nton ta c'opojel ti yaj'ánjel Diose, scotol ti israeletique lic sjambeic snuq'uilal ta oq'uel.

Bible in Tzotzil de Chenalhó with Deuterocanon

⁴ C'alal jech i'albatic yu'un yaj'almantal Muc'ul Dios scotol li israeletique, scotolic x'avetic liquel ta oq'uel.

Jueces 2:4 Iomraidhean Croise

Esdras 10:1

C'alal yacal ta c'opojel ti'inel ti Esdras ta xcholel jelavel ti c'ope, x'oc' x'avan xa ti quejel ta xch'ulna ti Diose, laj svol sbaic talel epal israel viniquetic, antsetic, xchi'uc ololetic ti x'oc' x'avanic xa joyol ta stojole.

Proverbios 17:10

Tojob ta juteb vulel ti buch'u bije, laj ya'i sba, ja'uc ti buch'u pimunebe, manchuc mi ta xich' vo'vinic (100) ta moj nucul, stselbun no'ox.

Jeremías 31:9

Xc'opoj xti'inic xa, x'oq'uic x'avanic xa sutel talel. Ja' jech xtoc un, ta xquiq'uic batel ti bu ta x'ech' ti uc'umetique. Ta x'ech'ic cu'un ta stenlej be ti bu mu stsuculin ti yacanique. Yu'un c'otemun ta totil yu'un ti Israele. Jbanquilal nich'on ta xca'i ma' ti Efraine.

Joel 2:12

Ja' yu'un un, xi ta xal ti Diose: “Avi tana le' une, sjunuluc avo'ntonic, sutanic talel ta jtojol; ictao avotic, oc'anic, avananic xtoc.”

Zacarías 12:10

“Ta jtic'beic ta snopbenal yu'unic ti yutsil slequilal yo'ntonique, ti ta xlic c'opojuc ti'inuc ta stojol Dios ti snitilultac ti Davide xchi'uc ti jnaclejetic yu'un ti jteclum Jerusalene. Va'i un, ta xlic yilic ti buch'u laj yac' sjol sbaquil yu'unique. Ta xlic ochicuc ta vul o'nton xchi'uquic. Ta xlic yoq'uitaic jech c'u cha'al ta xlic yoq'uitaic ti ta xtub sc'oplal ti c'ajomal no'ox jcot nich'onile, mi ja' ti c'ajomal no'ox jcot banquilale.

San Lucas 6:21

“Yan yutsil ti vo'oxuc oy vi'nal ta xava'iique, ta xata liquel ti jun avo'ntonique. “Yan yutsil ti vo'oxuc ta xa'oq'uique, ts'acal to ta xlic muyubajanic.

San Lucas 7:38

X'oc'olet xa, lic squejan sba ta stojol ti Jesuse, ti naca ta ya'lel sat laj spocbe ti yacane. C'un to un, naca ta stsotsil sjol laj staquijesbe, laj sbuts', laj smalbe ti muil poxil ta yacan ti Jesuse.

2 Corintios 7:10

Ti at o'ntonal liquem talel ta stojol ti Diose, ja' ta xac' ta na'el ti yich'uc ictael comel ti xchopolal o'ntonale yo' ta xich' talel ti pojel colele, yo' jech mu'yuc c'usi xal ti o'ntonale. Ja'uc ti at o'ntonal sventa banomile, naca lajel tubel sq'ueloj batel.

Santiago 4:9

Na'o ava'iic lec ti c'usi chopol laj xa apasique. Ochanic ta at o'nton yu'un. Oc'an avananic yu'un. Joybijuc ta oq'uel avu'unic ti xatse'inic no'oxe. Joybijuc ta at o'nton ti xamuyubajic no'oxe.

Jueces 2:3

Jech o xal un, xi ta xcalboxuc ava'iic tana li' une: Mu'yuc ta jten loq'uel ta atojolic ti jteclume. Yu'un ta xata avocolic xchi'uc ti ja' apets'alique, ti mu stac' a'yeluc c'usi ta xavut abaic xchi'uc ti sdiosique.”

Jueces 2:5

Jech o xal ti bu taje, laj yac'beic sbiin Boquim. Lic yaq'uic matanal ta stojol ti Diose.

1 Samuel 11:4

Ti j'al-mantal j'ich'-c'opetique c'otic c'alal to Gabaa ti bu nacal ti Saule. Lic spuquic ti lo'il a'yej ta stojol ti jnaclejetique. Lic smil sbaic ta oq'uel scotolic.

1 Samuel 7:6

Ti israeletique bat stsob sbaic ta Mizpa. Ti bu taje, laj spulic loq'uel vo', ti laj smalic ti c'ot ta smoton ti Diose. Ti jech c'ac'al taje, laj scomtsan yotic. Laj yojtiquinic lec ta jamal ti staoj smulic ta stojol ti Diose. Ti ta Mizpa taje, lic ochuc ta jpojvanej yu'un Israel ti Samuele.