Jueces 2:2 - Bible in Tzotzil de Chamula

² Yavil ti mi mu xapas atrateic xchi'uc ti jnaclejetic li' ta banomile, ti mi c'ajomal no'ox ta xlic alilinbeic ti altaretic yu'unique.’ Ja'uc le' une, mu'yuc xach'unbeicun. ¡Mu cha'beluc unbi, q'uelo avilic ti c'u s'elan laj apasic une!

Bible in Tzotzil de Chenalhó with Deuterocanon

² me mu'yuc c'usi chachapan achi'uquic li cristianoetic li' nacajtic ta avosilalique. Ja' tsc'an vo'oxuc chajinesbeic li scajleb smoton sdiosique’, xcutic ono'ox. Pero li vo'oxuque muc xach'unbicun li c'usi calojboxuque. Q'uelavilic li c'usi laj xa apasique.

Jueces 2:2 Iomraidhean Croise

Génesis 12:18

Jech o xal ti faraone laj stac ta iq'uel ti Abrame, ti xi laj yalbee: “¿C'u cha'al jech laj apasbun? ¿C'u cha'al mu laj avalbun ca'i ja' avajnil ti ants li'e?

Génesis 4:10

Xi albat yu'un ti Diose: —¿C'u cha'al jech laj apas le'e? Ti xch'ich'el avits'in ti laj xa amalbe ta banomile, x'avet xa ta xisc'anbun ti ac'o jchapanote.

Éxodo 32:21

Xi laj yalbe xtoc ti Aarone: —¿C'usi laj yutot ti laj ata tsalel yu'un ti jteclum li'e, ti c'ot xa ta pasel avu'un ti tsots mulile?

Jeremías 2:18

Ava'i un, ¿mi oy c'usi ta xata o yu'un ti ta xabat ta Egipto ta yuch'el ti yuc'umal Niloe? ¿C'usi ta xata o yu'un ti ta xabat ta Asiria ta yuch'el ti yuc'umal Eufratese?

Jeremías 2:36

¿C'u cha'al ya'yel asujoj xa aba ta sjeltael ti buch'u ta stic' sba ta apojele? Ti jteclum Egipto xtoque mu stic' sba ta apojel jech c'u cha'al laj spas ti Asiriae.

Jeremías 2:5

Xi ta xal ti Diose: “¿C'usi chopol laj stabeicun ti amolmuc'totic ta vo'ne ti laj xch'ac sbaic ta jtojole? Yu'un ti stuquique laj sts'acliic diosetic ti mu xcoltavane. Mu'yuc c'usi bal o c'otic ec un.

Deuteronomio 7:16

Ja'uc ti vo'oxuc une, tsots sc'oplal, tubic ta j'ech'el scotol ti yajval lumetic ti ta xac'boxuc ta avoc ta ac'obic ti Ajvalil Dios avu'unique, ti mu ja'uc jutebuc xc'uxubaj avo'ntonic yu'une, ti mu ja'uc xanijan xachiman abaic ta yich'el ta muc' ti sdiosique. Ti mi jech taje, yu'un ja' ach'ayobilic ta be yu'un.

2 Tesalonicenses 1:8

Ta xtal stsits ti buch'utic mu laj sbic'tajes sbaic ta stojol ti Diose, xchi'uc ti mu'yuc laj xch'unic ti lequil ach' c'op yu'un ti Cajvaltic Jesucristoe.

Josué 9:7

Ti israeletique xi laj stac'beic ti heveoetique: —Ati mi li' no'ox nacaloxuc une, ti mi nopol xquil jbatic une, ¿mi yu'un xavac'touc ta stac' ta jpascutic trate xchi'uc ti vo'oxuque?

1 Pedro 4:17

Yu'un sta xa yorail ti ta xich'ic chapanel ti yalab xnich'nabtac ti Diose. Mi jech lic xa ti chapanel ta jtojoltique, ¿c'u xa ono'ox s'elan ta xc'ot ta stojolic ti buch'utic mu'yuc c'otem ta yo'ntonic ta xch'unel ti lequil ach' c'op yu'un ti Diose?

Jueces 2:20

Jech o xal un, ti Diose ta j'ech'el lic sc'ac'al yo'nton ta stojol ti israeletique, ti xi laj yalbe ya'iique: “Ti jteclum li'e, mu xaq'uic ta venta ti jtrate ti laj jpas ta stojol ti smolmuc'totique. Mi ja'uc sc'an xiyich'icun ta muc'.

Jueces 6:10

Yu'un laj ono'ox calboxuc ava'iic ti vu'un ti Ajvalilune, ti Diosun avu'unique, ti mu xaxi'ic yu'un sdiosic ti amorreoetic li' ta banomil ti bu nacaloxuc avi tanae. Ja' no'ox un, mi ja'uc laj avich'beicun ta muc'.’ ”

Jueces 6:8

tacbatic talel jun j'alc'op ti xi albatic yu'une: “Xi ta xal ti Ajvalil Dios yu'un ti Israele: ‘Laj jloq'uesoxuc talel ta Egipto ti bu to ox tiq'uiloxuc ta mosovile.

Jueces 8:27

Ta sventa ti oro taje, ti Gedeone laj yac'be o ta xnichimal ti jayal saquil c'u'il ti laj yac' ta meltsanele, ti lic yac' ta Ofra ta slumal stuque. Lic yanijuc yo'ntonic scotol israeletic ta stojol Dios ta scoj ti laj yich' nichimtasel ti jayal saquil c'u'ile. Lic joybijuc ta spets'al ti Gedeón xchi'uc ti yalab xnich'nabe.