Jueces 2:12 - Bible in Tzotzil de Chamula

¹² Laj yictaic comel ti Ajvalil Dios yu'un ti smolmuc'totic ti loq'uesatic talel ta Egiptoe. Lic snaban sbaic ta yich'el ta muc' ti diosetic yu'un ti jnaclejetic ti joyol ta spat ta xoconique. Lic sliquesbeic sc'ac'al yo'nton ti Dios ti jech taj une.

Bible in Tzotzil de Chenalhó with Deuterocanon

¹² Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose.

Jueces 2:12 Iomraidhean Croise

Salmos 106:36

Laj squejan sbaic ta yich'el ta muc' ti c'usi meltsanbil ta c'abale, lic sta svocol xchi'uquic ta scoj taj une.

Salmos 78:58

Laj sliquesbeic sc'ac'al yo'nton ti laj sva'anic altaretic ti ma'uc c'otem ta sventae; lic snijan sbaic ta yich'el ta muc' ti c'usi meltsanbil ta c'abale, laj syanijesbeic yo'nton un.

Éxodo 13:14

Mi oy bu ta xc'ot ta pasel ti xi ta xlic sjac'boxuc ti anich'nabic ta ts'acale: ‘¿C'usi smelol ti jech ta xich' pasel le'e?’ xi xatac'beique: ‘Yu'un ja' o laj sloq'uesuncutic talel ta smuc'ul stsatsal ti Dios ti c'alal tiq'uiluncutic to ox ta mosovil ta Egiptoe.

Éxodo 13:16

Ti jech taj une, co'ol s'elan oy smarcail avu'unic mi ta ac'obic, mi ta ati'baic. Ti va'i s'elan liquem ta xich' pasel taje, ja' ta xac' ta na'el ti ta smuc'ul stsatsal ti Dios laj sloq'uesuncutic talel ta Egiptoe.’ ”

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 13:9

Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Éxodo 20:5

Mu xanijan xachiman aba ta stojolic. Mi ja'uc xamuyubta ta yich'el ta muc', yu'un vu'un ti Ajvalil Diosun avu'unique. Yu'un ti jech Diosune, mu lecuc ta xca'i ti buch'u ta spec'tsanbun jc'oplal ta yich'el ta muc' ti yane. Ta jtsitsic ya'i ta scoj smulic ti totil me'iletic ti xti'et xcapet sjolic ta jtojole, ti ta staic ta maquiel ti yalab xnich'nabique, ti smomique, ti syialmomique.

Jeremías 16:11

Xi xatac'be une: ‘Ti Diose xi ta xal ta jamale: Ti jech taje, ti atot ame'ic ta vo'nee, laj yictaicun comel. Bat sts'acliic yan diosetic ta snijanel xchimanel sbaic ta yich'el ta muc'. Laj stenicun comel ti vu'une. Laj svalopatinic ti chanubtasel laj cac'beique.

Deuteronomio 13:5

Yu'un ti j'alc'op taje, mi ja' ti jvaichinajel vinique, chapal xa sc'oplal ta xich' milel ta scoj ti laj sbijubtasoxuc ta scontrainel ti Ajvalil Dios avu'unic ti c'alal ja' laj scoltaoxuc loq'uel talel ta mosovil ta Egiptoe. Yu'un ti vinic taje ta xac' sjol yo'nton ti ta xch'acoxuc ya'i loq'uel ta be ti bu laj yalboxuc ti Ajvalil Dios avu'unic ti ac'o atamic batele. Yu'un ja' to jech ta xc'ot ta tsutsel ti c'usi ta soquesvan ta atojolique.

Deuteronomio 29:18

Mu me ja'uc oy buch'u junucal mi vinic, mi ants, mi jchop ta na, mi jvoc'uc nitilulil ta atojolic ti ta svalopatin comel ti Ajvalil Dios cu'untique, yo' ta xlic snijan xchiman sbaic ta yich'el ta muc' sdiosic ti muc'tiquil lumetic taje. Mu me ja'uc oy buch'u junucal avu'unic jech c'u cha'al junuc yibel te' ti toj ch'a ta j'ech'el ti oy svenenoale.

Deuteronomio 29:25

Ti stac'obile, xi s'elan ta xloc' yu'unic ta alele: ‘Yu'un ja' ta scoj ti laj sjip laj sten ta svalopatinel strate ti Ajvalil Dios yu'un ti smolmuc'totique, ti albilic ono'ox ta xloq'uesatic talel ta Egiptoe.

Deuteronomio 32:15

“Ti jech taj une, jub ta j'ech'el ti Jesurune,, ti c'ot ta jun toyobba ta j'ech'el xchi'uque, (ti xt'ajet no'ox ti sat yu'un xepu'al ti sjubemale). Tey laj sjip laj sten comel ti Dios yu'une, ti ja' ac'bun xch'ulel yanimae; laj sbaj ti jchabivanej jpojvanej yu'une.

Deuteronomio 33:17

Ti Josee, co'ol s'elan sba xnich'on jcot tot vacax ti toj c'upil sbae, ti jech s'elan yip jech c'u cha'al ti te'tical vacaxe, ti naca xluch no'ox ech'el ti jteclumetic ti oy ta scotol xchanjotal ti banomile. Ti jech taj une, ja' sventa ti mu albajuc yepal snitilultac ti Efraine, ti ta mil no'ox oy snitilultac ti Manasese.”

Deuteronomio 4:25

“Yu'un c'alal mi laj xa avilic ti ayan ti anich'nabique, ti amamubtaquique, ti laj to avilic ta aba ta asatic ti lamolibic ta jteclume, mu me xlic ajol ta sloc'tael c'usiuc no'ox loc'obbailetic ti ja' ta xata o amul ta stojol ti Ajvalil Dios avu'unique, ti yalel ta xaliquesbeic ti sc'ac'al yo'ntone.

Deuteronomio 5:9

Mu xaquejan abaic ta stojol. Mi ja'uc xamuyubtaic ta yich'el ta muc'. Yu'un vu'unun ti Ajvalil Dios avu'unique. Yu'un ti jech Diosune, mu jutebuc sts'ic cu'un ti buch'u ta xac' sba ta sc'ob ti yane, ti ta jtsits ti totil me'iletic ta scoj ti smulic ti xti'et sjolic ta jtojole, ti ta sta ta maquiel ti xnich'nabique, ti smomique, ti syialmomique.

Deuteronomio 6:12

C'alal jech ta xc'ot ta pasel taj une, tsotsanic ti mu xch'ay ta avo'ntonic ti Ajvalil Diose, ti ja' laj sloq'uesoxuc talel ta Egipto ti bu to ox mosovinbiloxuque.

Jueces 10:11

Xi tac'batic talel yu'un ti Diose: “Ti vo'oxuque laj avich'ic tsots ilbajinel yu'un ti egipcioetique, ti amorreoetique, ti amonitaetique, ti filisteoetique,

Jueces 5:8

“C'alal xyaquet ti leto ta sti'tac ti jteclume, mu ta vocoluc ti oy buch'u laj sa' yan sdiosique. Ja'uc le' une, mu xvinaj mi junuc macobbail, mi junuc lanza ta stojol ti cha'vinic ta mil (40,000) ti israeletique.

Jueces 8:33

Ta ts'acal to un, ti c'alal chamem xa ox ti Gedeone, jech ti israeletique lic xch'ac sbaic ta stojol ti Diose yo' jech lic snijan xchiman sbaic ta yich'el ta muc' ti ep ta tos sloc'obbailtac ti Baale. C'ot ta t'ujel yu'unic ta xrioxinel ti Baal-berite.