Jueces 2:11 - Bible in Tzotzil de Chamula

¹¹ Ti c'usitic lic yesilanic ta spasel ti israeletique, chopol laj yil ta sba ta sat ti Diose. Yu'un lic snijan xchiman sbaic ta yich'el ta muc' ti yalel toyol sloc'obbail ti Baale.

Bible in Tzotzil de Chenalhó with Deuterocanon

¹¹ Ts'acal to, li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac Baale.

Jueces 2:11 Iomraidhean Croise

Génesis 13:13

Ti bu taje, scotol ti jnaclejetic teye, chopol stalelic. Mu ts'icbaj ti mulil ta spasic ta sba ta sat ti Diose.

Génesis 38:7

Ja' no'ox un, ti Diose mu lecuc laj yil c'u s'elan stalel ti Ere. Ja' yu'un un, laj xtuch'be xcuxlej.

1 Reyes 11:5

Ti Salomone lic snijan xchiman sba ta yich'el ta muc' ti Astarte sdiosic ti sidonioetique, xchi'uc ti jsoquesej o'ntonal sloc'obbail Milcom ti ja' yajdiosic ti amonitaetique.

1 Reyes 18:18

—Ma'uc vu'un ta jsoquesbe yo'nton ti israeletique —xi laj stac' ti Eliase—, ja' ti vo'ot xchi'uc ti avinictac ta scoj ti mu xach'unbeic smantal ti Diose, ti laj abic'tajes abaic ta snijanel xchimanel abaic ta yich'el ta muc' ti ep ta tos sloc'obbailtac ti Baale.

1 Reyes 22:53

Ma'uc no'ox taje, lic sbic'tajes sba ta yich'el ta muc' ti Baale, ti lic smuyubta ta xi'tael ta stoyele. Jech laj spas ta vo'ne ti stote, ti laj sliquesbe sc'ac'al yo'nton ti Ajvalile, Dios yu'un ti Israele.

2 Crónicas 28:2

C'ajomal no'ox lic stam ta spasel jech c'u cha'al laj spas ti ajvaliletic yu'un Israele. Lic yunijesan taq'uinetic ti laj sloc'ta diosetic sventa sloc'obbail ti Baale.

2 Crónicas 28:3

Laj xchic' pom ta stenlejal yosilal Ben-hinom. C'ot ta pasel yu'un ti laj xchic' ta matanal ti xnich'nabe jech c'u cha'al ta spasic ti yan muc'tiquil jteclumetic ti tenbil loq'uic ta sba ta sat israeletic yu'un ti Diose.

2 Crónicas 33:6

Ma'uc no'ox taj une, laj yac' ta chiq'uel xnich'nab ta sventa matanal ta stenlejal yu'un Ben-himone. Lic xchan sc'oponel sti'inel ti ch'ulelale, ta xchanel sc'oplal ti jt'unvaneje, ta xchanel sc'oponel sti'inel ti pucuje. Laj yac' ye sti' ti ayanuc ti jt'unvanejetique, ti j'ac'-chameletique. Ech'em no'ox chopol ta j'ech'el ti c'usitic laj spas ta sba ta sat ti Diose, ti c'ot ta pasel ti lic ilinuc ti Dios yu'une.

Esdras 8:12

Ti Johanán xnich'on ti Hacatane c'otem ta banquilal yu'un ti jchop sts'unubal ti Azgade, ti chi'inbil loc' talel yu'un ti lajuneb svacvinic (110) ta vo' viniquetique.

Nehemías 9:26

“Ja'uc le' une, toyobba batic. Lic scontrainicot. Laj sbajic ti oy c'usi jbel tsots albil avu'une. Laj smilic ti avaj'alc'optac xtoque, ti c'alal jamal albatic ti oy c'usi chopol ta spasique, xchi'uc ti albatic ti suticuc talel ta atojole. Soc ajol yu'unic ta j'ech'el.

Salmos 78:56

Le' une, lic slajeltsaic ti Dios oy ta toyole; lic stoy sbaic ta stojol un. Mu xch'unbeic ti smantaltaque.

Jeremías 11:10

Yu'un jech laj xa sta smulic ec jech c'u cha'al laj spasic ti stot sme'ic ta vo'nee. Mi ja'uc laj xch'unic ta spasel ti c'usi ta jc'ane. C'ajomal no'ox laj sts'acliic yan diosetic, ti lic snijan xchiman sbaic ta yich'el ta muq'ue. Ti Israele xchi'uc ti Judae, co'ol c'ot ta soquel yu'unic ti jtrate ti jpasoj ta stojol ti stot sme'ic ta vo'nee.

Jeremías 16:11

Xi xatac'be une: ‘Ti Diose xi ta xal ta jamale: Ti jech taje, ti atot ame'ic ta vo'nee, laj yictaicun comel. Bat sts'acliic yan diosetic ta snijanel xchimanel sbaic ta yich'el ta muc'. Laj stenicun comel ti vu'une. Laj svalopatinic ti chanubtasel laj cac'beique.

Jeremías 2:20

“Le' xa talel ma' ti lic atoy abaic talel ta jtojole, ti mu xac'anic pasel ta mantal une. Xi laj avalbe abae: ‘laj c'op ma' ti ta xcac' jba ta tunel une.’ Ta scotol ti buyuc no'ox ti toyol vitsetique, ta yolon scotol ti limlim te'tique, lic avac' abaic ta stojol yan.

Jeremías 2:23

¿Mi xloc' no'ox ta alel avu'un ti xachi ta xaval une: ‘Laj to c'op un quere ma' ti jbonoj jba une, ti jnijanoj jchimanoj jba ta yich'el ta muc' ti diosetic ti mu'yuc c'usi xu' yu'unique’? A'yio ava'i c'u s'elan la'ech' talel ta stenlejaltic. Tuc'ulano avil scotol ti c'u s'elan laj apase, ti co'ol a'elan me' camello ti mu no'ox ta yocuc xbitet ta jujujote.

Jeremías 32:23

C'alal ochic talel ta jteclum li' une, laj yu'ninic un. Mu'yuc laj yaq'uicot ta venta. Mi ja'uc laj xch'unic ta spasel ti c'u s'elan laj atojobtase, mi ja'uc ti c'u s'elan laj avalbe ya'iique. Jech o xal un, laj atacbe talel ta stojol ti cuxul j'ilbajinvanej vocole.

Jeremías 9:14

Yu'un pucujibemic ti batem yo'nton xchi'uquic ta spasbel stoyel xi'el ti loc'tabil diosetic jech c'u cha'al ac'bat yilic comel yu'un ti stot sme'ique.

Números 25:3

Ti jech taj une, ic'bat yo'ntonic ta squejanel xchimanel sbaic ta yich'el ta muc' ti Baal-peore. Va'i un, ti Diose cap sjol ta stojol ti israeletique,

Deuteronomio 31:16

Va'i un, ti Diose xi laj yalbe ti Moisese: “Ti jech jutuc sc'an xc'ot yorail ta xachame, ti lum li'e, ta jech yepal ta xlic syanijes sbaic. Ta xich'ic ta muc' sdiosic ti jteclum ti bu ta xu'ninique. Va'i un, ta xlic yictaicun comel. Ta xlic soquesbeic sc'oplal ti jtrate ti laj jpas ta stojolique.

Deuteronomio 4:25

“Yu'un c'alal mi laj xa avilic ti ayan ti anich'nabique, ti amamubtaquique, ti laj to avilic ta aba ta asatic ti lamolibic ta jteclume, mu me xlic ajol ta sloc'tael c'usiuc no'ox loc'obbailetic ti ja' ta xata o amul ta stojol ti Ajvalil Dios avu'unique, ti yalel ta xaliquesbeic ti sc'ac'al yo'ntone.

Jueces 10:10

Va'i un, ja' o lic sc'anbeic coltael ti Diose, ti xi laj yalbeique: “Ch'ul Dios cu'uncutic, laj jsa' jmulcutic ta atojol. Laj xa jtenotcutic comel ta snijanel xchimanel jbacutic ta yich'el ta muc' ti jeche' diosetique.”

Jueces 10:6

Ja'uc ti israeletique lic spasic chopol ta sba ta sat ti Diose. Yu'un lic snijan xchiman sbaic ta yich'el ta muc' ti ep ta tos sloc'obbailtac ti Baale xchi'uc ti Astartee, jech c'u cha'al ti diosetic yu'unic ti Siriae, ti Sidone, ti Moabe, ti Amone, xchi'uc ti filisteoetique. Laj svalopatinic comel ti Diose. Mi ja'uc xa ta xich'ic ta muc'.

Jueces 13:1

Ja'uc ti israeletic une lic xcha'pasic chopol ta sba ta sat ti Diose. X'ech' cha'vinic (40) jabil sjalil aq'ueic comel ta yoc ta sc'ob filisteoetic yu'un Dios ti israeletique.

Jueces 3:12

ti israeletique lic no'ox spasic chopol yan velta ta sba ta sat ti Diose. Jech o xal ti Eglone, ajvalil yu'un ti moabitaetique, ac'bat yip yu'un Dios ti jelavem xu' yu'une, ti peq'uel c'ot ti israeletique.

Jueces 3:7

Ti c'usitic laj spasic ti israeletique, chopol laj yil ta sba ta sat ti Diose. Yu'un tenbil c'ot ta o'ntonal yu'unic. Lic yac'beic yipal ta yich'el ta muc' ti yalel toyol sloc'obbail ti Baale xchi'uc ti Astartee.

Jueces 4:1

Ts'acal to un, ti c'alal chamem xa ox ti Aode, jech ti israeletique lic xcha'pasic ti c'usi chopol ta sba ta sat ti Diose.

Jueces 6:1

Ja'uc ti israeletic une chopol lic spasic ta sba ta sat ti Diose. Yu'un vucub (7) jabil sjalil aq'ueic ta yoc ta sc'ob madianitaetic yu'un ti Diose.

Jueces 6:25

Ta yac'ubalil no'ox taje, xi albat yu'un Dios ti Gedeone: —Nito talel jcotuc tot vacax yu'un ti atote. Nito talel xtoc jcot tot vacax ti yich'oj vucub jabile. Jinesbo yaltar ti Baal ti ja' yu'un ti atote. Ja' jech xtoc, jipo yalel ta lum ti bisbil ta cuxul te' ti teq'uel ta sts'el yaltar ti Baale.

Jueces 8:33

Ta ts'acal to un, ti c'alal chamem xa ox ti Gedeone, jech ti israeletique lic xch'ac sbaic ta stojol ti Diose yo' jech lic snijan xchiman sbaic ta yich'el ta muc' ti ep ta tos sloc'obbailtac ti Baale. C'ot ta t'ujel yu'unic ta xrioxinel ti Baal-berite.

1 Samuel 12:10

Ja'uc le' une, lic ya'i sbaic ti staoj smulic ta stojol ti Dios ti jech laj xa svalopatinic comel ta scoj ti bat snijan xchiman sbaic ta yich'el ta muc' ti ep ta tos sloc'obbail ti Baale, xchi'uc ti Astartee. Jech xvocoletic liquel ti ac'o pojaticuc ti tsalbilic yu'un ti yajcontraique, xchi'uc ti laj yac' ye sti'ic ti c'ajomal no'ox ta snijan xchiman sbaic ta yich'el ta muc' stuc ti Diose.

1 Samuel 7:3

Taj une, ti Samuele xi laj yalbe ya'i ti israeletique: “Mi ta sjunul avo'ntonic ta xasutic talel ta stojol ti Diose, tsots sc'oplal ta xatenic loq'uel ti yan diosetique, xchi'uc sloc'obbail ti Astartee, ti ta xavac' abaic ta tunesel yu'un ti Diose. C'ajomal no'ox stuc ta xavaq'uic ta ich'el ta muc'. Va'i un, ti stuque ta spojoxuc loq'uel ta yoc ta sc'ob ti contrainbiloxuc yu'un ti filisteoetique.”

1 Samuel 7:4

Ti israeletic une lic stenic loq'uel ta stojolic ti ep ta tos sloc'obbailtac ti Baale xchi'uc ti Astartee. C'ajomal no'ox lic snijan xchiman sbaic ta yich'elic ta muc' ti Diose.