Jueces 2:10 - Bible in Tzotzil de Chamula

¹⁰ Chamic scotol xtoc ti israeletic ti buch'utic jmoj xanavic xchi'uc ti Josuee. Ja'uc ti buch'u jts'acal jch'iel jc'opojeletique, mi ja'uc xa ta staic ta na'el ti Diose. Mi ja'uc sna'beic sc'oplal ti yabtel ti laj stic' sba ta spojel ti israeletique.

Bible in Tzotzil de Chenalhó with Deuterocanon

¹⁰ Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.

Jueces 2:10 Iomraidhean Croise

Génesis 15:15

Yan ti vo'ote, ja' xa no'ox amalaoj ti lequil chamel ta xava'i mi lamolibe. Ja' yu'un un, ta xbat ata ti amolmuc'totac laj ech'uque.

Génesis 25:17

Ti Ismaele yich'oj xa vuclajuneb yucvinic (137) jabil c'alal chame. Bat xchi'in ti smolmuc'totaque.

Génesis 25:8

Mol xa cham, lequil chamel laj ya'i. Yu'un bat stsob sbaic xchi'uc ti smolmuc'totaque.

Génesis 49:33

C'alal laj yo'nton va'i s'elan laj yalbe xnich'nabtac ti Jacobe, laj smetsan sba un, cham.

2 Samuel 7:12

Mi sta yorail ti ts'ij xi sc'oplal ti ach'iel ac'opojele, ti xc'ot ta pasel ta xacham xalaje, ta jva'an junuc anitilultac ta aq'uexol ti jbel sc'oplal ta x'och ta ajvalil cu'une.

1 Crónicas 28:9

Ti vo'ot ec une, nich'on Salomón, c'otuc me ta Dios avu'un ti Dios yu'un ti atote. Ta sjunuluc avo'nton, tunan ta stojol. Oyuc slequil ti ajol avo'ntone, yu'un ti Diose chajal ta sba ta sat ti c'usi ta xich' pasele, ti c'u s'elan ti snopbenale. Jech ec mi ta xasa'e, jech ti stuque ta xac' sba iluc ta atojol. Mi ta xach'ac aba ta stojole, ta j'ech'el bajbil tenbil ta xac'ot yu'un.

Job 21:14

Xi ta xalbeic ti Diose: “¡Ch'an utuncutic, mu jc'an jch'uncutic ma' ti oy c'usi jbel tsots albil avu'une!

Éxodo 1:6

Ti Josee xchi'uc ti xchi'iltac ta voq'uel ti ja' sliqueb totil me'iletic taje, laj chamicuc scotolic.

Éxodo 1:8

Ta ts'acal to un, och jun ach' ajvalil ta Egipto, mu'yuc laj yojtiquin ti Josee. Ja' yu'un un, xi laj yalbe ti svinquilel sbaique:

Éxodo 5:2

C'u stu un, ti faraone xi laj staq'ue: —¿Buch'u ti Ajvalil taje yo' jech ta jch'unbe smantal ti xu' xcac' que ti xu' ta xloq'uic batel ti israeletique? Mu xcojtiquin ma' ti Ajvalil taje. Ja' jech xtoc mi ja'uc ta xcac' loc'uc batel ti israeletique.

Isaías 5:12

Xnic no'ox ti arpae, ti jchop o ta vobe, ti tampole, ti amae, ti yepal no'ox ta j'ech'el ti vino ti yacaloxuc ta ve'ele. Mi ja'uc xatoy asatic ta sq'uelel ti c'usi ta spas ti Diose; mi ja'uc xavaq'uic ta venta ti yabtele.

Jeremías 22:16

Laj stic' sba ta spojel ti c'usitic oy sc'oplal ta xtun yu'un ti buch'utic me'un mu'natetique, xchi'uc ti buch'utic ilbajinbilique, jech o xal lec c'ot ta loq'uel yu'un un. Taje, sbiinoj xiyojtiquinun, xi smelol. Ti vu'un Diosune, mu stselbuj ti jc'ope.

Jeremías 31:34

Yo' ta xlic yojtiquinicune, ma'uc xa ma' ti talel batel ta stojobtas sbaic ta jujun tal xchi'uc ti buch'u lec xil sbaique, xchi'uc ti yuts' yalal sbaique. Mu'yuc ta alel mi oy sbijilic mi mu'yuc sbijilic, scotolic ta xlic yojtiquinicun. J'ech'el ta jch'aybe ta co'nton ti xchopolalique. Mi ja'uc xa ta jvules ta jol ti smul scolo'ique. Ti vu'un Diosune, mu lo'iluc no'ox ta xcal.”

Jeremías 9:2

Oc no'ox la ta alel oyucun ta sbajtical banomil yo' xu' ta xinaquie, yo' nom ta xquicta comel ti jlumale. Yu'un scotolic mu'yuc stuq'uil ti yo'ntonique. Scotolic naca j'ac'vanejetic ta milel.

Jeremías 9:3

Yu'un chapalic ta ye ta sti'ic ti jutbil c'ope, jech c'u cha'al chapalic ta xach'el sni' syolobic ta yalcuale. Me'inem xa ma' ti jut c'op li' ta jteclume. Laj to sc'oplal ma' ti melel ta xalique. Soquel soquel sq'ueloj batel ma' ti bu stamojique. Xi ta xal stuc ti Diose: “Laj to sc'oplal ma' ti ta sc'an xiyojtiquinique.”

Jeremías 9:5

Laj sc'oplal ta yalel yu'unic ma' ti melele, jujunic ta slabanic ti yane, nopem xa'iic ta sjutel ti c'ope. Mu albajuc xchopolal ti c'usi ta spasique, mu'yuc xa c'usi xut sjel ti sjolilal yu'unique.

Números 27:13

Ts'acal to un, mi laj xa avil une, ta xacham. Yu'un ta chba atsob abaic xchi'uc ti amolmuc'totaque, xchi'uc ti achi'il ta voq'uel Aarone.

San Lucas 20:32

Ta slajeb un, cham ec ti antse.

Hechos 13:36

Melel un, ti Davide laj yac' sba ta tunel ta stojol ti xchi'iltac ti co'ol ech'ic ta banomile jech c'u cha'al albil yu'un ti Diose. Ta ts'acal to un, cham, bat xchi'in ti stot sme'e, c'a' ti sbec'tale.

Deuteronomio 31:16

Va'i un, ti Diose xi laj yalbe ti Moisese: “Ti jech jutuc sc'an xc'ot yorail ta xachame, ti lum li'e, ta jech yepal ta xlic syanijes sbaic. Ta xich'ic ta muc' sdiosic ti jteclum ti bu ta xu'ninique. Va'i un, ta xlic yictaicun comel. Ta xlic soquesbeic sc'oplal ti jtrate ti laj jpas ta stojolique.

2 Tesalonicenses 1:8

Ta xtal stsits ti buch'utic mu laj sbic'tajes sbaic ta stojol ti Diose, xchi'uc ti mu'yuc laj xch'unic ti lequil ach' c'op yu'un ti Cajvaltic Jesucristoe.

SUN TITO 1:16

Ta xalic ti xojtiquinic ti Diose. Ta scoj ti oy c'usi ta spasique, ta xvinaj ti mu meleluque. Yu'un xti'et sjolic, jbaj-mantaletic, mu xtojobic ta spasel mi jutebuc ti c'usi lec ta pasele.

Josué 24:31

C'alal jech cuxul to ox ti Josuee, ti israeletique yac'oj sbaic ta tunel ta stojol ti Diose, xchi'uc ti c'alal cuxulic to ox ti moletic ti buch'utic sna'ojic lec scotol ti c'usi laj spas ti Dios ta stojol ti israeletique.

1 Samuel 2:12

Ti xnich'nab ti Elie toj chopol ti stalelique. Mu ja'uc xaq'uic ta venta ti Diose.