Jueces 2:1 - Bible in Tzotzil de Chamula

¹ Ti yaj'ánjel Diose loc' batel ta Gilgal, bat ta Boquim, ti xi laj yalbe ya'iic ti israeletique: “Laj jloq'uesoxuc talel ta Egipto. Laj quic'oxuc talel ta banomil li'e, ti calojbe ono'ox ya'iic sc'oplal ti amolmuc'totic ti xichie: ‘Mu xch'ay ta be cu'un ti jtrate ti laj cac' ta atojolique.

Bible in Tzotzil de Chenalhó with Deuterocanon

¹ Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,

Jueces 2:1 Iomraidhean Croise

Génesis 12:7

Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

Génesis 16:13

Va'i un, xi laj snop ti Agare: “Ti Diose laj yilun laj sq'uelun, li' to cuxulun xtoque.” Ti Buch'u ilo'ilaj xchi'uque, laj yac'be sbiin “Ja' xa ti Dios yiloj sq'ueloj scotole”, xi.

Génesis 48:16

ti Ánjel buch'u laj spojun ta scotol ti c'usi chopole, ac'o sva'an sba ta stojol ti queremetic li'e. Ta sventa ti stuquique, c'otuc ta pasel ti na'bil ta xic'ote, ti na'bil c'otuc ti jmuc'totcutic Abrahame, xchi'uc ti jtot Isaaque. C'otuc ta pasel epajuc ti xnich'nabique, ti yepaluc voleticuc ta banomile.”

Salmos 89:3

Laj apas atrateic xchi'uc ti Davide, ti xachi laj avalbe sc'oplal ti avajtunel t'ujbil avu'une:

Salmos 89:34

Mu jch'aybe sc'oplal ti jtratee, mu stselbuj cu'un ti jc'ope.

Éxodo 14:14

Ti vo'oxuque, ts'ijlanic no'ox, mu xatsiq'ues avo'ntonic. Yu'un ja' ta xletovaj ta aventaic ti Diose.

Éxodo 14:19

Ti yaj'ánjel Diose xchi'uc ti voletel toc ti jba'be batel yu'unic ti israeletique, ta ora no'ox sut batel ta spatic.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 23:20

“A'yio ava'iic, ta jtac jelavel caj'ánjel ta atojol yo' jech ta xchabiot ta be. Ta xic'ot batel ti bu chapal cu'un ti ta xac'ote.

Éxodo 33:14

Xi laj yal ti Diose: —Vu'un ta jchi'inot batel. Ta xacux avo'nton cu'un.

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Jeremías 14:21

Ta sventauc ti alequilal avutsilal une, mu xajip xatenuncutic un. Mu xaq'uel no'ox ti jteclum ti c'otem ta yutsil ta apasob mantale. Vuleso ta ajol ti atrate laj apas ta jtojolcutique, c'otuc ta pasel un.

Levítico 26:42

Va'i unbi, ta jvules ta jol ti jtrate ti laj jpas xchi'uc ti Jacobe, xchi'uc ti Isaaque, xchi'uc ti Abrahame. Jech xtoc ta jvules ta co'nton ti banomile

Levítico 26:44

“Ac'o mi jech laj apasic ti va'i s'elan taj une, manchuc mi oyoxuc ta slumal ti avajcontraique, mu'yuc ta xajbajoxuc. Mi ja'uc ta xajtenoxuc. Mi ja'uc ta jtsutses ac'oplalic. Mi ja'uc ta jch'ay ta co'nton ti jtrate ti laj jpas xchi'uc ti amolmuc'totic ta vo'nee. Yu'un vu'un ti Ajvalil Diosun avu'unique.

Zacarías 11:10

Laj jtsac ti jnamte' ti sbiinoj “Jc'uxubinvaneje”. Laj jc'as ti ja' svinajeb ti mu'yuc xa stu c'ot ti trate ti laj spas ti Dios ta stojol scotol ti muc'tiquil lumetique.

Malaquías 3:1

Ti Dios ti scotol xu' yu'une xi ta xale: “Ta jtac jelavel talel ti caj'al-mantal j'ich'-c'ope yo' jech ta xchapanbun ti jbee. Ti Dios taje, ja' ti Buch'u yacal ta xasa'ilanique. Mu xa jaluc sc'an ti ta x'och ta xch'ulnae. Ta xvul xa ta loq'uel ti j'al-mantal j'ich-c'op yu'un ti trate ti oy ta avo'ntonic amalaojique.”

Números 14:34

Yu'un ti cha'vinic c'ac'al sjalil laj amucul chajic ta q'uelel ti lume, xi s'elan ta xc'ot ta atojolic ti tsitsel cu'une. Yu'un ti cha'vinic c'ac'ale, ta spas jujun jabil, ja' jech xana'ic ti mu lecuc ti ja' no'ox ta xacontrainicune.

Deuteronomio 1:8

Yu'un laj xa cac'boxuc ta avoc ta ac'obic ti muc' ta lume. Batanic, u'ninic ti banomil une. Ti vu'un Diosune laj ono'ox jva'an jba ta yalel ti ta xcac'beic ti amolmuc'totic ti laj ech'icuc ta vo'nee xchi'uc ti snitilultaque, ja' sc'oplal ti Abrahame, ti Isaaque, xchi'uc ti Jacobe.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

Deuteronomio 7:9

Ja' yu'un un cha'e, t'abuc lec ta avo'ntonic ti Dios ti ja' Ajvalil avu'unique, ja' ti bats'i Dios ti jbel sc'oplal ta xc'ot ta pasel yu'un ti strate ta stojol ti jaylajun-chop totil me'il chlaj ech'icuque, ta sventa ti buch'utic mu tuch'baj ta o'ntonal ta xa'iique, xchi'uc ti ta xch'unbat ti smantaltaque.

Josué 3:10

Ja' jech senyail ti chi'inbiloxuc yu'un ti cuxul Diose: Ti c'alal xavoletic ech'el ta xanobale, ti stuque smeset no'ox ech'el ta tsutsesel yu'un ti cananeoetique, ti hititaetique, ti heveoetique, ti ferezeoetique, ti gergeseoetique, ti amorreoetique, xchi'uc ti jebuseoetique.

Jueces 11:24

Ti c'usi ta xac'bot ti Quemos ti ja' dios avu'une, ta xava'i ti c'ot xa arextoe, ¿mi mu jechuc un? Ja' jech ti vu'uncutique, c'ot ta jrextocutic ta xca'icutic ti laj yac'buncutic ti Diose.

Jueces 13:2

Oy jun vinic sbiinoj Manoa ti ja' snitilul ti Dan ti oy ta Zorae. Ti yajnile, ja' jun machero ants, ti mu ja'uc oy yalab ta j'ech'ele.

Jueces 13:3

Ja'uc ti yaj'ánjel Diose xi laj yalbe ti c'alal laj yac' sba iluc ta stojole: “Ti vo'ote mu'yuc aviloj o alajel ta j'ech'el. Avi tana li' une, ta xlic achi'in avol, ti ja' jun querem ta xavile.

Jueces 2:5

Jech o xal ti bu taje, laj yac'beic sbiin Boquim. Lic yaq'uic matanal ta stojol ti Diose.

Jueces 6:8

tacbatic talel jun j'alc'op ti xi albatic yu'une: “Xi ta xal ti Ajvalil Dios yu'un ti Israele: ‘Laj jloq'uesoxuc talel ta Egipto ti bu to ox tiq'uiloxuc ta mosovile.