Jueces 19:5 - Bible in Tzotzil de Chamula

⁵ Ta sacubel osil ta xchanibal c'ac'ale, sob xa liquic yo' ta stam batel sbeic. C'alal ta xa xloq'uic batele, stot ti tsebe xi laj yalbe ti sni'e: —Ve'an batel, ac'o mi c'ajomal jutebuc uni pan ti c'alal mu to ta xaloc' batele yo' oy lec yipal avu'un.

Bible in Tzotzil de Chenalhó with Deuterocanon

⁵ Ta xchanibal c'ac'al sob iliquic yu'un chbatic xa. C'alal ta xa'ox xbatique, li stot tsebe jech laj yalbe li sni'e: —Ve'an batel jutuc pan, yu'un jech mu xavi'naj batel —xut.

Jueces 19:5 Iomraidhean Croise

Génesis 18:5

Ti jech la'ech'ic ta sna ti avajtunele, xba quich'boxuc talel jutebuc ave'elic yo' jech mu xalubtsajic ta be ti bu ta xabatique. —Jechuc, lec oy —xi laj staq'uique.

1 Reyes 13:7

Ti j'alc'ope xi albat yu'un ti ajvalile: —Batic ta jna yo' jech ta xcac'bot jutebuc ave'el, ti ta xcac'bot junuc amotone.

Salmos 104:15

X'ech' to c'u cha'al aceite xch'ulet no'ox xchacjapanil sat ti oy yipal yu'un ti lec sve'ele, ti ts'ajal no'ox ta muyubajel yu'un ti vinoe.

San Juan 4:34

Xi laj yal ti Jesuse: —Ti jve'el ta jtun ta jlajese, ja' ti ta jpas ti c'usi oy ta yo'nton ti Buch'u laj stacun talele, ti c'otuc ta tsutsel cu'un ti yabtele.

Hechos 9:19

Laj taj une, lic ve'uc, stsac yip ti sbec'tale. Com jun chib c'ac'al ta stojol ti jch'unolajeletic ti nacalic ta jteclum Damascoe.

Jueces 19:4

Xmuyubaj xa ti totile laj yic' ochel ta yut sna. Laj yalbe ya'i ti xu' ta xcom ta stojolique. Jech ti levita xchi'uc ti smosove comic oxib c'ac'al ta sna stot ti yajnile, ti lic ve'icuc uch'ubajicuque, ti x'ech' xjelav no'ox yu'unic ta xa'iic ti ac'ubale.

Jueces 19:8

Ta yo'obal xa c'ac'al un, sob xa lic ti levitae yo' ta stam batel ti sbee. Yan to velta xtoc, stot ti tsebe laj sc'anbe vocol ti ac'o ve'uc batel jutebuc ti c'alal mu to xloc' batele yo' jech noj lec xch'ut. Tey lic ve'icuc ti jech yich'oj o mal c'ac'al yu'unique.

1 Samuel 30:12

Laj yac'beic cha'xet' pan ti meltsanbil ta icuxe, xchi'uc cha'bej pan ti meltsanbil ta taquintasbil uvae. C'alal laj xa ox sve' ti egipcio vinique, lic tsatsubuc, yu'un yoxibal xa c'ac'al, yoxibal ac'ubal ti mu'yuc ve'eme, ti mu'yuc c'usi yuch'oj jutebuque.