Jueces 19:4 - Bible in Tzotzil de Chamula

⁴ Xmuyubaj xa ti totile laj yic' ochel ta yut sna. Laj yalbe ya'i ti xu' ta xcom ta stojolique. Jech ti levita xchi'uc ti smosove comic oxib c'ac'al ta sna stot ti yajnile, ti lic ve'icuc uch'ubajicuque, ti x'ech' xjelav no'ox yu'unic ta xa'iic ti ac'ubale.

Bible in Tzotzil de Chenalhó with Deuterocanon

⁴ Jech li totile xcuxet no'ox yo'nton laj yic' ec li sni' c'alal laj yile; laj yalbe ti te ac'o comuque. Li leví vinic xchi'uc smozoe oxib c'ac'al te icomic ta sna stot li tsebe. Te ive'ic, laj yuch'ic vo'; te ivayic.

Jueces 19:4 Iomraidhean Croise

Génesis 24:55

Jech ti xchi'il ta voq'uele xchi'uc sme' ti Rebecae, xi laj yalique: —Ac'o to comuc lajunebuc c'ac'al ti tsebe. Ts'acal to un, xu' xaviq'uic batel.

Génesis 25:6

Ja'uc xnich'nabtac ti Abraham ta sventa ti yan ants yu'une, ja' no'ox laj sq'uelanbe smotontac. C'alal cuxul to ox ti Abrahame, laj xch'ac loq'uel ti xnich'nabtac ta stojol ti Isaaque. Yu'un laj stacanan batel ta osil ti oy ta sloq'ueb c'ac'ale.

Jueces 19:3

jech ti levitae bat sa' ta slajesbel yo'nton yo' jech ta xcha'ic' sbaic yan velta. Laj yic' batel jun smosov xchi'uc cha'cot sburro. Ich'bil ta muc' c'ot ti vinic yu'un ti ants ta sna ti stote.

Jueces 19:5

Ta sacubel osil ta xchanibal c'ac'ale, sob xa liquic yo' ta stam batel sbeic. C'alal ta xa xloq'uic batele, stot ti tsebe xi laj yalbe ti sni'e: —Ve'an batel, ac'o mi c'ajomal jutebuc uni pan ti c'alal mu to ta xaloc' batele yo' oy lec yipal avu'un.