Jueces 19:16 - Bible in Tzotzil de Chamula

¹⁶ Ac'ubaltic xa un, ech' jun mol ti sut talel ta yabtel ta yosile. Ti mol taje, co'ol s'elan junuc jcotcovil ti nacal ta vitstic ti oy ta yosilal ti Efraine. Yu'un ti jnaclejetic ti oy ta Gabaae, ja' snitilultac ti Benjamine.

Bible in Tzotzil de Chenalhó with Deuterocanon

¹⁶ Ts'acal te ijelov jun mol, yu'un ic' xa isut batel ta yabtel. Li mole te liquem tal ta vitsetic yu'un Efraín. Jch'om osil no'ox c'otem ti te nacale. Yu'un li yajvaltac Gabaae ja' yalab xnich'nab Benjamín.

Jueces 19:16 Iomraidhean Croise

Génesis 3:19

Ta achic', ta ava'lel, ta xata ti ave'ele ja' to ti mi lajoybij ta lum ta ach'el ti laj avich' meltsanele. Yu'un ta banomil lalic talel. Ta banomil ono'ox ta xajoybij batel.

Salmos 104:23

Va'i un, ti vinic une ta xloc' batel ta yabtel, ta yic'ubel to osil ta sut talel ta yabtel.

Salmos 128:2

Lec ta x'ech' ta ave ta ati' ti alubel achamele; mu'yuc c'usi xana' ta x'ech' avu'un ti jujun c'ac'ale.

Proverbios 13:11

Ti c'ulejal ti ma'uc ta lubel chamel laj yich' taele, ta jech yepal ta xch'ay, ja'uc ti buch'u ta jujuti' ta stsobe, yacal ta epajel batel yu'un.

Proverbios 14:23

Scotol ti c'usi ac'bil yipal ta sa'ele, xloc' venta; mi naca vulvunel ta x'ech'e, mu sal me'unal xal.

Proverbios 24:27

Xu' xaliques ta smeltsanel ana mi stsacoj xa lec yip ti abolomale, mi oy xa c'usi x'ayan avu'un ta avosile.

Eclesiastés 1:13

Lic jsa'ilan ta st'unel ta sjunul jbijil scotol ti c'usitic ta xich' pasel li' ta banomile. Ti buch'uuc no'oxe, muc'ul icatsil ac'bat sbainic yu'un Dios yo' ta sbic'tajes sbaic ta stojol un.

Eclesiastés 5:12

Ti buch'u ta xpich' yoc sc'ob ta abtele, mi sta no'ox ta lajesele, sjunul yo'nton ta xvay lec. Ja'uc ti jc'ulej une, mu x'aq'ue vayuc ta vul o'nton yu'un ti sc'ulejale.

Oseas 9:9

Ta j'ech'el laj asoques abaic jech c'u cha'al c'ot ta pasel ti ta jteclum Gabaae. Jech o xal un, ti Diose ta svules ta yo'nton scotol ti achopolalique. Ta stsitsoxuc ta scoj ti amul acolo'ique.

Efesios 4:28

Ti buch'u ch-elc'aje, ac'o yicta ti eleq'ue, ac'o abtejuc yo' jech ta yabtel stuc xu' ta scolta ti buch'utic abol sbaique.

2 Tesalonicenses 3:10

C'alal oyuncutic to ox ta atojolique, xi s'elan laj calcutic ava'iic ti mantale: “Ti buch'u mu sc'an x'abteje, c'u ono'ox xi ta xve'.”

Jueces 19:1

Ti yorail ta vo'ne taje, ti c'alal ch'abal ajvalil yu'un ti Israele, ta vitstic ti oy ta yosilal ti Efraine, oy jun levita vinic ti nom to nacal ti stuque. Laj yic' yan ants ti nacal ta Belén ti oy ta Judae.

Jueces 19:14

Ja' yu'un un, laj stam batel sbeic. C'alal xch'ayet xa ti c'ac'ale, c'otic ta Gabaa, steclumal snitilul ti Benjamine.

Jueces 19:15

Laj sq'uejbun sbaic ta be, ochic batel ta Gabaa yo' jech ta x'ech' yu'unic ti ac'ubale. Ti levitae bat chotluc ta chotlebal ta yamaq'uil ti jteclume, yu'un mu'yuc buch'u ta xac' ta ch'om ti snaic yo' ta xcux ti yo'ntonique.

Jueces 19:17

C'alal laj yil ti chotol ta yamaq'uil ti jteclum jun j'ech'el-bee, ti mole xi laj sjac'bee: —¿Bu lalic talel? ¿Bu ta xabat?