Jueces 19:12 - Bible in Tzotzil de Chamula

¹² —Mu stac' xijbat ta junuc jteclum mi ma'uc ti israeletic teye. Ja' lec batic ta Gabaa.

Bible in Tzotzil de Chenalhó with Deuterocanon

¹² Itac'ov li leví vinique: —Mu xu' li' chijcomutic ta slumalic li boch'otic muc ja'uc israeletique. Batic c'alal ta Gabaa.

Jueces 19:12 Iomraidhean Croise

Isaías 10:29

Laj xa xtuch'ic jelavel talel ti ach'eltic ta spul-pulil banomile. Ta xvul slaman sbaic ti sbiinoj Guebae. Bat xa xch'ulelic ta xi'el ti jnaclejetic ta Ramae. Xbitetic xa ta jatobal ti jnaclejetic ta lum Guibeá yu'un ti Saule.

Oseas 5:8

Ti ta jteclum Guibeae, oq'uisanic ti cachu ti ta xac' ta na'el ti ac'-letoe. Tutetuc ti oq'ues ta jteclum Ramae. Pucbeic batel sc'oplal c'alal to Bet-aven. Ac'beic ya'i xi'el ti Benjamine.

Oseas 9:9

Ta j'ech'el laj asoques abaic jech c'u cha'al c'ot ta pasel ti ta jteclum Gabaae. Jech o xal un, ti Diose ta svules ta yo'nton scotol ti achopolalique. Ta stsitsoxuc ta scoj ti amul acolo'ique.

Josué 18:25

Laj yu'ninic xtoc ti Gabaone, ti Ramae, ti Beerote, ti Mizpae, ti Cafirae, ti Mozahe, ti Requeme, ti Irpeele, ti Taralae, ti Zelae, ti Élefe, ti Jebuse (ti Jerusalén xcaltique), ti Gabaae, xchi'uc ti Quiriate. Ja' chanlajuneb (14) jteclumetic xchi'uc ti bic'tal lumetic ti joyol ta spat ta xocontaque. Taje, ja' me ti sbanomilic laj yich'ic ta jujuchop yu'un ti jvoc' snitilultac ti Benjamine.

Jueces 19:11

ti mosovile xi laj yalbe ti levitae: —¿Mi lec van xava'i ti li' ta x'ech' cu'untic ac'ubal ta steclumalic ti jebuseoetique? Xi laj stac' ti levitae:

Jueces 19:13

Ja' lec cac'betic ech'el yipal yo' ta x'ech' cu'untic ac'ubal ta Gabaa, mi mo'oje, ta Ramá.

1 Samuel 10:26

Ti Saúl eque bat ta sna ti oy ta Gabaae. Oy jayibuc tsatsal viniquetic tijbat yo'ntonic yu'un ti Diose yo' jech ta xchi'inic ta xanobal ti Saule.

1 Samuel 13:2

lic st'uj oxmil (3,000) soldadoetic ta stojol ti israeletique. Cha'mil (2,000) com xchi'uc ta Micmas ta vitstic yu'un ti Betele. Ti jmile (1,000) com xchi'uc ti Jonatán ta Gabaa ti ja' yu'un ti Benjamine. Ja'uc ti c'u yepal come, albatic yu'un ti Saule ti ac'o suticuc batel ta snaique.