Jueces 18:10 - Bible in Tzotzil de Chamula

¹⁰ C'alal mi lijc'ototic ti bu taje, taj jtatic jnaclejetic ti mu'yuc xi'el ta xa'iique, ti ep yosil sbanomilique, ti mi ja'uc jutebuc ti mu'yuc ta ye ta sti'ique. Ta xac' ta avoc ta ac'obic Dios ti c'usi ja' yu'unique.

Bible in Tzotzil de Chenalhó with Deuterocanon

¹⁰ C'alal me lijc'ot tee, li cristianoetique jun yo'ntonic ta jtatic; mu'yuc c'usi sc'an cha'yic, yu'un staoj ep yosilic. Ja' te chijyac'butic jlumaltic li Diose —xiic.

Jueces 18:10 Iomraidhean Croise

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Ezequiel 20:6

Ti jech c'ac'al taje, laj jva'an jba ta yalbel ya'iic ti ta jloq'uesic balel ta Egiptoe, ta yiq'uelic ech'el ta jun muc' ta lum ti laj jsa'ilan bu co'ol s'elan vo' ta xbein ti chu' vacaxe, ti ajapome, ¡ti stuc xa no'ox muc' ta lum c'upil sba ta scotole!

Deuteronomio 2:29

jech c'u cha'al yac'oj ye sti' ta xi'ech'cutic snitilultac ti Esaú ti nacalic ta Seire, xchi'uc ti yac'oj ye sti' ta xi'ech'cutic ti moabitaetic ti nacalic ta Are. Ja' jech ta jc'ancutic ja' to ti c'uxi ta xi'ech' jtuch'cutic ti yuc'umal Jordane yo' jech ta xic'otcutic ta jteclum ti bu ta xiyac'buncutic ti Ajvalil Dios cu'uncutique.’

Deuteronomio 4:1

“Avi tana li'e, israeletic, a'yio ava'iic, ts'etano ani' achiquinic yu'un ti oy c'usitic jbel tsots albile, xchi'uc ti c'usitic nopbil ti laj xa jchanubtasoxuque. C'otuc ta spasel avu'unic yo' jech ta xach'i xac'opojic ta yu'ninel ti lum ta xac'boxuc ti Ajvalil Dios yu'unic ti amolmuc'totic ti laj ech'icuc ta vo'nee.

1 Timoteo 6:17

Ti buch'utic oy sc'ulejalic li' ta sba banomile, albo ya'iic ti mu stoy sbaic xchi'uque, ti ma'ucuc spat yo'ntonic xchi'uc ti sc'ulejalique, yu'un ti c'ulejale, ta jech yepal xu' ta xlaj sc'oplal. Ac'o spat yo'ntonic ta stojol ti Dios ti stalel cuxule, ti oy ta yoc ta sc'ob ta yac'belotic scotol ti c'usi ta xtun cu'untique yo' lec oyotic.

Josué 2:23

Ja'uc ti cha'vo' jpa'ivanej jq'uel-osiletique yalic talel ta vitstic yo' ta x'ech' xtuch'ic ti uc'ume, c'otic ti bu oy ti Josuee. C'ot yalic scotol ti c'u s'elan c'ot ta stojolique.

Josué 2:24

Xi laj yalique: “Ti Diose laj xa yac' ta coc ta jc'obtic scotol ti banomile. Yu'un scotol ti jnaclejetic yu'une batem xa xch'ulelic ta xi'el ta j'ech'el.”

Josué 6:16

C'alal laj yoq'uisanic ta yucubal velta ti yoq'uesic ti paleetique, ti Josuee xi laj yalbe mantal ti jteclume: “¡Avananic! yu'un ti Diose laj xa yac' ta avoc ta ac'obic ti jteclume.

Jueces 18:11

Vaquib ciento (600) ta vo' viniquetic snitilultac ti Dane, chapal lec xchi'uc yabtejebic, loq'uic batel ta o'lol yu'un Zora xchi'uc ti Estaole.

Jueces 18:27

Ti c'usitic meltsanbil yu'un ti Micaía xchi'uc ti yajpalee, c'otic ta Lais. Ti bu taje, ti jnaclejetique mu'yuc c'usi sna'ic ti nacalique. Scotolic milatic ta espada yu'un ti danitaetique. Laj stsanbeic sc'ac'al ti jteclume.

Jueces 18:7

Ti bu taje, loq'uic batel ti vo'ob jpa'ivanejetic ti batic c'alal to ta Laise. Ti jnaclejetic ta jteclum taje, mu'yuc c'usi xal yo'ntonic ta naclej, ja' ti xchanojbeic stalel ti sidonioetique, ti jun yo'ntonic nacalique. Mu'yuc buch'u x'ilbajinatic yu'unic ta j'ech'el, mi ja'uc ti mu'yuc ta ye ta sti'ique. Yu'un nom to xilic ti sidonioetique, ja' ti slecoj svoc'oj sbaique.

Jueces 18:9

—Laj jxanicutic sbejel ti banomil taje. Toj jun yutsil ti osil banomil ta j'ech'ele. ¡Jchapan jbatic! ¡Ba jtsactic ta leto ya'iic! ¡Mu teyuc no'ox ameyoj avoc ac'obic ta chotlej! ¡Ba cu'nintic ti banomil taje!