Jueces 17:5 - Bible in Tzotzil de Chamula

⁵ Ti bu sna ti Micaíase, chapal lec ti bu xlic xcaj ti nijanob chimanobbaile. Laj yac' ta meltsanel luchbil jayal saquil c'u'il, xchi'uc yajdiostac. Lic sva'an ta pale jun ta scotol ti xnich'nabe.

Bible in Tzotzil de Chenalhó with Deuterocanon

⁵ Li Micaiae oy sna yo' bu chich' ta muc' li sdiostaque, xchi'uc la spas jlic mocan c'u'il sventa pale xchi'uc diosetic sventa yajnil xnich'nab. Xchi'uc la st'uj jun xnich'on; laj yac'be yabtel ta paleal.

Jueces 17:5 Iomraidhean Croise

Jueces 18:14

Va'i un, ti vo'ob jpa'ivanejetic ti laj xchajic ta xaniel ti banomil ta Laise, xi laj yalbeic ti xchi'ilique: —Oy jtos ma' ti mu xana'ic une. Ta na li'e, oy jlic luchbil jayal saquil c'u'il xchi'uc yan diosetic. Oy xtoc jun loc'obbail dios ti bonbil ta plata taq'uine. ¿C'usi stac' xapasbeic un?

Jueces 8:27

Ta sventa ti oro taje, ti Gedeone laj yac'be o ta xnichimal ti jayal saquil c'u'il ti laj yac' ta meltsanele, ti lic yac' ta Ofra ta slumal stuque. Lic yanijuc yo'ntonic scotol israeletic ta stojol Dios ta scoj ti laj yich' nichimtasel ti jayal saquil c'u'ile. Lic joybijuc ta spets'al ti Gedeón xchi'uc ti yalab xnich'nabe.

Génesis 31:19

C'alal ja' o loq'uem batel ta sloc'bel stsotsil xchij ti Labane, jech ti Raquele ja' o lic yelc'anbe sdiostac ti stote.

Jueces 18:24

Xi tac'batic yu'un ti Micaíae: —Laj avich'beicun talel ti dios ti laj cac' ta meltsanele. Avic'ojbeicun talel ti cajpalee. Mu'yuc c'usi laj avictabeicun comele, ti cajal to aveic ta xajac'beicun c'usi laj apas xachiique.

Génesis 31:30

Yu'un ti jech juteb ta avo'nton ta xasut ava'i ta yosil ti atote, jech o xal labat ono'ox ava'uc un. Ja' no'ox un, ¿c'u cha'al laj avelc'an talel ti jdiostaque?

Oseas 3:4

Yu'un jal ta xc'ot ta pasel ta stojol ti israeletique ti mu'yuc ajvalil yu'unique, ti mu'yuc junuc banquilal yu'unique, ti mu'yuc ta yaq'uel ti milbil matanaletique, ti mu'yuc ts'uiltasbil tonetique, ti mu'yuc c'u'iletic yu'un ti paleetique, ti mi ja'uc oy ti loc'tabil diosetic yu'unic ta jujun naetique.

Éxodo 29:9

Jech ti Aarone xchi'uc ti stuquique, tsinbo lec ti xchuquique. Ac'bo xtoc ti sts'ot sjolique. Ti jech taje, ta xavac'be yich' tsots yabtelic, yu'un ti abtelal ta paleale, j'ech'el mu xtub yu'unic sc'oplal.

Éxodo 28:15

“Ti uile xchi'uc ti c'usitic jtunel ta sventa ti chapanele, ja' jech ta xameltsan jech c'u cha'al ti jayal luchbil saquil c'u'ile. Ti xcaltique, ja' ti luchbil lec ta c'abale, ti meltsanbil ta oroe, ti ta ic'-ic' losantic sba tsajal poq'ue, ti ta yax'elan yaxal poq'ue, ti ta tsajal poq'ue, xchi'uc ti ta saquil poc' ti polajtic sts'otbenale.

Hebreos 5:4

Yu'un mu'yuc buch'u junucal ta smantal no'ox stuc ta x'och ta banquilal pale, ic'bil t'ujbil yu'un ti Diose yo' ich'bil ta muc' ta xc'ot xchi'uc ti yabtele jech c'u cha'al ti Aarone.

Oseas 8:14

“Ti Israele ta xlic smeltsan muc'tiquil naetic ti tsots stunele. Ja' no'ox un, ta j'ech'el mu xa sta ta na'el ti Buch'u ac'bun ti xch'ulel yanimae. Ti Judae ta xlic sva'anan epal pojobbail jteclumetic. Ja' no'ox un, ta xc'ot ta pasel ti ta xlic jumbe ti sc'ac'ale, ti ta xtub sc'oplal ti naetic ti tsots stunele.”

Esdras 1:7

Ti ajvalil Ciro eque lic yac' ta c'abal ti c'usitic jtunel laj yich' tael ta xch'ulna Dios ti laj spoj loq'uel ta Jerusalén ti Nabucodonosor ti bat yac' ta xch'ulna ti sdiostaque.

1 Reyes 12:31

Lic sva'anan xch'ul natac loc'obbail diosetic, ti lic sva'anan ta paleetic ta jteclum ti ma'uc levitaetique.

1 Samuel 23:6

C'alal jech syaquil taje, ti Abiatare, xnich'on ti Ahimeleque, jatav loq'uel ti oy ta yo'nton xbat svol sba xchi'uc ti David ta jteclum Keilae. Yich'oj batel ti jayal saquil luchbil c'u'ile.

Éxodo 28:4

Ti c'u'iletic ti sc'an ta xich' meltsanele, xi s'elane: Ti uile, ti jayal saquil c'u'ile, ti mochibal poq'ue, ti luchbil loin c'u'ile, ti saquil poc' ts'otobil jolale, xchi'uc ti chuquile. Ja' jech ta xich' chapanel c'u'il sventa tunel yu'un ti achi'il ta voq'uel Aarone, xchi'uc ti xnich'nabe, yo' jech ta x'abtejic ta tunel ta cajpaletac.

Éxodo 24:5

Laj taj une, laj yalbe mantal jun chibuc querem israeletic ti ac'o smilic tot vacaxetic ti ta xac'beic ta smoton ti Diose, ti ta xchiq'uic ta sventa ti lajesobil o'ntonale.

Números 3:10

Va'i un, ac'bo comel ta yoc ta sc'ob yabtel ta paleal ti Aarone xchi'uc ti xnich'nabe. Mi oy buch'u ta stic' sba ta abtel ta paleal ti c'alal ma'uque, chapal sc'oplal ta xich' milel.”

Jueces 17:4

C'alal laj xa yac'be sutel taq'uin sme' ti Micaiae, jech ti me'ile bat yac' lajunvinic (200) ta sep plata taq'uin ta stojol jun j'unijesej-taq'uin yo' ta smeltsan ta loc'tael jun loc'obbail dios ti bonbil ta plata taq'uine. Ti mi laj une, ta xbat yac' ta sna Micaías ti mi meltsaj xae.

Jueces 18:30

Ti danitaetique lic sva'anic ti loc'obbail diose yo' jech ta snijan sbaic ta yich'el ta muc'. Ti pale yu'unique, ja' ti Jonatán sbie, xnich'on ti Gersone, smom ti Moisese. Ts'acal to un, snitilultac ti Jonatane ochic ta paleal yu'un ti danitaetique, ja' to ti c'uxi xujbil loq'uique.

Isaías 44:13

Jq'ueltic avilic xtoc, xi s'elan ta spas ti jloc'taej loc'obbaile: Ta xlic sbis ta sbisobil. Ta stunes lapis xchi'uc yac'obil senyail ti bu ta x'ech' ti c'u s'elan sta o ta xch'ojan loq'uele. Ts'acal to un, ta xlic xch'ojilan ta sjulubil. Ja' jech ta xc'ataj ta jun loc'obbail yu'un ti ts'acal lec yoc sc'ob ta q'uelel yilele, co'ol xa s'elan jun jve'el j'uch'-vo' yilel, ti chotol xa liquel ta ch'ulna yu'un une.

Ezequiel 21:21

Ti ajvalil yu'un ti Babiloniae va'al xa bu ta xch'ac sba ti chib bee. Xi ta sjac'olan ti yorail yu'une: Sjimolan xa ti sni' syolobtaque. Sjac' xa sba ta stojol ti diosetic yu'une. St'unilan xa ta sventa secub ti chon bolometique.

1 Samuel 19:13

Laj taj une, laj spet talel jun loc'obbail ti Micale ti laj yac' ta ba teme. Laj yac'be jalbil tsotsil tentsun ta xoncol. Laj slambe jlic poc' ta sba.

1 Reyes 12:32

Ma'uc no'ox taje, ta yo'lajunebal (15) sc'ac'alil yu'un ti xvaxaquibal (8) ue, lic sliques jun q'uin sventa sq'uinal ti loc'obbail diose jech c'u cha'al ta xich' pasel q'uin ta jteclum Judae. Ja' stuc ti ajvalile laj yac' chic'bil matanal ta altar. Taje, jech laj spas ta Betel ti laj yac'be matanal ti loc'obbail dios ti laj yac' ta meltsanele. Xchi'uc xtoc laj sva'anan ti paleetic ta sventa xch'ul natac ti loc'obbail diosetique.

Ezequiel 21:26

Xi ta xcalbot ti vu'un Ajvalilune: Ta sjipic loq'uel ti sts'ot ajole. Ta stsatsal pojic ti sronail ajole. Jech c'u cha'al ta ba'yele, ts'ij xi c'op un. ¡Ti buch'u peq'uel sc'oplale, cajal ta xc'ot! ¡Ti buch'u cajal sc'oplale, peq'uel ta xc'ot!