Jueces 17:4 - Bible in Tzotzil de Chamula

⁴ C'alal laj xa yac'be sutel taq'uin sme' ti Micaiae, jech ti me'ile bat yac' lajunvinic (200) ta sep plata taq'uin ta stojol jun j'unijesej-taq'uin yo' ta smeltsan ta loc'tael jun loc'obbail dios ti bonbil ta plata taq'uine. Ti mi laj une, ta xbat yac' ta sna Micaías ti mi meltsaj xae.

Bible in Tzotzil de Chenalhó with Deuterocanon

⁴ C'alal laj xa sutesbe staq'uin sme' li Micaiae, li me'ile bat yac'be chib ciento (200) ta sep saquil taq'uin li boch'o sna' smeltsanel c'usiticuc ta saquil taq'uine. Laj yalbe ti ac'o spas jun dios ti lec bisbil smuc'ule, xchi'uc ac'o xpix ta saquil taq'uin. C'alal imeltsaje, li me'ile te bat yac' ta sna li Micaiae.

Jueces 17:4 Iomraidhean Croise

Isaías 30:22

Ta xc'ot ta pasel ti mu'yuc xa stu avu'un ta xavil ti loc'obbail ti meltsanbil ta platae, ti loc'obbail ti bonanbil ta oroe. Ta xc'ot ta pasel ti mu'yuc xa stu avu'un ta j'ech'ele. Ta xabis ta c'a'ep liquel.

Isaías 44:13

Jq'ueltic avilic xtoc, xi s'elan ta spas ti jloc'taej loc'obbaile: Ta xlic sbis ta sbisobil. Ta stunes lapis xchi'uc yac'obil senyail ti bu ta x'ech' ti c'u s'elan sta o ta xch'ojan loq'uele. Ts'acal to un, ta xlic xch'ojilan ta sjulubil. Ja' jech ta xc'ataj ta jun loc'obbail yu'un ti ts'acal lec yoc sc'ob ta q'uelel yilele, co'ol xa s'elan jun jve'el j'uch'-vo' yilel, ti chotol xa liquel ta ch'ulna yu'un une.

Habacuc 2:18

¿Mi yu'un oy to c'usi xtun o ti c'usitic c'upil sba loc'tabil ti c'alal meltsanbil yu'un ti vinique? ¿Mi yu'un oy c'usi xtun o ti c'usitic loc'tabil c'alal ja' no'ox ta x'ac'van ta jutc'ope? Mu stac' xc'opoj ti c'usitic loc'tabile; ¿c'usi xavut un cha'e, ti xu' xapat avo'nton ta stojolic c'alal naca no'ox meltsanbil yu'un ti viniquetique?

Deuteronomio 27:15

‘Bac svocol chamuc ta banomil ti buch'u ta smeltsan ti sdiostaque, mi oy c'usi unijesbil ta taq'uin ta sloc'tae, mi ta xac' ta meltsanel ti oy bu c'otem ta pasel ti snac'oj xa leque. Ti jech taje, toj chopol ta xil ti Diose.’ Xi ta stac' scotol ti lume: ‘Jechuc.’

Jueces 17:3

Ta melel le'e, cac'oj xa ta ventainel ta stojol ti Dios ta sventa ti colote, yo' ta xich' loc'tael loc'obbail dios ti bonbil lec ta plata taq'uine. Avi tana une, ta jsutesbot ec un.

Jueces 17:5

Ti bu sna ti Micaíase, chapal lec ti bu xlic xcaj ti nijanob chimanobbaile. Laj yac' ta meltsanel luchbil jayal saquil c'u'il, xchi'uc yajdiostac. Lic sva'an ta pale jun ta scotol ti xnich'nabe.

Jueces 18:17

Ti vo'ob jpa'ivanejetique, ba'yel ochic batel ta yut na. Laj stamic talel ti loc'tabil dios ti bonbil ta plata taq'uine, ti jayal luchbil saquil c'u'ile, xchi'uc ti bic'tal diosetique. Jech laj spas taje, ti palee va'al com ta ti' na xchi'uc ti vaquib ciento (600) ta vo' soldadoetique.