Jueces 17:3 - Bible in Tzotzil de Chamula

³ Ta melel le'e, cac'oj xa ta ventainel ta stojol ti Dios ta sventa ti colote, yo' ta xich' loc'tael loc'obbail dios ti bonbil lec ta plata taq'uine. Avi tana une, ta jsutesbot ec un.

Jueces 17:3 Iomraidhean Croise

2 Crónicas 33:7

Ja' jech xtoc laj sva'an ta xch'ulna Dios ti loc'obbail laj yac' ta meltsanele, c'alal xi albat sc'oplal yu'un Dios ti Davide, xchi'uc ti xnich'on ti Salomón sbie: “Ti ch'ulna li' ta Jerusalene, ti laj jt'uj ta scotol yosilal ti jayvoc' Israele, c'ot ta yavil ti bu ta xi'ich'at ta muc' sbatel osile.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 20:4

“Mu xava'an jtosuc loc'obbail, mi ja'uc sloc'obbailtac ti c'usitic oy ta ac'ol ti ta vinajele, mi ja'uc sloc'obbailtac ti c'usitic oy ta banomil ti oy ta peq'uele, mi ja'uc ti c'usitic oy ta nab ti ts'anal ta banomile.

Éxodo 34:17

“J'ech'eluc mi ja'uc xameltsanic ti adiosic ti unijesbil ta taq'uine.

Isaías 30:22

Ta xc'ot ta pasel ti mu'yuc xa stu avu'un ta xavil ti loc'obbail ti meltsanbil ta platae, ti loc'obbail ti bonanbil ta oroe. Ta xc'ot ta pasel ti mu'yuc xa stu avu'un ta j'ech'ele. Ta xabis ta c'a'ep liquel.

Isaías 66:3

Ja'uc le'e, oy buch'u ta xac'be yich' svocol ta milel jcot tot vacax, ta smil vinic xtoc. Oy buch'u ta spajbe cuchilu ta snuc' ti chije, ta smil ts'i' xtoc. Oy buch'u ta xac' ta matanal ti jchop o ta trigoe, ta xac' ta matanal xch'ich'el chitom xtoc. Oy buch'u ta xchic' ti pome, ta xich' ta muc' loc'obbail xtoc. Ti buch'utic laj yac' sjol ta spasel ti va'i s'elan taj ti mu albajuc xchopolal ta j'ech'ele, jun yutsil ta spasel xa'i.

Jeremías 10:8

Scotolic pimuneb xa'i sbaic, mi jutebuc oy sbijilic. Mi jutebuc xu' ta xchanubtasatic yu'un ti bas-bas te'e.

Levítico 19:4

“Mu xanijan xachiman abaic ta sts'ac-patiel ti c'usi meltsanbil ta c'abale. Mi ja'uc xameltsan ta xrioxinel ti ulesbil ta taq'uine. Yu'un vu'un ti Ajvalil Diosun avu'unique.

San Juan 16:2

Yu'un ta xavich'ic jipel loq'uel ta ch'ul na. Xu' ta xc'ot ta pasel ti oy buch'u ta xasmiloxuc ti ta snopic ti ja' jech ta xtunic yu'un ti Diose.

Deuteronomio 12:3

Lilinic ti scajanobil matanale. Bic'tajesic ta voq'uel ti tonetique. Chiq'uic ta j'ech'el ti c'usi va'ajtic ta snijan sbaic ta yich'el ta muq'ue. Lilinic ta j'ech'el ti sloc'obbail diosetique. Ch'ayic tubic sc'oplal ta o'ntonal ti tsots sc'oplal yu'unic ti bu taje.

Deuteronomio 27:15

‘Bac svocol chamuc ta banomil ti buch'u ta smeltsan ti sdiostaque, mi oy c'usi unijesbil ta taq'uin ta sloc'tae, mi ta xac' ta meltsanel ti oy bu c'otem ta pasel ti snac'oj xa leque. Ti jech taje, toj chopol ta xil ti Diose.’ Xi ta stac' scotol ti lume: ‘Jechuc.’

Jueces 17:13

Laj snop ti Micaíae, ti j'ech'el laj sva'an sba ti Dios ta stojole, yu'un ja' levita ti ochem ta paleal yu'une.

Jueces 17:2

ti xi laj yalbe ti sme'e: —Ti buluchib ciento (1,100) ta sep plata taq'uin ti laj aval ti ch'aye, ti laj abis ta cotol chaval sc'oplal ti j'eleq'ue, vu'un bac' coc jc'ob ta yelc'anel. Avie, ta jsutesbot, yu'un laj ca'i ti avac'ojbe xa sventain Dios yo' ta xich' meltsanel dios ti bonbil ta platae. Va'i un, ti me'ile xi tsots laj yale: —¡Ac'o sva'an sba ta atojol ti Diose, col!

Jueces 17:4

C'alal laj xa yac'be sutel taq'uin sme' ti Micaiae, jech ti me'ile bat yac' lajunvinic (200) ta sep plata taq'uin ta stojol jun j'unijesej-taq'uin yo' ta smeltsan ta loc'tael jun loc'obbail dios ti bonbil ta plata taq'uine. Ti mi laj une, ta xbat yac' ta sna Micaías ti mi meltsaj xae.

Jueces 18:30

Ti danitaetique lic sva'anic ti loc'obbail diose yo' jech ta snijan sbaic ta yich'el ta muc'. Ti pale yu'unique, ja' ti Jonatán sbie, xnich'on ti Gersone, smom ti Moisese. Ts'acal to un, snitilultac ti Jonatane ochic ta paleal yu'un ti danitaetique, ja' to ti c'uxi xujbil loq'uique.

Jueces 18:5

Ja' yu'un un, xi laj yalbeique —Jac'uncutic ta stojol ti Diose yo' jech ta xich' na'el mi lec ta xc'ot ta jtojolcutic ti jech loq'uemuncutic talel ta xanvile.