Jueces 17:2 - Bible in Tzotzil de Chamula

² ti xi laj yalbe ti sme'e: —Ti buluchib ciento (1,100) ta sep plata taq'uin ti laj aval ti ch'aye, ti laj abis ta cotol chaval sc'oplal ti j'eleq'ue, vu'un bac' coc jc'ob ta yelc'anel. Avie, ta jsutesbot, yu'un laj ca'i ti avac'ojbe xa sventain Dios yo' ta xich' meltsanel dios ti bonbil ta platae. Va'i un, ti me'ile xi tsots laj yale: —¡Ac'o sva'an sba ta atojol ti Diose, col!

Bible in Tzotzil de Chenalhó with Deuterocanon

^2-3 Jech laj yalbe li sme'e: —Li jmil xchi'uc vo'vinic (1,100) ta sep saquil taq'uin ich'ay avu'un chavale, ti lachopolc'opoj o ta stojol li j'eleq'ue, pero vu'un li' quich'oj li taq'uine; vu'un laj quelc'an. Ta jsutesbot, yu'un laj ca'ay ti laj aval ti avoc'oj xa ta sventa Muc'ul Dios, yu'un chavac' ta pasel jun dios avu'un ti lec bisbil smuc'ule xchi'uc ti lec pixbil ta saquil taq'uine —xut. Jech la sutesbe li saquil taq'uine. Li sme'e jech laj yal: —Ac'o yac'bot bendición li Muc'ul Diose, col —xut.

Jueces 17:2 Iomraidhean Croise

Génesis 14:19

Va'i un, xi s'elan xvulvun liquel ta lequil c'op ta stojol ti Abrame: “Ac'o xasts'uiltasot ti Dios ti oy ta toyole, ti ja' laj smeltsan ti vinajele, ti banomile.

Nehemías 13:25

Laj jvulilanic ya'iic. Laj jbisic ta cotol chaval. Oy jlom laj jtsac ta majel, laj jnitbe ya'i ta sjolic. Laj jsuj ti yalicuc ta stojol Dios ti mu xic' sbaic xchi'uc jyanlum ti squerem stsebique, mi ja'uc ti stuquic eque. Xi to laj calbeic xtoque:

Salmos 10:3

Ti buch'u mu'yuc xch'ulel xa'i sbae, chi' xa no'ox ta xa'i ta yac'bel sba c'usi ta sc'an ti yo'ntone; ti bic'tajem yo'nton yu'un ti c'usi ta sc'ane, ta sbis ta cotol chaval, ta sjip ta sten ti Diose.

Éxodo 20:7

“Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Proverbios 28:24

Ti buch'u ta xal mu muliluc ti oy c'usi xu' ta xelc'anbe ti stot sme'e, cuxul j'ac'-ti'ol ma' le' une.

Jeremías 48:10

(Bisbil ta cotol chaval ta xc'ot ti buch'u mu xmuyubaj ta spasel ti c'usi ac'bat sbain yu'un ti Diose. Bisbil ta cotol chaval ta xc'ot ti buch'u mu stsac ta stunesel ti yabtejebe.)

San Mateo 26:74

Ti Pedroe lic chopol c'opojuc, ti xi laj sva'an sba ta yalel ta j'ech'ele: —J'ech'el mu xcojtiquin buch'u ma' ti vinic le'e. C'alal jech laj yal ti Pedroe, ja' o oc' ti cotse.

Romanos 9:3

ti jc'anuc ca'i ta jip jba loq'uel ta stojol ti Cristoe yo' lamluc c'otuc ta jtojol ti bac vocol ti staicuc slequilal ti jchi'iltac ti ja' jvinquileltaque.

1 Corintios 16:22

Mi oy buch'u mu'yuc c'ux ta xa'i ti Cajvaltic Jesucristoe, ac'o batuc ta ch'ayel. La' no'ox xch'a, Cajval.

Deuteronomio 27:16

‘Bac svocol chamuc ta banomil ti buch'u mu lecuc xil ti stote, mi ja' ti sme'e.’ Xi ta stac' scotol ti lume: ‘Jechuc.’

2 Juan 1:11

Yu'un ti buch'u ta xich' ta muq'ue, ta stabe ta maquibel ti c'usi chopol ta spase.

Jueces 17:1

Ta vitstic ti ta yosil ti Efraine, nacal jun vinic ti sbiinoj Micaíae,

Jueces 17:3

Ta melel le'e, cac'oj xa ta ventainel ta stojol ti Dios ta sventa ti colote, yo' ta xich' loc'tael loc'obbail dios ti bonbil lec ta plata taq'uine. Avi tana une, ta jsutesbot ec un.

Jueces 5:23

Xi laj yal ti yaj'ánjel Diose: ‘C'otuc tsots bac vocol ta stojol ti Meroze xchi'uc ti jnaclejetic yu'une.’ Yu'un mu'yuc laj sbis sbaic ta tsatsal viniquetic ta scoltael ti Diose.

Rut 3:10

Xi laj yal ti Booze: —Ac'o sva'an sba ta atojolal ti Diose. Avi tana une, ta j'ech'el laj avac' ta ilel ta q'uelel ti achabioj aba ta stojol ti anima amalale. Yu'un ti jechuque, ja' laj asa' ti bu querem toe, mi jc'ulej, mi me'un, ti mu to ta sta syijil jech c'u cha'alune. Mu ja'uc jech laj apas.

1 Samuel 14:24

Manchuc mi jech un, ti jech c'ac'al taje, lubtsajemic ta j'ech'el ti israeletique. Mi junuc oy buch'u stic'oj ta ye ti ve'lil ta j'ech'ele, yu'un xi laj yal ti Saúl ta stojol ti jteclume: “Bisbil ta cotol chaval ta xc'ot ti buch'u ta xve' ti c'alal mu to ta xmal ti c'ac'ale, ti mi mu'yuc to tsalbil ta xc'ot cu'un ti cajcontrae.”

1 Samuel 14:28

Va'i un, ti jun ta scotol ti soldado israele, xi albat yu'une: —Ti atote sva'anoj sba ta yalel ta stojol ti yajsoldadotaque, ti mi oy buch'u oy c'usi ta slajes jutebuque, bisbil ta cotol chaval ta xc'ot. Jech o xal ti lume lubtsajemic ta j'ech'el.

1 Samuel 15:13

Va'i un, ti Samuele bat ti bu oy ti Saule, ti xi albat yu'une: —Ac'o sva'an sba ti Dios ta atojolale. Laj xa jpas ti c'usi ta sc'an ti Diose.

1 Samuel 23:21

Xi laj stac' ti Saule: —¡Dios ac'o sva'an sba ta atojolic ti c'uxun ta avo'ntonique!

1 Samuel 26:19

Ta xajc'anbe vocol, Jcuch Abtel, ti a'yibo sc'op ti avajtunel li'e. Ti mi ja' ta xac'bot ana' ti Dios ti jech contra ta xiyil ti Jcuch Abtele, xu' to nan ta xich' ta muc' ti matanal ti ta xavac'bee. Ti mi ja' no'ox ta snop stuc ti vinique, bisatuc ta cotol chaval yu'un ti Diose. Avi tanae, laj ajipicun xa loq'uel ta sbanomil ti Diose yo' jech sujbil ta xibat ta snijanel xchimanel jba ta yich'el ta muc' ti yan diosetic une.