Jueces 16:6 - Bible in Tzotzil de Chamula

⁶ Va'i un, ti antse xi laj yalbe ti Sansone: —Avocoluc, albun ca'i bu ta xlic talel ti avipal ti mu albajuc xu' avu'un ta j'ech'ele. ¿Mi oy c'usi ta chuquelot o ti mu xa xu' ta xacolta abae?

Bible in Tzotzil de Chenalhó with Deuterocanon

⁶ Li Dalilae jech lic yalbe li Sansone: —Avocoluc albun ca'ay c'uxi chavut ti toj tsots alomoe, xchi'uc c'u x'elan xu' chavich' chuquel chavich' tsalel —xut.

Jueces 16:6 Iomraidhean Croise

Nehemías 6:4

Chanib velta ti mu yanuc ti c'u s'elan ti smantal laj staun ta iq'uele, ti mu yanuc ti c'u s'elan laj jtac' sutel ti c'ope.

Salmos 12:2

Jujun ta sjutanbe sbaic ti c'ope; jun xa yutsil ma' ti ye sti'ic ta spas sbaic une, naca ta joyob c'op ti c'usi ta xalique.

Proverbios 22:14

Natil joc' s'elan ye sti' ti jlo'laej vinic antse, ti bu ta xc'otic ta bajel ti buch'u bisbilic ta cotol chaval yu'un ti Diose.

Proverbios 26:28

Ti buch'u jutc'ope xti'et sjol yu'un ti melele; ti buch'u jun xa yutsil xlamet ti ye sti' spas sba yilele, xvochvun no'ox liquel yu'un ti c'ope.

Proverbios 6:26

Ta juteb no'ox ve'lil, ta sbolomalin sba ti antse, ja'uc ti ants oy yajval sna' xac' sbae, oy ta yo'nton ta xu'ninbe yo'nton ti buch'u xloc' venta ta xile.

Proverbios 7:21

Ti jun xa yutsil ti ye sti' xvulvun ta j'ech'ele, ta jech to yepal, vos yo'nton yu'un ma' ti querem vinic une.

Miqueas 7:2

Ja' jech ti li' ta banomile, mi ja'uc xa oy viniquetic ti oy stuq'uil snopbenal yu'unic ta stojol ti Diose. Scotolic ja' yac'oj sjol yo'ntonic ti snopojic xa c'usi ora ta sliques ta spasel ti c'usi chopole; ta ono'ox xac'be sba spets'alic ta jujun tal.

Miqueas 7:5

Mu me toj c'oteluc ta avo'nton ti c'usi ta slo'iltabot ti achi'iltaque; ma'uc me ti ja' apatoj o avo'nton xchi'uc ti buch'u lec xavil abaic xchi'uque. C'alal to ta stojol ti avajnile, q'uelo me aba lec ti c'u s'elan xu' ta xalo'ilaje.

Jueces 14:17

Ti stuc une x'oc'olet o ta stojol sta ti vucub c'ac'al ti ja' jech sjalil ti q'uin ta x'ech'e. Laj slo'labe ti yo'nton ta j'ech'ele, ti c'ot ta pasel ti c'alal sta ti yucubal c'ac'ale, lic yalbe ya'i ta jamal ti c'usi ta xich' t'unbel ti smelole. Va'i un, ti stuque toj jelavel yu'un ti bat yalbe ya'i ti svinquileltaque.

Jueces 16:5

Ti banquilaletic yu'un ti filisteoetique xi c'ot yalic ti c'alal bat sq'uelic ti Dalilae: —Lo'labo yo'nton ti Sansone. T'uno ta jac'bel ca'itic bu ta xlic talel ti yipal ti mu albajuc xu' yu'une. Jac'bo ca'itic c'usi ta utel ti tsalbil ta xc'ote yo' jech xu' ta jchuccutic ti mu ja'uc xa ta xcol batele. Ta sventa ti avabtel taje, ta xacac'becutic buluchib ciento (1,100) ta sep plata taq'uin ti jujununcutique.

Jueces 16:7

Xi tac'bat yu'un ti Sansone: —Mi ta xischuquicun ta vucbej (7) yaq'uil yolob ti yox toe, ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique.