Jueces 16:5 - Bible in Tzotzil de Chamula

⁵ Ti banquilaletic yu'un ti filisteoetique xi c'ot yalic ti c'alal bat sq'uelic ti Dalilae: —Lo'labo yo'nton ti Sansone. T'uno ta jac'bel ca'itic bu ta xlic talel ti yipal ti mu albajuc xu' yu'une. Jac'bo ca'itic c'usi ta utel ti tsalbil ta xc'ote yo' jech xu' ta jchuccutic ti mu ja'uc xa ta xcol batele. Ta sventa ti avabtel taje, ta xacac'becutic buluchib ciento (1,100) ta sep plata taq'uin ti jujununcutique.

Bible in Tzotzil de Chenalhó with Deuterocanon

⁵ Li banquilaletic yu'un filistaetique jech bat yalbeic li Dalilae: —Lo'lao li Sansone; jots'ol jaq'uilanbo c'u yu'un ti toj tsots slomoe, xchi'uc c'u x'elan xu' ta jtsalcutic, yu'un jech xu' ta jchuccutic. Chacac'botcutic lec atojol; ta xcac'cutic jmil xchi'uc vo'vinic (1,100) ta sep saquil taq'uin jujununcutic —xutic.

Jueces 16:5 Iomraidhean Croise

Génesis 33:16

Ti jech c'ac'al taje, sut batel ta Seir ti Esaue.

Miqueas 7:3

Ti banquilaletique xa'i sbaic ta spasel ti c'usi chopole. Ti j'opisialetique ta sujvanic ti ac'o ac'baticuc ti smotonique. Ti jchapanvanejetique toj lec ta xa'iic ti mich'ob c'abale. Ti buch'utic ich'bil ye sti'ic xa'i sbaique, ta spas ti c'usi xa xal ti yo'ntone, ti ta sbolibtasbe yo'nton ti jteclume.

San Mateo 26:15

ti xi laj yalbee: —¿C'u yepal ta xavac'beicun yo' ta xcac' ta avoc ta ac'obic ti Jesuse? Ti stuquique laj yaq'uic lajuneb xcha'vinic (30) ta sep plata taq'uin.

Josué 13:3

ti q'uiil batel ta ti' uc'um Sihor, ta yeloval sloq'ueb c'ac'al yu'un ti Egiptoe, ti ta xc'ot c'alal to sts'ac ti Ecrone, xchi'uc ti oy ta yolon ti yolon xocon sloq'ueb c'ac'ale ti c'otem ta yosilic ti cananeoetique. Tey oy xtoc vo'ob ajvalil filisteoetique ti nacalic ta jteclum Gazae, ti ta jteclum Asdode, ti ta jteclum Ascalone, ti ta jteclum Gate, xchi'uc ti ta jteclum Ecrone. Ta sc'an u'ninel xtoc yosilalic ti aveoetique.

Jueces 14:15

Ta xchanibal c'ac'al un, xi laj yalbeic yajnil ti Sansone: —Lo'labo yo'nton yo' jech ta sjam ye ta sjambel smelol ti tajimol lo'il ti ta jt'uncutic yu'un ti amalale. Ti mi mu jechuque, ta xajchic'otcutic ta c'oc', xchi'uc scotol ti c'u yepal oy ta sna ti atote. ¡Yu'un ti vo'oxuc yilele, ta xvinaj ti laj avic'uncutic talel li'e yo' jech ta xapojbuncutic batel ti c'usi oy cu'uncutique!

Jueces 16:4

Ts'acal to un, ti Sansone ic'bil c'ot yo'nton yu'un jun ants ti sbiinoj Dalila ti nacal ta stenlejal Soreque.

Jueces 16:6

Va'i un, ti antse xi laj yalbe ti Sansone: —Avocoluc, albun ca'i bu ta xlic talel ti avipal ti mu albajuc xu' avu'un ta j'ech'ele. ¿Mi oy c'usi ta chuquelot o ti mu xa xu' ta xacolta abae?

Jueces 17:2

ti xi laj yalbe ti sme'e: —Ti buluchib ciento (1,100) ta sep plata taq'uin ti laj aval ti ch'aye, ti laj abis ta cotol chaval sc'oplal ti j'eleq'ue, vu'un bac' coc jc'ob ta yelc'anel. Avie, ta jsutesbot, yu'un laj ca'i ti avac'ojbe xa sventain Dios yo' ta xich' meltsanel dios ti bonbil ta platae. Va'i un, ti me'ile xi tsots laj yale: —¡Ac'o sva'an sba ta atojol ti Diose, col!

Jueces 3:3

Yu'un mu'yuc xtijatic ta c'op ti vo'ob banquilaletic yu'un ti filisteoetique, scotol ti cananeoetique, ti sidonioetique, xchi'uc ti heveoetic ti nacalic ta svitsal Líbano ti ta xlic batel ta vits Baal-hermone, ti c'ot c'alal to ti bu ta x'ech' sts'ac ti Hamate.

1 Samuel 29:6

Va'i un, ti Aquise xi laj yalbe ti David ti c'alal laj sta ta iq'uele: —¡Ta melel, ti jech cuxul ti Diose, jna' lec ti tuq'uil vinicote! Ti c'u s'elan laj apas talel ti bu vololotique, lec laj quil. Ti c'u xa sjalil ti lic jchi'in jbatic talele, mu'yuc c'usi chopol ti laj jtabot talele. Ja'uc le' une, mu lecuc ta xilot ti banquilal jpas-mantal soldado filisteoe.