Jueces 16:16 - Bible in Tzotzil de Chamula

¹⁶ Ti jech ono'ox xvulvun ta j'ech'el ti Dalilae, ti ja' ya'yej o ta sjaq'uilanel jujuliquele, ta'lo ya'i ti Sansone, ti sc'anuc xa chamuc ya'ie.

Bible in Tzotzil de Chenalhó with Deuterocanon

¹⁶ Ta sventa ti jujun c'ac'al te xvulvun o ta sjaq'uel jbel ya'yej li Dalilae, jech te i'ech' yo'nton li Sansone la snop ti ac'o xa chamuque.

Jueces 16:16 Iomraidhean Croise

Job 21:4

Ti yacalun ta letoe, ma'uc xchi'uc jun vinic; jech o xal mu x'ech' ta xca'i.

Jonás 4:9

Xi tac'bat yu'un ti Diose: “¿Mi yu'un bal to ta xava'i ti ta xa'ilin xchi'uc ti taquij xa ti jpets uni te'e?” Xi laj stac' ti Jonase: “Ja' to me xlaet ya'yel unbi. Ta sc'ac'al xa no'ox co'nton xicham o xchi'uc.”

Marcos 14:24

Xi laj yal ti Jesuse: —Ti vino laj avuch'ique, ja' c'ot ta pasel ti ach' trate ta sventa ta xmal ti jch'ich'el sventa slequilal ti epal jnaclejetic ta banomile.

San Lucas 11:8

Ta xcalboxuc ava'iic, mu xlic yac'bot ti c'usi ta xtune manchuc mi lec xavil abaic xchi'uc. Le' une, ta xtavan xa'i ti xavulvun ta jmeque, ta xlic yac'bot ti c'usi ta xtun avu'une.

San Lucas 18:5

ti li' ono'ox xva'vun ti antse, ta xtavan xca'i. Ja' lec ta jchapanbe ti sc'ope yo' ta jpoj, yo' mu li'uc no'ox xva'vune.’

Jueces 14:16

Va'i un, ti tsebe bat ti bu oy ti Sansone, ti x'oc'olet xa xi c'ot yalbee: —Ma'uc ac'upilun jna'. Sc'a'epalun asat jna'. Yu'un laj xa avac'be st'un tajimol lo'il ti jvinquileltaque, ti mu ja'uc avalojbun ca'i c'usi ti smelole. Xi tac'bat yu'un ti Sansone: —Mu xcalbot ava'i unbi, yu'un c'alal ta jtot jme' mu'yuc calojbe ya'i.

Jueces 14:17

Ti stuc une x'oc'olet o ta stojol sta ti vucub c'ac'al ti ja' jech sjalil ti q'uin ta x'ech'e. Laj slo'labe ti yo'nton ta j'ech'ele, ti c'ot ta pasel ti c'alal sta ti yucubal c'ac'ale, lic yalbe ya'i ta jamal ti c'usi ta xich' t'unbel ti smelole. Va'i un, ti stuque toj jelavel yu'un ti bat yalbe ya'i ti svinquileltaque.

Jueces 16:15

Xi albat yu'un ti ants une: —¡Jutc'opot ta j'ech'el! ¿C'usi xavut ta xavalbun ti ac'upilune? Yoxibal xa velta laj alo'laun. Mi ja'uc avalojbun bu ta xlic talel ti avip ti ech'em xu' avu'une.

Jueces 16:17

Va'i un, c'ot ta pasel ti lic sjam ye sti' ti xi laj yalbe ya'i ti Dalila ti c'usi mucul to ox yu'une: —Mu'yuc buch'u sloc'oj ta j'ech'el ti stsotsil jole. Yu'un ti c'alal mu'yuc to ox ta xivoq'ue, t'ujbilun ono'ox yu'un ti Dios ti oy sc'oplal nazareoune. Ti mi ta xc'ot ta pasel ti ta sloc'beicun ti stsotsil jole, ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique.